2 Peter 2:14 - ASII LAKDAP Bible (BSI)

¹⁴ Tsangshiq riika sethoq sepii jati jechakre rai hai nga dam kli rittlo. Tsangshiq tsan mong niika ngarai rilung peosea kli walü wa ikha nyai tlo. Tsangshiq raq kamasham na jehin nore ikhiiti wiita tsangshiq thiikho na tiithap wan tlo. Tsangshiq tsan atsii ka ngarai sükha tum raq aliim wan wishe. Tsangshiq ka Shiikeawe manson walü mong niishe sitlo!

Hawa Naga Bible 2001

¹⁴ Tsuingshiq rueq vganc yvmx muinz lawc roc muq, yuq muinz honc vlayx vbac jix yalxjuik rulx kvdvyx lawc roc yaq; tsuingshiq rueq mvrax shuimc ningkhvnc nuex lvp yaq vsumc thuinz suing juing lvmx htumx lot muq. Tsuingshiq rueq kvmluimx vkomc jix miqsaz htenc kuex tsuingshiq rueq vtsvnc nuex lvp laz laulawc yaq; tsuingshiq thuinz vmungx htenc kuex kvkax wax thenc laz juing tvluing yaq. Tsuingshiq kuex Tishox mvnhttonc rvhumc wuez yaq.

Muklom

¹⁴ Ning aa utang sha tho siin ajo sathuk tinthin hun tathin aa, etho ning ngarey somlot hung aa jin táng tong moq; ning aa anung miqtang ngarey náng taqhat aa; etho ning tin shina ngikjuk chen, ning sha Shkewa manthun na.

2 Peter 2:14 Referencias Cruzadas

YOBA 31:7

Ngi ka tingting lam phan wa lamjiq na kihokang dea jiila riimakla itsan itsii ka abi kiimung jon wan kang jiila, kiimaq ijaq ka ngarai maq nei wan kang jiila,

YOBA 31:9

Kiimaq ngi ka ijamtho chiiti maiq chak ma, rangran kang jiila, lata tsangjam kilam tho na tiipaü lata khekang jiila,

TAKSU LAK 5:6

Apaiq ka tsitsü rilung lam na khummak; shatmaq lamjiq na kihotlo. Kiimaq apaiq ka ümnüno kihotlaq, kra apaiq raq sap mak.

TAKSU LAK 6:25

Tsangshiq shamhea chhi laüta, naq rang rankiq, Tsangshiq maklii achhai lüplüp thiikho na, naq thap wakiq.

ISAIA 1:16

Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

ISAIA 34:5

Tatiwe raq anep jasaikaü ka ramungtan maq tiije thüto she. Kiimaq ümchaü sanha kriiraq Edom mung ka mijiipbaiq. Maiq thun ümchuwa apaiq raq tiishutbaiqtaq thun kra mijiipbaiq.

ISAIA 65:20

Noshiisetiim ka tsaimak she miraq. Kiimaq maiqse kunli raq maiq rilung ka sunglili siisaq misi wan. Maiq rawii shishi siti kriika jero jong nguta mingu. Kriima mishaq na tsaiki raüla, Ngi raq tsangshiq ma imo tiihokang nguta sap wan chang miraq.

JEREMIA 13:23

Maiq ngamnyaq phanwe raq apaiq sham ka miklai lot shea? Kiimaq chiqwaiq kaü riika akhum wa awaiq thun kra mitiimobaiq lot shea? Kra nguraü kla ngohea dea namshiq akhnok abi thaq niimin abi pinthum ngarai klo wantinok riimin, riikhaq tingting jaqsham kra misap wan han wa.

EJEKIEL 13:18

Kiimaq Tati Rakaü Hiqwe raq tsangshiq ma jamlai bom wa chongtlaq kra chongkuq laq: “Namshiq jechakre thun ka miqlan she! Namshiq raq mintin maq kiimutje jaq na pachang khea phusetiim kiimaq mintin maq kiimutje phaqchet setiim ka tsangshiq khupo na dak miitu chhang tlan. Kriika nanok ahinti ka mintin maq kiimut raüta jamsha wan miitu klotlo. Namshiq raq Isenginok mungmaiqse ka namshiq mintin ningkun kharü mong na khalanta tsaija chhunja jamsha wan miitu thütlan. Lanta maiq ka wuq lanta tiitsai baiq wan miitu kiimaq kra ningkun ka namshiq maiqmii wokpo miitu tliip wan kra klo tlan.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 23:14

Phorisinok nai Thungtri shrinketibi le, namshiq ma phiiptsi chang asi! Mongnam nok le! Namshiq raq thümwaq mantibi ka nanshan shan lao phaqsiq tlan. Lanta maiq ma tiichhi ma nguta shetangtang achu jaü tlan! Arkha na Shiikeawe raq namshiq ka achan ana mitsa sha wan. Raüta namshiq ka mitiicham-chao!”

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

1 Corinthians 11:19

(Riita akha namshiq phong na pongkong riikong ka sichang dea na. Kra siraütiq tiina, ümriikongti wa maiqshaq, kra atiitsang ma ahea miraq.)

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

Ephesians 4:14

Kra akhing na, nashiq ka nosere ikha, maiq bom maiqsa ma kona jon wa, kona shonki ka riimai she. Arot akiq maiqse, maiqlao liiti raq jamlai wa, arot akiq traho bomtsi shrinkuqtlaq, kra manphan jüche ka tai laita, nashiq ka shonbii kimai she. Tsangshiq riika laolot mak she.

Colossians 2:18

Namshiq ka, maiq arot akiq shrabi ma, naq tlao rongkiq. Tsangshiq riika, rasetiim ka riisham mak maq chhi tiikai. Krai mren, tsangshiq ka nanok shammibi ahinti thaq na shammi jong sitiikai nguta tiishomra tlo. Tsangshiq ka arot, rakhütsiri na nanok thaq na kechu lin sitiikai nguta achu jaü tiichhi siq tlo. Kiimaq rasetiim kriimin shomnoq chang nguta shiichut tlo. Akhnok maiq arka, atiishomra rai chang min riimak chang niili, tiishomra siq tlo. Apaiq riika, mangjong han-ngam tri miili shin tlo.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

2 Peter 2:3

Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

2 Peter 3:16

Paul raq lak awaiq thun na, bomtsi wiijam ka liichum atsaü wiq maq waiqto. Kra liichum ka atak ma ahawiq. Shiikeawe bomtsi tri raü thun ka tiitho tiipha samhea tak makti nai wenyi rilung lamphan na hon atsii miku shaq li shrabi riika, ara chongtiikai liichum atsin wiq baba lakjaq thun wiika lamjiq nü na shiijon raüta, Phungmaiqse ma shrinkuq tlo. Tsangshiq riika, Asii bomtsi lakjaq ahin wiimin akhiisii lamjiq nü na shiijon raüta shrinkuq tlo. Raüta ara tsangshiq raq ajiq shrinkuq tlaq kra lümaq, Phangthum Ranaiq tsangshiq maiqmii then wan chang thiikho kli tiije thu tlo.

1 John 2:16

Ara mangjong hiq na siti phiijawa raq jamlai wa araa ariq phan pinthum nguta shreng tlaq ka ara: ngarai han-ngam sükha ramho, maiqse maklii sükha ramho, kiimaq rilung khushü jong riilong tsii sitlaq kra. Arthun chongtiikai arka, Awejong Shiikeawe raq aphan sang ka riimak. Arthun arka phiijawa rilung miirii.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.