1 SAMUEL 9:12 - ASII LAKDAP Bible (BSI)

^12-13 “Apaiq ka asi,” nguta jechaksere raq treto. “Apaiq ka ümchaü namnai ma sinkhu na wawan li tlo. Namnai ka kiimchii maq juju wawan hanla, apaiq ka milowan. Namnai ka chela mong na saüwan han jiila, apaiq ka kiijiili mihum han. Apaiq ka ümchaü ranaiqtiq chela na saükito. Jamkhano ngukla nokmaiqse raq hiqlam na berong-wacha kiijaq honglu mitaakuq. Kiijaq lomwadamti maiq tiiheatiiti thun raq, apaiq ka kiijaq misaü shaq wiiwii phaqsiq mak maq mikhe. Jamkhano ngukla apaiq raq ramkham maq tiibok chang miraq. Namnai ka ümchaü leaphok wawan hanla, apaiq ka hiqlam na phaqsea lomwa miwa wan shaq niili milo wan han.”

Hawa Naga Bible 2001

^12-13 Yalxjuik sahez rueq muinz, “Quex, piq vhttax,” ngoz tueq tvralc tueq. “Vsuing piq kuex nuimnueyc max nuex dvyx rvtueq. Nuimnueyc makmak kaz ruiux kuex lauz wvnc shuinx. Nuimnueyc miqghaq kvyuq nyuip waung shauk rac dvyx piq rulc rvhumc tuinx. Mungx miqsaz rueq kankhux wawc shomrawx kvyuq shomc nawk juing shomc kuy ningkhvnc nuex piq muinz kvyuq majuiuc raungnuiyq httuiuc waung tueq. Shomc nawk juing kuex piq rueq kungkhux ruimruimx juing ningkhvnc nuex kvruex baung kvyuq piq max httuiuc waung wawwawx vgvlc vruex shex miq htenc rueq phauk saq phaungc shuex rvmuq, Nuimnueyc majuiuc kaz kuinz, ngoz ruiux phuiuz svy tvkoc ghaqluimx nuex max duiz waung wawc dvyx piq rulc rvhumc lvp tuinx,” ngoz tueq tvralc kuq tueq.

1 SAMUEL 9:12 Referencias Cruzadas

RAPHA HIQWA LAK 31:54

Apaiq raq nyamse kaüshi tato. Kriika apaiq raq pum na honglu na takuqto. Kiimaq apaiq raq asengibi ka dung sea miitu heato. Tsangshiq raq phaq sea lot raütiishe tsangshiq ka kra pum niili kra rawa ka japto.

1 KAÜWA WERAÜ 16:39

Kiimaq ramwe Jadok nai apaiq kongti ramwebi thun riiwe kla Gibeon chela maq Tatiwe shomnoq tlaq jaqsham kra liiwan miitu arang kuqto.

1 SAMUEL 10:5

Kra laütiishe ümniika Gibea chela na Shiikeawe Hiqlam kiiniishe miwa haü. Kriijiika Philistainnok phenlabi piitiip asi miraq. Kra chela kilamchong na saü wan nini niishe, hiqlam na berong-wacha kiimaq aki, shammibi kongshi, phaqlamtoro, nong, paimin, kiimaq torokong thun kra tsüwa trang lam maq asatkai akai rai mirhum haü. Tsangshiq ka wiinum shewa, agi asiiwa trang la miraq.

1 SAMUEL 16:2

Kiijiishe, “Riita, kra ngi raq jamkho mikloha?” nguta Samuel raq waito. “Saul raq kra tai raü jiika, apaiq raq ngi ka atsea mirbaiq!” nguta Samuel raq treto. Kiijiishe Tatiwe raq treto, “Ümniiraq minsaü saüpongse ashi lamho laq. Laüta ümniika kiijaq Tatiwe ma honglu kekai akiha nguta chonglaq.

1 SAMUEL 2:35

Ngi raq ramwe weshi mitsea ha. Apaiq raq tsapkapkap maq jaq misham. Kiimaq ngi raq phanrap jaqsham ka jamkho lungwii tiikang, kra phanphan misham. Ngi raq apaiq ma asaü asetiim mikuqha. Tsangshiq riika ngi raq tsea wan tiikang hokhamwe man na wranaiqshe jaq misham wan.

1 SAMUEL 20:6

Kiimaq ümwe raq dungsea lam maq ngi ka ahü michhi. Raüla, apaiq ma chonglaq ngi raq ümjaq wa aming jaü lata jam na Bethlehem na taülaükhiq wawanto nguta chonglaq. Jamkhano ngukla kiijaq naishiq wiijamtam raq Tatiwe ma honglu take akhing.

1 SAMUEL 7:17

Kra raütiishe apaiq ka ahiqshong Rama chela kiina jang wan nonglili riitlo. Raüta apaiq ka kiijaq phowe jaqshamtlo. Rama chela na apaiq raq Tatiwe ma berong-wacha ashi haito.