2 SAMUEL 21:1 - ASII LAKDAP Bible (BSI)

¹ Dawit raq mung pengtlaq pat na rawiitsam tinkhit ram henghea dongto. Kriikha na Dawit raq Tatiwe rai riiwaito. Kiimaq Tatiwe raq treto, “Saul nai ajamtitiim raq maiq tsatbaiq raüta mat kha tangto. Apaiq raq Gibeon chelati tsatbaiqto.”

Hawa Naga Bible 2001

¹ Dawid pat nuex wawc thuimx tup rvmc dung wvnc tueq, kvkhoc rvtueq Dawid rueq Yehowa muex wiz koq tueq, Yehowa rueq, “Sholu rueq Gibeon ghaq wawc miq htenc kuex thvy gay ningkhvnc nuex piq nuiyc vyuimx wuinz htenc nuex miq thvy gay mvrax lvp tueq,” ngoz tueq jungx tueq.

2 SAMUEL 21:1 Referencias Cruzadas

RAPHA HIQWA LAK 12:10

Shatmaq Kanan mung na ramdongto. Kra ramdong ka henghea kha maq Abram ka shemai nü mung na alu lin na, Ejip mung na heashi sikai nguta kihoto.

RAPHA HIQWA LAK 26:1

Kanan mung na ram dong nongto. Arka kongkhuji Abraham pat na dongtaq kra jai thong she riito. Kiimaq Isak ka Philistain mung hokhamwe Abimelekh phana Gerar chela na kihoto.

RAPHA HIQWA LAK 41:57

Mangjong tlotli wa maiq thun ka Ejip mung na Joseph jaq wa tsam rikai kito. Jamkhano ngukla kra ramdong ka barapse na henghea dong wanto.

RAPHA HIQWA LAK 42:5

Jakob setiim ka maiq nanok ahinti rai ramrit kai kito. Jamkhano ngukla Kanan mung na ram dongto.

RAPHA HIQWA LAK 43:1

Kanan mung na ramdong ka henghea she riiwanto.

2 SAMUEL 16:8

Ümniiraq Saul mungtan nyeaho laü. Kiimaq ümniiraq Saul tahii maiq pahea tsatbaiq laü kriikha na. Tatiwe raq ümniima apaiq mo she tiihotlo. Tatiwe üm mungtan ka ümse Absalom miishe kuq baiqto. Kiimaq ümniika miqlaü she, ümniika matwe!”

2 SAMUEL 20:26

Kiimaq Jair chelati Ira kiimin Dawit ma ramwe jaqshamketi phong wa weshi riito.

2 SAMUEL 21:5

Kiijiishe tsangshiq raq treto, “Saul raq naishiq ka jiipbaiq raüta Israil mung na chongthum ma tiijabaiq tanto.

2 SAMUEL 24:1

Tatiwe ka thongshi ri hali Israil mungti ma atsankhiq riito. Kra ningkhan apaiq raq Dawit tsantsii tiipherak raüta Israil mung khuthaq na chamchao tiisaüto. Tatiwe raq apaiq ka thaüto, “Kilaq. Laüta Israil mungti nai Juda mungti maiq ümchuwa kra wealaq.”

2 SAMUEL 5:19

Kiijiishe Dawit raq Tatiwe ma akha waito, “Ngi raq Philistainnok ka mikhatkiha shea? Ümniiraq tsangshiq ka ngi ma mitiitangkuq haü shea?” “Kilaq ahea! Laüta khatkikiq,” nguta Tatiwe raq treto. “Ngi raq ümniima tsangshiq ka mitiitang kuq kang!”

2 SAMUEL 5:23

Kiimaq Dawit raq thongshi ri hali Tatiwe ma wai nongto, Kiimaq apaiq raq akha treto, “Tsangshiq ka anünü miika naqkhatkiq. Shatmaq lam tiikon nü maq kilaüta, konü siim kriimaq balsam pero binjü tho kriimaq kheho li laüta khat-ho laq.

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

1 HOKHVMX 18:2

Krai mren Elija ka wawanto. Samaria mung na ramdong ka henghea pinthum ba riito.

