1 SAMUEL 7:10 - ASII LAKDAP Bible (BSI)

¹⁰ Riita, Samuel raq honglu kra take rea akhing niili, Philistainnok ka Israilnok khat wa sinkhu nü na wato. Shatmaq kra jaqhea jiwea liipan niili, Tatiwe raq tsangshiq khuthaq na amok achhai dungdung ratiithaiq wanto. Krai mren, tsangshiq ka sunghü tsiihü she bok wanto. Raüta phiip raq tsai raüta pintrangto.

Hawa Naga Bible 2001

¹⁰ Samuel rueq shomc nawk juing kuex shomc kuq yaq nuex Philistin miqsaz rueq vkhvt tvkoc max kox nuex kaz thuiyc yaq; yuq muinz kvkaq dvyx Yehowa rueq raungmungx wawc raungx tvmuk gay tueq. Tsuingshiq kuex rvthuip rv-khvt yaungx wvnc ruiux kawc yawc vtueq yuz wvnc wuez tueq.

1 SAMUEL 7:10 Referencias Cruzadas

Tvtsvmc 18:15

Sammoktra chumphii ka tiisüroq trü baiqto, kiimaq hiq shongchang khamchong ji diim thun ka wiita linbaiqto, ümtiikiiwa ümniiraq ümjaqtinok kra sontlaü, Tatiwe lei, kiimaq tsankhiq lam maq tsangshiq ma hok-hiiq tlaü na akha saütlo.

Tvtsvmc 29:3

Tatiwe bom ka khamjong mong na tiitaitlo; achhai anyii Shiikeawe ka moktlo; kiimaq apaiq bom riinya trang ka sammoktra chum na tiitaitlo.

Tvtsvmc 29:4

Tatiwe bom ka tiitaitlo, ningkun jonghea kiimaq khakiiwa henghea.

Tvtsvmc 78:66

Apaiq raq ajaqtinok ka jai na tiijang jobaiqto pattup pat-sa miitu jea tiingaütlii tiinamtok khatbaiqto.

JEKERIA 4:6

Kiijiishe rase raq ngi ma Jerubabel ma Tatiwe raq atiichongho ara tsütsa ara chonglaq nguta thaüto: “Ümniiraq jaqsham ka phenlabi ningkun maq riimak. Kiimaq ümhan-ngam ningkun miimin riimak. Shatmaq ngi wenyi ningkun miitiq mitang haü.

TRI CHONGKE 28:7

“Ümtiikiiwa ümjaqtinok raq ümniika longtlaq, kiitiikaq Tatiwe raq ümjaqtinok ka mitiitangkuq. Tsangshiq raq ümniika lamshi maq wa raüta mikhat wan. Shatmaq tsangshiq ka ümpha wa lamrap miishe mipintrang.

JOSHUA 10:10

Tatiwe raq Amoraiqnok ka Israilnok ka chhi raütli phiip ma tiitsaito. Krai mren, Israilnok raq tsangshiq ka Gibeon chela wa jiipbaiqto. Raüta tsangshiq ka pumchit na Beth Horon chela kiina saüli johoto. Kriimaq hiqmai nü na Ajeka nai Makkeda chela kiina tiisaüli joho raüta khatto.

PHOWEBI 4:15

Riita ümtiikiiwa Barak raq asenginok rai re ka khat wantaq, Tatiwe raq Sisera ka akumrang leng thun nai asengi phenlabi thun rai nong maq, apaiq sung atsii min tlam lapmak she, tiimok mobaiqto. Kiimaq Sisera ka apaiq kumrang leng wa satki saq raüta hoksii miishe juto.

PHOWEBI 5:20

Raiqsaiq thun raq ra maq khatto; ra na akhum lam maq khatto, tsangshiq raq Sisera khatto.

PHOWEBI 5:8

Kiitiika mung na re dongto, kiitiikaq Israil raq phrakong anye tseato, Israil mung wa rewe hingroqblai raq, weshi ra raq liiq riimakla, piq lamho tiishea?

1 SAMUEL 12:17

Riita, ümchaü ka raliichoji, shinram shinriiq riimak shea? Shatmaq ngi achu jaüpha. Tatiwe raq ra mitiimok raüta ra mitiijun. Kriishe chhihanla, namshiq raq Tatiwe jaq wa hokham ashi shongkuq laq nguta jaü lan kriika ngarai jonghea tangkai ngutiishe misap han.”

1 SAMUEL 14:15

Hiqshong binjü na siti Philistainnok phiip ajiip raq atsai she kiinyii wanto. Kiimaq rekhatkaitibi thun nai tsangshiqnok piitiip na siti phenlabi thun ka wiita haisitsi ma tsaihü jihü, atiikhai rokrok she kiinyii wanto. Kiimaq kra binjü thun na hiqjong muwanto. Krai mren, Philistainnok ka kai pinthum phiip ajiip raq atsai kiinyii wanto.

1 SAMUEL 2:10

Tatiwe jaqtibi thun ka mitiithen baiq; apaiq raq ramungtan maq tsangshiq khuthaq na ra mitiimok. Tatiwe raq mangjong tlotli kha mipho; apaiq raq ahokhamwe ma ningkun mikuq, apaiq raq atsea wan hokhamwe ma rekhat mitiitang kuq wan.”

1 SAMUEL 7:11

Israilnok ka Mijpa chela maq chap wanto. Raüta Philistainnok ka Bethkar chela kiina saüli jowanto. Raüta tsangshiq ka lam wiilülü jiipbaiq wanto.