2 Peter 2:13 - ASII LAKDAP Bible (BSI)

¹³ Tsangshiq raq nanok ka jamkho tiichamchao wantaq, kiikhiisii Shiikeawe raq tsangshiq min Phangthum Khapho Ranaiq mitiichamchao wan. Ranaiq shethungpii na che nyang tsamsea butja haisea nai junshüm riirüm riipo nasia kli tsangshiq miika apeo pinthum. Tsangshiq ngarai han-ngam ramho raq jamlai wa jaü tlaq, kra dunghea wan kli lungwiitlo. Tsangshiq ka namshiq Phungmaiqse rintii dungsea riitam nga tlan kiijiimin lom dam tlo. Tsangshiq raq akha biitsaüki lam maq namshiq rai lom dam tlaq kriika namshiq li tiisheshi dam tlo. Tsangshiq ka akha laopha kiimung raüta siwan kli peosiq tlo.

Hawa Naga Bible 2001

¹³ Tsuingshiq kuex miq vganc muex tvrvhumc kuq yaq phvnx kuilc daz kuex tsuingshiq muex tvyez kuy rvhumc tuex. Tsuingshiq kuex raungnuiyq shalhtungx nuex doc muinz tsuingshiq gvnngvmx piauc lvmx tvhungx tvkoc kuex tsuingshiq piauc juing lvmx rvtueq; tsuingshiq kuex nuimshiq rueq phauk saq vshuinx phungc nuex vdvmz maq lomx yaq ningkhvnc nuex nuimshiq tvkoc miqyvlc vsac muingc bac lvmz tvyaungc yaq, tsuingshiq kuex mkaq muinz vlauc vlawc lvmx kuex raungc raq yaq.

Muklom

¹³ Ning aa miq dak tashit ta mal ning ma tho eshimal hun angna; ning aa rangney o tho jashit kut aa kan eq ning hanngam tinthin sha tasungrang na, ning aa irimal rakri jaksom som eq nim jamoq phaksat phaksa ajo, rakri raaq angna.

2 Peter 2:13 Referencias Cruzadas

ASHICHONG 4:7

Ümshamhea ka tsomhea aro junse lei, Jamlai kojo ngomin ahü!

ISAIA 3:11

Shatmaq abi klotibi thun ka miqto she. Tsangshiq raq nanok ma jamlai ashut wa klotaq kriithun ka tsangshiq miishe mijang kuq wan.

Romans 13:13

Riita, ümchaü sanha rawü maiqse jamkho sitlaq, kiikha athuk atsom miishe shongnga rong i. Ümchaü sanha, hi-awaq ikha kiijoq kiicham, cherop tsampii riinyatshat ka raa mak she. Kiijoq kiicham maiqtsai ngamhai riinyatshat, tatso wawo maq, kiimaq makshu rashe maq siwan ka raa mak she.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

2 Timothy 4:14

Ja tiiqtiwe Alekjendar raq ngi pinthum tiichamchao wan phiiwa. Shiikeawe riitiq apaiq ka mitiichamchao laq.

James 5:5

Namrilung ka ara mangjong hiq maq, wok phetaktak, tiipong tiipii, namwok triim lanta siwan lan. Namkhum ka minsaü pongsetiim apü wiq, ataa phaq ma rüm tlaq ikha, Phangthum Khapho Ranaiq na, Shiikeawe rung na chap wan miitu she tiije thü wan lan.

1 Peter 4:4

Kiimaq ümchaü akhing na, namshiq raq ara chongtiikai thun ranyaq rilung lamphan na, thatsang maiqse rai pongdam man she riikanta, tsangshiq ka awang li she riitlo. Kiimaq tsangshiq raq namshiq ka ashummii li she riitlo.

2 Peter 2:15

Arot shrabi raq tengteng Tsütsa Ahea lamphan ka baiq thiito she. Raüta lamjiq niishe miihoto. Tsangshiq ka Beor se shammi we Balaam jai phan lamjiq nü na kihoto. Balaam raq kampho ma sü ma ngarai lam na kaiho ka atsan tiikan mak riito.

Revelation 18:6

Apaiq raq namshiq haihii wantaq, kiikha apaiq haihü ronglaq. Apaiq raq ümchuwa ngarai tang wantaq, thepliip maq apaiq khap na tsümkuq rong laq!