2 Peter 1:3 - Muklom

³ Shkewa utarong wang hiqtang asing ang eq tong ma chamlang ràa ta tha eshi thaji tang tha kota. Hiqtang sha piq phun amun nia jaqhal tungkang o hiqtang raa hal taphi, piq sam tungkang o piq aa iri tang raa kot taphi.

ASII LAKDAP Bible (BSI)

³ Khristo raq, apaiq asii ningkun lümaq, nashiq ka awongsii Phungmaiqse rilung siwan miitu, ningkun ümchuwa raa tlaq kra kunli kuqto she. Khristo ka nashiq ma tsanwa we she nguta sap tiikai ara lümaq, asii ningkun kra lap wan tiikai. Apaiq raq nashiq ka apaiq asii kechu rilung khushü pülii tlaq thun kra riishake miitu hea wanto.

Hawa Naga Bible 2001

³ Vpiq ngauz vngax nuiyc vhvlx phvnx kuex rv-phvlc lvp wvnc rawc nuex naungshiq gvlc jix Christu kuex tuiuz wvnc ningkhvnc nuex Tishox luimc vkawc kuex tsuingrux nawk palx htungx kvmluimx htauk nuex rullungx tvraungx httaz lvp muex naungshiq nuex rax yaq phvnx ruip saz kuq phuex rvtueq.

2 Peter 1:3 Referencias Cruzadas

Matthew 28:18

Jesu ning relnáng thu eq batta, “Mungtan ni mingkang thaji authority tha ijak o kochak tapha.

Romans 8:32

Piq aa usa Miqwasa tha hiqtang ma kot hunga shing moq angta, etharin hiqtang ma piq sha kot chakta. Irimal ang ajo piq jamoq hiqtang ma thaji sha kotmoq angna i?

Romans 9:24

Piq aa Jehudi tang chen ang moq Gentile tang wang tho uhal eq tey tang jaktung na hiqtang raa tho atha.

1 Corinthians 1:9

Shkewa sha jin kam i, bara hiqtang raa usa Miqwasa etho hiqtang Teyhungwa Jesu Khristo jamoq kara eq tong ma halta.

2 Corinthians 12:9

Etharin piq aa raaq thawel bat taphang: “Ba rangma i ráng manchan sha hun lali chammatakoi nang taq aney rangham o i tarong sha thaji pheywang eq ajong.” Eshirangma itahung rangma tharangka eq nga rapney sungrang ang, irimal ang eq Khristo tarong sha nga ma ang na.

Ephesians 4:1

Eshirangma nga chukna tongtey nim ma tinthanin eq bat phang, bari jaksom rangma Teyhungwa nim hal taphin, eshimal rollung jaqhal eq tatham inn.

Ephesians 4:4

Ashey hun hanphung etho ashey hun tsija; chammal Shkewa nim hal taphin eshimal hun ashey dang tungmang.

Philippians 3:8

Iri tang raa chen ang moq, jakho chamlang somti eshi tang sha chamtho qhak moq etho Jesu Khristo sha i Teyhungwa ta sam ang jo hun thaji wang aqhal etho rapney thangchan. Piq rangma nga iri tang thaji raa shingchak táng etho eshi tang sha chamtho qhak moq ta nga tathin ang, irimal ang eq nga Khristo sha kap náng,

Philippians 4:8

Uthun o i no miqnu nia miqwa tang, bara asing, bara rangka eq ching, bara khakla, bara asang, barey sungrang kot aa, bara rapney qhal aa, bari tung aa raaq raa aqhal raaq, eshi tang shi tathin inn.

Colossians 1:16

Piq tungkang o thaji sha phanghun ta, mungtan rang ang ajo etha ang moq o mingkang rang ang ajo tho, jin khi phan etha ang moq o jinkhi moq, lungwang tongching, tarong tang, jaktáng o shingtey tang, thaji authority tang, eshi thaji sha piq tungkang o etho piq rangma hunta.

1 Thessalonians 2:12

Í aa nim tin thajong kot taphi, tin tachim kot taphi, etho Shkewa sha tasungrang eq tong ma batta phi. Shkewa eq piq rangmungtan etho piq phun amun phal kotma nim raa hal phin.

