2 SAMUEL 13:4 - ASII LAKDAP Bible (BSI)

⁴ Kiijiishe Jonadab raq Amnon ma akha nguto, “Ümniika hokhamwe se. Shatmaq wranaiqshe ngi raq ümsham na tiima tsanbi chapa asi ikha chhitiikang. Jamlai wa rakita?” “Ngi raq ino Absalom ma asheanyung ano Tamar ka pinthum lungwii tiikang,” nguta apaiq raq treto.

Hawa Naga Bible 2001

⁴ Jonadab rueq Amnon muex ngoc, “Mnoz kuex hokhvmx saz rvtoq, yuq muinz nuiyqshiz maq nuiyqshiz mnoz lawc phaungx tueq mthuinz piauc muq khiz vphaungx. Yvmx lac rax yaq nguinx?” ngoz tueq. Piq rueq, “Inox Absalom shvlx nyuiuz Tama kuex ngaz rueq lungwawx thvt vshaungx,” ngoz tueq tvralc tueq.

2 SAMUEL 13:4 Referencias Cruzadas

2 SAMUEL 13:3

Shatmaq apaiq kongtiwe ashi asi. Apaiq ka pinthum khonglaq. Apaiq mang ka Jonadab. Apaiq ka Dawit no Shamma se.

2 SAMUEL 13:5

Kiijiishe Jonadab raq chongto, “Ümniika atsi riikikang nguta chang na bumkikiq. Kiimaq ümwe ka ümnaq liiwa ümpha na wahaüla, apaiq ma akha chonglaq, ‘Iwe lei, mangchan laüta ino Tamar ka ana ijam na tiiwa laq. Raüta ngi ma phaq sea mitiiphaqsiq. Apaiq raq phaqsea ka apaiq jaq maq arjaq imakki na miklo laq. Raüta ajaq maq ngi ma mitiiphaqsiq wa laq,’”

1 HOKHVMX 21:5

Kiijiishe tsangnyung Jejebel ka apaiq phana wato. Raüta waito, “Ümniika jam nguto munjuk mijuk bumrai tlaü? Tü adung min phaqsi maü?”

1 HOKHVMX 21:7

“Ahea kata. Riita ümniika hokhamwe riimak sha? Sha riimak wiita?” nguta Jejebel raq apaiq bom ka treto. “Changdü wa tiido laq. Laüta khoqriiq shishiiq ma silaq. Laüta tü adung kriishe phaqsiq laq. Naboth spiqro ka ngi raq ümniimiishe milap kuq kang!”

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

JEREMIA 8:12

Isenginok lei, namshiq raq atinkhan maiqphai asi jaqsham tlan ningkhan nam jeasi tiisi man shea? Tumman namshiq raq namshiq tiijeasi ka sap man. Namshiq riika jamlai nang wa atiijeasi ngutlaq kriimin sapphaq man! Arningkhan namshiq kiimin nanok abiti thun jamkho miqphaq wantaq, kiikhiisii mimiq phaq han. Ümtiikiiwa ngi raq namshiq ma imo mitiihoha, kra akhing kriishe namshiq ma athum wan akhing miraq. Arka Ngi Tatiwe raq ngutiikang.

LEWI 18:9

Ümshea nyung rai naq haingakiq. Riimakla, ümshea nyung pong nyungse rai naq haingakiq. Apaiq ka ümniirai jamshi na atiijonglu wan riimak li jiimin kiicham maimak.

LEWI 20:17

Kiimaq maiq weshi ra raq anyi ashea-nyung lo ano ashea-nyung lo, riimakla ashea-nyung awe ma ase riimakla anyung ma ase rai sra haüla, tsangnai ka nokwe man na jea tiingaü chang. Raüta hiqshong wa ajo baiq chang. Jamkhano ngukla apaiq raq ashea-nyung rai srato. Krai mren kra kha ka apaiq khupo na ho raa dongdii.

Mikha 7:3

Tsangshiq tarü phusu sang siisaq. Mungtu shiilangbi, phowebi, wiita tsiiqlap seati siisaq. Amangchong ajongwe raq, apaiq raq jamlai wa rotlaq kra, tsangshiq adam kiq ri raüta klotlo.

Luke 12:32

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.