2 HOKHVMX 6:25

Re raq chela kombaiq kha maq, chelati ma phaq nai sea ka thümhea she riito. Kra ningkhan kumtoq kaü khupo ka kampho kamsii roqtiichat pha shatlo kiimaq rum na acham siqkhupo ka gram shinai ka kampho ngam kamsii siibiingingi pha shatlo.

2 HOKHVMX 8:1

Riita Elisha raq Shunem hiq na siti nyung, apaiq raq ase ka amaa wa atra tiichhun kuq taq nyung kriima, Tatiwe raq kra mung rawii miishi ram she mitiidong. Kra ningkhan kriinyung ka ajamti thun kra sheaho raüta maiqhiq ahin na siki raüjaq ahea miraq nguta tsü chongkuqto.

YOBA 10:2

Shiikeawe lei, ngi ka naq tiishut kiq. Ngi ma chong laq! Ngi shut phit ka jamlai wa?

Tvtsvmc 27:8

Ümtiikiiwa ümniiraq, “Wara, laüta ngi noqlaq,” ngulaü, Ngi raq trekang, “Ngi watiikang lii Tatiwe lei;”

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

LEWI 26:26

Ngi raq namshiq phaqsea lun wan chang lam thun kra ashang mirbaiqha. Kra ningkhan ramtsi ma jechak nyung roqshi raq tsangshiq winsii lumchang wacha ka ashi kiijiili she milum. Ashong lumchang min ahü she miraq. Tsangshiq raq rai awong ka akhüse kli she mishong phaqsiq. Kra ningkhan namjaq na sitlaq kra phaqsea lot jai, namshiq ka ramtsi hot hot li misi han.

WEAWEA 27:21

Apaiq ka ramwe Eleajar dü na tiinin raüta misi. Eleajar riika Ngi raq jamlai wa rotiikang kra Urim nai Thummin maq lang lii raüta misap. Akha Eleaja raq Joshua ka tsii michongkuq. Kiimaq Israilnok mungmaiqse tlotli ka phanrap lam phan na mishun shea wan.”

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 9:20

Nashiq raq tsangshiq ka atra tiisi chang she dongdii. Jamkhano ngukla nashiq raq tongshong tumkham kok towan kai she. Nashiq raq tri ka lang mai riihaila, Shiikeawe raq nashiq ma mo mitiiho.

RUTHA 1:1

Phowebi raq Israil mung lang tlaq pat na, lakshi ram jonghea dongto. Ramdong kha na Juda wang wa Bethlehem chela na siti maiqwe ashi ka tsangnyung rai asenai kra sheaho raüta, Mob mung na sikai laühoto.

1 SAMUEL 10:22

Kiijiishe tsangshiq raq Tatiwe ma waito, “Riita maiq ahin min asi shea?” Kiijiishe Tatiwe raq treto, “Saul ka iniikiijaq, hupsam phong mong na tiipaütlo.”

1 SAMUEL 23:11

Riita Kaila chelati raq ngi ka Saul jaqkhon mong na milapkuq dea shea? Kiimaq ngi raq tsütsa taikang kra ngohea shaqshaq Saul ka Kaila chela na miki dea shea? O Tatiwe, Israilnok Shiikeawe lei, ngi achu jaü ara trekuq laq nguta tiipaiqnea tiikang!” nguta Dawit raq achu jaüto. Kiijiishe Tatiwe raq, “Saul ka miki dea,” nguta treto.

1 SAMUEL 23:2

Kra ningkhan apaiq raq Tatiwe ma, “Ngi raq Philistainnok ka mikhat kiha sha?” nguta waito. Kiijiishe, “Kilaq, khatkitkiq. Laüta Kaila chelati kra tiichhiikuq laq,” nguta Tatiwe raq treto.

1 SAMUEL 23:4

Kriikha Dawit raq thongshi ri hali Tatiwe ma wainongto. Kiimaq Tatiwe riimin apaiq ma, “Kilaq. Laüta Kaila ka khatki kiq. Jamkhano ngukla ngi raq ümniima Philistainnok ka miitiitang kuqkang.”