1 SAMUEL 7:9 - ASII LAKDAP Bible (BSI)

⁹ Krai mren, Samuel raq arese skuse ashi tato. Raüta Tatiwe ma chaqtlii-honglu kuqto. Raütiishe apaiq raq Tatiwe jaq wa Israilnok khrum kuqlaq nguta achu jaüto. Kiimaq Tatiwe riimin apaiq achu jaü ka trekuqto.

Hawa Naga Bible 2001

⁹ Samuel rueq khelbuenx saz vshiz kuex thvt ruiux Yehowa muex shomc nawk juing tvyaungc vtueq wvpumz tuimx jauk shomc kuq tueq. Kvruex yimaq piq rueq Yehowa kox wawc Israel miqsaz muex romc kuy tvkoc vjux thoz tueq, Yehowa rueq piq vjux thoz bomc kuex tvralc kuq tueq.

1 SAMUEL 7:9 Referencias Cruzadas

Tvtsvmc 50:15

Chamchao ranaiq na ngi healaq; ngi raq ümnaq mitiichhii kang, kiimaq ümniiraq ngi mitiitsam haü.”

Tvtsvmc 99:6

Mosheq nai Aron ka apaiq ramwenai, kiimaq Samuel ka apaiq jaq wa achu jaütiwe; tsangshiq raq Tatiwe mang chongto; kiimaq apaiq raq tsangshiq achujaü treto.

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

TRI CHONGKE 9:26

Kriikha na, ngi raq akha achu jaü kang, ‘Tati Rakaü Hiqwe lei, ümsenginok ka naq tiithen baiqkiq dea. Tsangshiq ka ümniiraq Ejip mung wa adok daa wan haü, üm ningkun henghea maq kiimaq üm hongla jong hea maq atsuq wan haü kata.

James 5:16

Kriikha maq, namshiq ngarai thun ka weshi raq weshi ma tiidii rong laq. Kiimaq weshi raq weshi miitu, achu jaü kuq rong laq. Kra riihan jiila, namshiq tsisi kriimin mitiihea kuq. Maiqshaqti raq achu jaü ka ningkun ajong tiidoq ra miraq.

PHOWEBI 6:26

Laüta ara hiqlamse thaq na samheawiq Tatiwe üm Shiikeawe ma berong-wacha ashi hailaq. Kra hailaüta minsaü pongwe ashiti ka ta laq. Laüta ümniiraq Ashera berong adaqbaiq haü wa chin kra lam laüta, minsaü maa ka wiipumtam maq wa na chaq laüta honglu kuq laq.”

PHOWEBI 6:28

Anap ranaiq na ranapchu maq kra chelati ka akon maq tiido raüta liikiita, Baal berong-wacha nai Ashera berong ka adaqbaiq wishe chhito. Kiimaq minsaü pongwe anai ngojati ka kiijaq berong-wacha ashi haitaq kiijaq honglu na achaq baiq wishe.

1 SAMUEL 10:8

Ümniika ngi ma sinkhu na Gilgal chela kiina wawan li laq. Kiijaq ngi ka ümniirai mirhum kang. Lata chaqtlii-honglu thun kra nai rintii-honglu thun kra mitakuqha. Kiimaq ngi misaüha shaq wiiwii, ramiishi na saüli khelaq. Kiimaq ngi raq ümniima jamlai klo chang wa miraq kra michong kang.”

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 16:2

Kiijiishe, “Riita, kra ngi raq jamkho mikloha?” nguta Samuel raq waito. “Saul raq kra tai raü jiika, apaiq raq ngi ka atsea mirbaiq!” nguta Samuel raq treto. Kiijiishe Tatiwe raq treto, “Ümniiraq minsaü saüpongse ashi lamho laq. Laüta ümniika kiijaq Tatiwe ma honglu kekai akiha nguta chonglaq.

1 SAMUEL 2:35

Ngi raq ramwe weshi mitsea ha. Apaiq raq tsapkapkap maq jaq misham. Kiimaq ngi raq phanrap jaqsham ka jamkho lungwii tiikang, kra phanphan misham. Ngi raq apaiq ma asaü asetiim mikuqha. Tsangshiq riika ngi raq tsea wan tiikang hokhamwe man na wranaiqshe jaq misham wan.

1 SAMUEL 7:17

Kra raütiishe apaiq ka ahiqshong Rama chela kiina jang wan nonglili riitlo. Raüta apaiq ka kiijaq phowe jaqshamtlo. Rama chela na apaiq raq Tatiwe ma berong-wacha ashi haito.

1 SAMUEL 9:12

“Apaiq ka asi,” nguta jechaksere raq treto. “Apaiq ka ümchaü namnai ma sinkhu na wawan li tlo. Namnai ka kiimchii maq juju wawan hanla, apaiq ka milowan. Namnai ka chela mong na saüwan han jiila, apaiq ka kiijiili mihum han. Apaiq ka ümchaü ranaiqtiq chela na saükito. Jamkhano ngukla nokmaiqse raq hiqlam na berong-wacha kiijaq honglu mitaakuq. Kiijaq lomwadamti maiq tiiheatiiti thun raq, apaiq ka kiijaq misaü shaq wiiwii phaqsiq mak maq mikhe. Jamkhano ngukla apaiq raq ramkham maq tiibok chang miraq. Namnai ka ümchaü leaphok wawan hanla, apaiq ka hiqlam na phaqsea lomwa miwa wan shaq niili milo wan han.”