2 Peter 1:5 - ASII LAKDAP Bible (BSI)

⁵ Riita ümchaü min, namshiq ka asii kechu rilung siwan miitu she, Shiikeawe raq tsea wanto. Arkha maq, Shiikeawe ma pharang rang maq kam lanta sironglaq. Lanta apaiq raq namshiq ma jamlai jaqsham wa chongtlaq kra sham lanta sirong laq.

Hawa Naga Bible 2001

⁵ Vruex lvmz ningkhvnc nuex nuimshiq kvmluimx lvmx nuex vhvlx pinhtumc muinz, vhvlx lvmx phaqjic muinz,

Muklom

⁵ Iri rangma nim thaji kacha ang inn, nim kam jamoq jaqhal shi tachat lot inn, jaqhal jamoq thunglam shi tachat lot inn

2 Peter 1:5 Referencias Cruzadas

Tvtsvmc 119:4

Tati lei, ümniiraq ümtri raütu naishiq ma kuqlaü; laüta kriithun ka tsapkapkap lang ronglaq nguta chonglaü.

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

JEKERIA 6:15

Maiq mung luheatibi min saüwan raüta Tatiwe Shomjam tiihea hai mikhrum dam. Kiimaq ümtiikiiwa Shomjam tiihea hai lot wan jiiq, kiitiikaq namshiq raq ngi ka Tati Ningkun Ajong Pinthumwe riidea namshiq phana tiikito nguta misap han. Riita, arthun jaqsham arka, namshiq raq Tati Shiikeawe aming lang wan hanjaqtiq miku wan.

Luke 16:26

Kra thaq niimin, ümchaü nashiq liipan niika thiikho tsaühea asi. Krai mren, ashi ra raq, anü naishiq re maq riita, namshiq re na jinho li roraü jiimin, jinho lot mak she. Kiimahali, ümnaq sitlaü reko kiimaq, ana naishiq sitiikai reko nü na, maiq ashi raq raq jin wan la nguta dan raü jiimin, jin wan lot mak she.’

Luke 24:21

Kiimaq, Israil mung ka maiqjaq khon mong wa, apaiq raq mida wan sham nguta naishiq raq, apaiq ma pinthum riichopi siq wan kai wa. Shatmaq, tsiim jü chang bom jonghea ka ara. Ümchaü ranaiqtsam she, ara matdong mra pinjai maq.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

Philippians 1:9

Ngi raq Shiikeawe jaq wa, achu jaütiikang, namshiq liipan na lungwiitsii rüm tlan kra, apa tsi wan ruq maq, midong man laq. Kiimaq riikhaqli phaqchi tu ka sap lanta, taksma kappe maq, phanrap ahea abi sitlaq kra, shin lanta si ronglaq.

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Colossians 2:3

Khristo apaiq kli Shiikeawe taksma anyan phaqchi tum tsiiqtiip kilü tala diketi we, Shiikeawe taksma anyan phaqchi apaü raüta athü ka ümchaü sanha Khristo riishe kunkun tiichhikuq wanto.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

Hebrews 12:15

Namshiq ka, Shiikeawe kaphap wokhong nyang wa, lamjiq na kiho man chang miitu, tsii lam shat maq si ronglaq. Namshiq phong wa, jumin akhap atsuwiq pechong ma, naqja rongkiq. Kra chong jonglu wan raüta, nanok miatsii baiq wan ka raa mak.

Hebrews 6:11

Ngi raq, i tsan mong na atsi maq shiwea siq tiikang, namshiq tarü loweatek raq maiqmii tsantsii ka, atsi dada maq jamlai miitu wa ran tiikai, kra lap li chang, lamphan kra tiinyi wanli shiikut raüdea ahea miraq nguta, riichopi siq tiikang. Krai mren, namshiq raq jamlai lap wan miitu wa, tsankhun maq kherat tlan kra, lap wan tlii miitu shiikut chaq ruq si ronglaq.

JOSHUA 7:3

Raüta tsütsa ka Joshua ma akha chonghoto, “Ai chela khatwa ka wiitarü warai ngomin raamak. Sreabi hingnai riimak la hingtsam tin khanli tiiwa laq. Kra khatwa ka phenlabi tlotli ka naq tiiwakiq. Kra chela ka ajongwiq riimak.”

1 Peter 3:7

Phungmaiqse awesetiim lei, namshiq raq namnyungre ka samhea wiq lungwii lanta, shongnga rong laq. Tsangshiq jechakre ngutlaq ka, maiqwe nam ma tsan nin. Ata-nyungre ma jamlai phan wa rong raa tlaq kra, ahea wiq maq shreng lanta, shiikum pan kuq ronglaq. Tsangshiq min la, namshiq awere rai Shiikeawe kongphiq asak tsitsü rilung kra lap damti. Namshiq awesere raq akha namnyungre rai shongnga han jiika, Shiikeawe raq namshiq achu jaü ka mitre kuq.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.

2 Peter 3:14

Riita ara chongtiikai krai mren, lungwii Phungmaiqse phunobi lei, kamto maq Shiikeawe saükai ranaiq na, Shiikeawe raq namshiq ka asii kechu maiqsetiim awongsii loholi chang miitu shiikut chaq lanta sirong laq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.