1 SAMUEL 9:9 - ASII LAKDAP Bible (BSI)

^9-11 Saul raq treto, “Kriika ahea kata! Ikhla ki i.” Krai mren, tsangnai ka asii shammiwe sitlaq chela kiiniishe wawanto. Riita, tsangnai ka kra chela na warai lamha düwan lam niishe riito. Tsangnai raq jechaksere khamthiikai akiti kra riihumto. Tsangnai raq jechaksere ma waito, “Shammi makchhitiwe ka chela na asi shea?” (Kra akhing na shammi ka shammi makchhitiwe nguta ngutlo. Kra ningkhan maiq weshi ra raq Shiikeawe ma phanshi ra bom wai roraüla, apaiq raq, “Shammi makchhitiwe phana kirong i,” nguta ngutlo.)

Hawa Naga Bible 2001

^9-11 Sholu rueq, “Vhvlx tvmaung toq! Kaz ix,” ngoz tueq. Kvkhoc rvtueq tsuingnueyc kuex vsawc waz httax yaq ghaq kvyuq kaz tueq. Tsuingnueyc kuex miqghaq kvyuq duiz woz yaq nuex, yuix gurc gay jix yalxjuik rulx wvyvmc rulc rvhumc tueq. Tsuingnueyc rueq yalxjuik rulx muex ngoc, “Miqghaq vyuq muik tsarx waz vhttax haz?” ngoz tueq wisoz tueq. (Kvtanc jauz shvmmax ngoc muik tsarx waz ngoz tueq ngoz yaq, kvkhoc rvtueq miq vshiz shiz rueq Tishox kox wawc wisoz roc ruiux kuex, “Muik tsarx waz kox nuex tvlawc kaz ix,” ngoz tueq ngoz ruiux shuex.)

1 SAMUEL 9:9 Referencias Cruzadas

RAPHA HIQWA LAK 25:22

Ahan na no ka anai riito. Kiimaq no wiinai ka rawii michhi shaq akhing na anyung wok mong maq riithu riiliiq phetrangto. Kiimaq apaiq raq nguto, “Ngi ma ara jamkho phelakita?” Kra ningkhan na apaiq ka Tatiwe ma waikai kihoto.

2 SAMUEL 24:11

Tatiwe raq Dawit Shammiwe Gad ma akha chongto, “Kilaq, laüta Dawit ma chonglaq, ngi raq apaiq ma lam atsam kuqtiikang. Apaiq raq ümriiti wa tsea jiiq, kriiti kra ngi raq mikloha.” Krai mren, anap ranap na Dawit ka tiidoto angu na,

2 HOKHVMX 17:13

Tatiwe raq akiimwetiim nai ashammibi thun tiiki raüta Israil mungti nai Juda mungti ma honlam tsütsa akha tiichonghoto: “Namshiq raq ajiq lam phan tlan kra miimbaiq ronglaq. Lanta ngi raq akuqha aming thun kra lang rong laq. Kriithun ka ngi raq namtitiim ma Thungtri lakdap kuqkang kriijaq asi kiimaq kriika ngi raq namshiq ma ijaqshisetiim shammibi lümaq kuq wan kang.”

1 KAÜWA WERAÜ 21:9

Kiijiishe Tatiwe raq Dawit shammiwe Gad ma chongto,

1 KAÜWA WERAÜ 26:28

Shelomith nai ajamtitiim ka Shomjam na lang wan miitu phanrap huk asam kiinong kuq wantaq thun kra, Shammiwe Samuel raq, Hokhamwe Saul raq, Ner se Abnar raq, kiimaq Jeruia se Joab raq akiinong kuq wan huk asam thun kra liiti riito.

1 KAÜWA WERAÜ 29:29

Hokhamwe Dawit raq mung siq wantaq manphan ka apha maq riita atiisup na saüli shammibi wetsam, Samuel, Nathan, kiimaq Gad raq waiq wantaq raüpot na waiqthüto.

1 KAÜWA WERAÜ 9:22

Peruk kilamchong thun kheti maiq thun tlotli ka maiqwere 212 tsea raüta thüto. Tsangshiq mang thun ka mang waiq chang raüpot lakdap na tsangtitiim raq maiqmii hiqshong na waiqthü wanto. Ara jaqsham akhek arang ka Hokhamwe Dawit nai Shammiwe Samuel raq tsangtitiim ma kuq thüto.

2 KAÜWA WERAÜ 16:10

Ara ngukiita Asa ka pinthun shammiwe ma khiqto. Kiimaq apaiq ka thong na tiithii baiqto. Kiimaq kra akhing niisii she Asa raq maiq wiijamti ka jimaq nishi shi she tiicham chao wanto.

2 KAÜWA WERAÜ 16:7

Kra akhing na Shammiwe Hanani ka Hokhamwe Asa phana kito. Raüta akha nguto, “Ümniiraq Tatiwe üm Shiikeawe dü na tiinin rii na Siria mung hokhamwe dü na tiinin tlaü kriikha na, Israil mung hokhamwe phenlabi ka ümjaq khon mong wa lun wanto.

ISAIA 29:10

Tatiwe raq namshiq ka tiinguk miiliiq she tiiphepii baiqto. Lantea akon makaiq she mikon wan han kata. Shammibi ka mungmaiqse ma makpo jachang wa, Shiikeawe raq tsangshiq mak ka khea maq jobbaiqto.

ISAIA 30:10

Tsangshiq raq shammibi nang nga kaiqshak ngaronglaq nguta chongtlo. Tsangshiq raq akha ngutlo, “Namshiq raq naishiq miika jamlai wa riikhaqli kriika chongke maimak. Naishiq raq jamlai wa tairo tiikai kra chong ronglaq. Nashiq ka ajiq lam kriimin aheasii ngusaq laitli siphai.

AMO LUIK DVP (AMOS) 7:12

Kiimaq ramwe Amajia raq Amos ka akha thaüto, “Riita shammiwe lei, ümniika armung wa Juda mung niili kiho haüjaq ahea miraq. Laüta shammi bomchong kriika kiina chongphan kuqho lili riilaüta, shammi jaq maq kra kiiniiwa jaüphaq haüjaq ahea.

1 Corinthians 12:17

Riita maiqpum ashi ka wiipumtam ka makpo lamlam li ngu raü jiika, maiq bom ka jamkho mitai? Kiimaq wiitarü ka nilok lamlam li nguraü jiika, lairap tsang angii ka jamkho mishü?

PHOWEBI 1:1

Joshua tsaikai jai maq Israilnok raq Tatiwe ma waito, “Naishiq maiqphan phong arwa, ümriiti phan riiwa Kanannok mung ka kongkhu mikhat pha wan?”

PHOWEBI 18:5

Tsangshiq raq apaiq ma chongto, “Mangchan laüta, naishiq wanhiq khumtiikai ara mi-ong hai shea kra miitu Shiikeawe ma wailaq.”