2 Peter 1:3 - ASII LAKDAP Bible (BSI)

³ Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

Hawa Naga Bible 2001

³ Vpiq ngauz vngax nuiyc vhvlx phvnx kuex rv-phvlc lvp wvnc rawc nuex naungshiq gvlc jix Christu kuex tuiuz wvnc ningkhvnc nuex Tishox luimc vkawc kuex tsuingrux nawk palx htungx kvmluimx htauk nuex rullungx tvraungx httaz lvp muex naungshiq nuex rax yaq phvnx ruip saz kuq phuex rvtueq.

Muklom

³ Shkewa utarong wang hiqtang asing ang eq tong ma chamlang ràa ta tha eshi thaji tang tha kota. Hiqtang sha piq phun amun nia jaqhal tungkang o hiqtang raa hal taphi, piq sam tungkang o piq aa iri tang raa kot taphi.

2 Peter 1:3 Referencias Cruzadas

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 84:11

Tatiwe ka nashiq tiiwongti kiimaq achhai anyii hokhamwe, nashiq ka lungwii maq nai shreng maq shiimantlo. Apaiq raq riikhaqli jaqshamti ma ahea awa phan kene khunnii mak phan.

TAKSU LAK 12:4

Ajamtinyung maiqshaq raüla, ajamtiwe ma khushü kiimaq chochi. Shatmaq tsangwe ma jea tiingaüti ka, tsangwe ma arii na anam tsi ikha.

TAKSU LAK 31:10

Maiqshaq jamtinyung humkai ka hahea! Huru longseng miimin rahea!

TAKSU LAK 31:29

Awese raq, “Jechakre pahea, athuk atsom tanyung siisaq. Shatmaq ümniika, tarü thaq na maiqshaq pinthum,” nguta ngutlo.

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

Romans 9:24

Ara jamkhano chongtiikai ngukla, nashiq arka, apaiq raq ashea wan maiqsetiim nguta sitiikai. Nashiq phong wa maiq wiijamti ka, Jehudinok phan wa atsea wan. Kiimaq wiijamti ka Pongnok phan maiqse wa atsea wan.

1 Corinthians 1:9

Namshiq raq Shiikeawe ma pinthum kamchang, Shiikeawe raq nashiq TATIWE, Ase Jesuq Khristo rai adam maq siwan miitu hea wanto she.

2 Corinthians 12:9

Shatmaq, apaiq raq akha ngutli treto, “Ngi raq ümnaq kaphap tiikang kriili ümniima mihong rai. Ara jamkhano chongtiikang ngukla, ümtiikiiwa ümniika ningkun ajom sitlaü, kiitiikaq ümkhum na i ningkun ka ajong riiwan tlo.” Krai mren, ngi ka i ningkun ajom maq siwan riiwe ka, tiishomra tiikang. Jesuq Khristo ningkun maq, ngi ara tiikhup wongke kra sap wanro tiikang.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

Ephesians 4:4

Namshiq tarü ka khum ashi sitlaq kiiwa siili adong han. Kiimaq, Asii Wenyi kiimin ashi li. Kiimaq, Shiikeawe raq namshiq hea wantaq, ran tsantsii thü chang kiimin ashi li.

Philippians 3:8

Arthun arli lamlam ka riimak: Ngi raq Tati Khristo Jesuq rai mang riisap thü tsinhea, kra miitu phanrap ka, thiihü hiqtili miili she tiijabaiq kang. Apaiq miitu, ngi raq phanrap phanrii hiq maq hutse raübaiq kang she. Ngi raq ara phanrap thun ara sinchiitsap ikhli she tsuqbaiq kang. Kriika, ngi raq Khristo ka lap wan miitu tsuqbaiq kang.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Colossians 1:16

Shiikeawe raq Khristo lümaq ramungtan na ümchuwa sitlaq kiimaq ara mangjong hiq na ümchuwa diim tlaq kra tiiqto. Kiimaq maiqse raq mak maq chhi tiikai phan kiimaq mak maq chhilot mai phan ümchuwa sitlaq thun wiitarü ka tiiqto. Ramungtan na siti nai mangjong hiq na siti winji hokhambi, winji tuwebi, kiimaq winji welabi ka Shiikeawe raq, Khristo lümaq siisaq phan sangto. Shiikeawe raq ara ra nai hiq thun ara apaiq lümaq siisaq tiiqto. Kiimaq apaiq miitu nguta tiiqto.