1 Thessalonians 4:7

Shkewa hiqtang raa anaan angma hal pha mi ang taphi, etharin asang rollung tong ma hal taphi.

2 Thessalonians 2:14

Í tungtang qhal phanchan tungkang o Shkewa nim raa iri lunwan rangma hal taphin, irimal ang eq nim hiqtang Teyhungwa Jesu Khristo phun amun phal shiwang cham kap inn.

1 Timothy 4:8

Chammatakoi hanphung tatut jol wang anay kap aa, etharin Shkewa rangma tong ajo thaji phey náng eq jaqhal, chammatakoi thanga wang rollung rangma etho inapja rollung rangma tho rangtum kap aa.

2 Timothy 1:9

Piq aa hun hiqtang thalun taphi etho asang rollung tong rangma hiqtang hal taphi. Hiqtang aa jaqhal jaksom somlo ti ta ang moq, etharin piq tinthin etho ráng manchan tungkang o piq aa irimal somlo ta. Iri ráng manchan raa Khristo Jesu o rangham phang jakho wang hun hiqtang ma kota phi.

Hebrews 1:3

Usa sha Shkewa phun amun wallit etho thaji na Shkewa mal, etho piq aa thaji tangwang tang sha utarong wang rimrang aa. Piq aa ngarey tang sha khol jio mungtan náng wang eq Ajong Uwa jakqkha kho sho tong ta.

1 Peter 1:15

Etharin chamal nim haltey asang, eshimal hun nim tho thaji somlo alot na asang ang ching.

1 Peter 1:5

Iri tang raa nim rangma, nim kam tungkang o Shkewa tarong wang nim raa uthun rangham o takhi lunwan rangma thalun phin.

1 Peter 2:21

Nim iri rangma hun hal taphin chammatakoi Khristo atho nim rangma tsamnang nan eq ta, irimal ang eq nim atho piq jiphan rangma piq aa nim ma ashey raaqtathak kot taphin.

1 Peter 2:9

Etharin nim talchol miqtang, lungwang tingwa tang, asang miqtang, etho Shkewa miqtang, eshirangma barey nim rangnak wang piq patja rangwung shináng hal taphin, piq phun amun shi phanchan inn.

1 Peter 3:9

Jashit kaley jashit nak somlo inn etho junnam kaley junnam nak kot inn; etharin eshi kaley sunmaan kot inn chammatakoi Shkewa hal taphin tho nim ma sunmaan kot ma hal taphin.

1 Peter 5:10

Etharin nim chomrey tsamnang kap inn jo, tinshit tey Shkewa bara Khristo jam moq kara eq nim ma pattuk phun amun ma hal taphin, piq ni piq aa hun nim ma tarong, tinthajong etho jaqhal tatsing kot phanin.

2 Peter 1:10

Iri rangma, ipho nia no tang, Shkewa nim hal nia talta ta takhi rangma chamlang jin somlo inn eshi thaji tang sha usomlot eq ching. Irimal somlo inn jo, nim baluk o tho ngarey náng qhat min ang nin;

2 Peter 1:2

Shkewa nia hiqtang Teyhungwa Jesu sam tungkang o nim aa ráng manchan nia nungmay ahan cham kap inn.

2 Peter 1:5

Iri rangma nim thaji kacha ang inn, nim kam jamoq jaqhal shi tachat lot inn, jaqhal jamoq thunglam shi tachat lot inn

2 Peter 1:6

Thunglam jamoq tinthanan shi tachat loi inn, tinthanan jamoq tinthaman shi tachat lot inn, tinthaman jamoq Shkewa mal dangjang shi tachat lot inn,

2 Peter 1:8

Nim irimal chalot ang chey inn jo, hiqtang Teyhungwa Jesu Khristo usam rangma irey nim raa unong eq phanin.

2 Peter 2:20

Hiqtang Teyhungwa nia thaluntey Jesu Khristo sing sam tungkang o mingkang anaan wang miqtang sha lun ta, etho ning eshina hun wey manti eq jin moq ang ajo, ning jakho phey náng eq uthun saal na jashit angna.

2 Peter 3:18

Í Teyhungwa nia thaluntey Jesu Khristo ráng manchan nia usam sho chalo inn. Piq phun amun thanga nia salwet cham ang aa. Amen.