2 SAMUEL 13:3 - ASII LAKDAP Bible (BSI)

³ Shatmaq apaiq kongtiwe ashi asi. Apaiq ka pinthum khonglaq. Apaiq mang ka Jonadab. Apaiq ka Dawit no Shamma se.

Hawa Naga Bible 2001

³ Yuq muinz piq nuex Dawid phuz Shamma saz vmuingc Jonadab ngoz yaq thuinz tsuik lvt kungjix washiz httax yaq.

2 SAMUEL 13:3 Referencias Cruzadas

RAPHA HIQWA LAK 3:1

Riita Tati Shiikeawe raq paü ka pinthum khonglaq phansangto. Kiimaq paü raq maiq nyung ma waito, “Shiikeawe raq ümniima sonruk mong wa petsi ka chongshi ra wiimin naq siq rongkiq nguta ngohea dea shea nguta?”

RAPHA HIQWA LAK 38:1

Kra akhing bala Juda ka aphutiim thun ka baiqthü raüta maiq weshi Hira ngutlaqwe phana sikai kihoto. Kriiwe ka Adullam chelati.

RAPHA HIQWA LAK 38:20

Kra jai miishe Juda raq aluwe Hira ma chhechhise ka jechak nyung kiima tiikuq kito. Kiimaq kriinyung jaq wa ahupsam bomkham akhakuq thü kra tlamkai tiikito. Shatmaq Hira raq kriinyung ka humki mak she riito.

2 SAMUEL 13:2

Apaiq raq Tamar ka kai roriito. Kriikha na Tamar rotsi raq apaiq ka atsi she riikito. Jamkhano ngukla apaiq ka Tamar rai adam na hainga walot mak. Tamar ka junsang krai mren maiqwere rai triihum mak tiisito.

2 SAMUEL 13:32

Shatmaq kra chhi raüta, Dawit ma aphu Shamma se Jonadab riitiq tiina akha nguto, “Chaü lei, tsangshiq raq ümsetiim wiita ka tsatbaiq mak, Amnon lamlam li tsaito. Arka ümniiraq Absalom theaphi na lii laütli asap haü she dongdii kata. Ümra akhing niiwa Amnon raq ano Tamar haihiitaq, kra miiphat she, Absalom tsan na asi dongdii she riito.

2 SAMUEL 13:4

Kiijiishe Jonadab raq Amnon ma akha nguto, “Ümniika hokhamwe se. Shatmaq wranaiqshe ngi raq ümsham na tiima tsanbi chapa asi ikha chhitiikang. Jamlai wa rakita?” “Ngi raq ino Absalom ma asheanyung ano Tamar ka pinthum lungwii tiikang,” nguta apaiq raq treto.

2 SAMUEL 14:2

Kra ningkhan, Joab raq jechak nyung ashi pinthum khonglaq, Tekoa hiq na siti nyung kra tiiheakai tiikito. Kriinyung ka saüwa kiitiishe, apaiq raq akha chongkuqto, “Ümniika maaho majü shiri rai tlaq nyung ikha jashalaq. Ümkhu ümkhea ka maaho manyi miirii khea kra samlaq. Ümkhu kiimin naqthaikiq. Ümniika rahiq luhea she maaho manyi shiri raitlaq nyung ikha tiihonjalaq.

2 SAMUEL 21:21

Apaiq raq Israilnok ka shummii shaqshaq li alachong wa la hok-hii siqto. Kiimaq apaiq kiimin Dawit ma anowe Shamma se Jonathan raq tsatbaiqto.

1 KAÜWA WERAÜ 2:13

Jessi setiim ka maiqwe sere wemiishi riito: Tsangshiq rawii chhikhu chhijai kra phan phan tsangshiq mang ka akha: Eliab, Abinadab, Shamma,

1 KAÜWA WERAÜ 27:32

Jonathan, apaiq ka Hokhamwe Dawit ma awa. Apaiq ka phanrap na shiithuk raüta danhontiwe kiimaq nyanwe. Apaiq ri kiimaq Hakhmoni se Jehiel ka hokham setiim ma lak shrinke arang hoti riito.

ESTHAR 5:10

Shatmaq apaiq raq atsankhiq ka lamaq thang raüta, ajam na wawanto. Raüta apaiq raq akong akiimti thun nai tsangnyung Jeresh kri tiiheakito.

ESTHAR 5:14

Kiijiishe tsangnyung Jeresh nai akongtitiim wiita raq, “Ikhiijiika, ümniiraq phaqsi khamchong ashi adiilu na mitar roqnairi ashi tiihai laq. Laüta anap ranaiq ümniiraq hokhamwe nang nga Mordekai ka kra phaqsi chong kiijaq tiishak paqchang nguta chong liina. Kra lot laütiishetiq, ümniika chochikhiq maq hokhamwe rai wela manto dung seawa dam she wa liina,” nguta tsangnyung nai akongtitiim raq chongto. Kra tai raüta Haman riimin, kra bom ka ahea dea chongtlo nguta tiima wanto. Krai mren, apaiq raq phaqsi khamchong kra shongkai miitu thaüto.

ESTHAR 6:13

Raüta, apaiq raq jamlai phan tsanbi jeasi lamlu wa riihum wantaq, kra thun tsütsa ka tsangnyung nai akongtitiim ma tiitai chongkuq wanto. Krai tai raütiishe tsangnyung nai apaiq kongtibi maiq asung atsii maiqshaqti thun raq, “Riita, ümchaü ümnaq juwe makki niiwa dea rai wantlaü, kriiwe ka Jehudiwe Mordekai jiika, ümniiraq apaiq ka tangmaü she. Apaiq makki na ümniika midea wan haü she dongdii,” nguta apaiq bom ka tsiim jüshushu she treto.

TAKSU LAK 19:6

Seno rümti wela jaq wa, khrum jaüti seno pahea. Apaiq rai mang riisapti nokwe pahea.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

1 Corinthians 3:19

Ara jamkhano chongtiikang ngukla, mangjong hiq tri maq juwa tsüwe tsitwe nguta sitlaq, kriiti ka Shiikeawe makki na ajiq. Asii bomtsi na akha chongtlo, “Jurwa tsangshiq ka taksma tsüwe tsitwe nguta tiingo tlaq, kriiti ka Shiikeawe raq tsangshiq phaqchi thiikho kra miili tiimin baiq tlo,” nguta chongtlo.

James 3:15

Ara chongtiikai akhnok taksu tsii arka, Shiikeawe raq akuq ramungtan wiika riimak. Arka mangjong hiq wa hon atsii, ngarai han-ngam wa adong. Kiimaq thawe shinrii raq akuq ngushat.

PHOWEBI 14:20

Kiimaq tsangnyung ka apaiq khungran poi na tsanwa kongti ma jatiwe kiimiishe tiiwa kuqto.

1 SAMUEL 16:11

Kiijiishe apaiq raq Jesi ma waito, “Riita, ümsetiim ka ahin min asi shea?” Kiijiishe Jesi raq, “Ano nobungwe kla asi. Shatmaq apaiq ka skukong rüm.” “Apaiq ka ana tiiheakiqkiq,” nguta Samuel raq nguto. “Apaiq ka misaüshaq wiiwii, nashiq raq Tatiwe ma honglu ka kuqmai maq mikhe i.”

1 SAMUEL 16:9

Kiijiishe Jesi raq Shamma kriishe sheawanto. “Riimak. Tatiwe raq apaiq armin tsea mak dea,” nguta Samuel raq nguto.