1 Thessalonians 2:12

Naishiq raq namshiq ma tsaido jido, sungkhu tsiilam phanchan kuqkai. Kiimaq boqpum wan kai. Laita, Shiikeawe tiichochi chang rilung kli singa rong liijo nguta, noho ikha chongkuq kai. Shiikeawe raq namshiq ka apaiq wokhong na si raüta, apaiq achhai anyii rilung kra riisha wan dam lanta, shongnga miitu hea wanto.

1 Thessalonians 4:7

Shiikeawe raq, nashiq ka sethoq sepii ngarai mong na si miitu ka hea wan mak. Shatmaq, nashiq ka, asii arai maq singa wan miitu hea wanto.

2 Thessalonians 2:14

Shiikeawe raq namshiq ka apaiq jamkun na hea wanto she. Arka naishiq raq namshiq ma phanchan kuq kai Tsütsa Ahea lümaq shunshea wanto. Shiikeawe raq namshiq ka Tati Jesuq Khristo chhainyii rilung kra riisha wandam miitu tsea wanto.

1 Timothy 4:8

Nashiq raq han-ngam maq ümchuwa jaqsham tiikai ara riika, nashiq han-ngam khum ara aphin tiija tlo. Narii tiihong tlo. Shatmaq, arthaq na kaü raüta, athii atsin ka, nashiq raq kamasham jaqsham tiikai ahata rahea phan jaqsham. Ara riika, nashiq rilung na, phanrap lam na awongsii ma tiija wan tlo. Kriika, ara mangjong han-ngam miituli min riimak. Rawiichii nashiq wenyi rilung miitu amet jonghea tiitsingo wan tlo.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

1 Peter 1:15

Kra rii na ümchaü sanha, namrilung ka siirairai she thü rong laq. Namshiq raq phanrap jaqsham tlan na, asii arai maq sham lanta sirong laq. Namshiq hea wanti we Shiikeawe ka jamkho asii sitlaq, kiikhiisii namshiq min asii si rong laq.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 Peter 3:9

Bombi ka bombi maq naq songkuq rongkiq. Kiimaq manson ka manson maq naq songkuq rongkiq. Kra rii na manson ka achu shiiman ramram maq songkuq ronglaq. Jamkhano ngukla, Shiikeawe raq namshiq hea wantaq akhing na, namshiq ma achu shiimanke miitu hea wanto.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

2 Peter 1:10

Ara chong tiikai arai mren, lungwii phunotiim lei, Shiikeawe raq namshiq ka hea wanto. Kiimaq namshiq ka tsea wanto. Krai mren namrilung na atsi ango wahea la petsi chong ikha sirong laq. Kiikha sihan jiika, namshiq kamasham ka ümtiikiimin tiimo baiq man miaq.

2 Peter 1:2

Kaphap kiimaq hansang ka namshiq ma namshiq raq Shiikeawe kiimaq Jesuq, nashiq TATIWE saptlan kra lümaq namshiq ma asho awo misilaq.

2 Peter 1:5

Riita ümchaü min, namshiq ka asii kechu rilung siwan miitu she, Shiikeawe raq tsea wanto. Arkha maq, Shiikeawe ma pharang rang maq kam lanta sironglaq. Lanta apaiq raq namshiq ma jamlai jaqsham wa chongtlaq kra sham lanta sirong laq.

2 Peter 1:6

Namshiq raq han-ngam ramho ka anin lanta sichang raa tlo. Kiimaq phanrap chamchao, maitai, haikaiq haike saü tlaq kiimin wiita, tsan tiibum lanta nin wan ruq maq sironglaq. Lanta, namrilung ka awongsii Phungmaiqse rilung ma tiija ronglaq.

2 Peter 1:8

Arthun angu tu ara namshiq rilung na asi riichang. Arthun ara namkhum na asho awo maq siraüla, namshiq ka wenyi rilung na, howe minwe siisaq mija han. Namshiq raq Jesuq mangchan ka atsaü maq khon tlan kra wiishe namshiq khum na atsi ango kra dong man wan tlo.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

RUTHA 3:11

Riita, ümchaü min Rut lei, ümniika naq chapakiq. Ümniiraq ngi ma jamlai sham akai wa kiinong kuq laü, kriika ngi raq miliikuqha dongdii. Ümniika maiqshaq nguta ara chelati maiq wiita raq asap siisaq.