1 SAMUEL 26:16 - ASII LAKDAP Bible (BSI)

¹⁶ Abnar lei, ümniiraq ümjaqsham ka riikhaqli maq sham maü dea shuttlaü! Ngi raq atra Tatiwe mang na tiitum lata, namshiq wiitarü ka shra tiikang. Namshiq tarü ka atsai chang thektlan! Jamkhano ngukla, namshiq raq Tatiwe raq ashong hokhamwe khum ka tiikhup wongkuq man dea riilan. Liiliita! Hokhamwe piq ka ümbano? Achangkhu tho na ato apaiq kham tsabum chü kriiha ümbano?”

Hawa Naga Bible 2001

¹⁶ Abner lex! Mnoz rueq bvmc vshuiux kuex khuec guez dvyx. Yehowa rueq hokhvmx muex tvyaungc tueq mjiyungx waz kuex mnoz rueq vhvlx waq tvkhup wungx muq ningkhvnc nuex, nuimhez lotlaz vthueyc aungx yaq ngoz tueq vtvraungx Yehowa muex ngaz kvtuemc vtaungx. Lawc shuiuz! Hokhvmx waz paq kuex m-yuq lac? Vkhux hep nuex vtaq yuix tsongbumx kuex m-yuq lac?” ngoz tueq ramc tueq.

1 SAMUEL 26:16 Referencias Cruzadas

2 SAMUEL 12:5

Dawit ka kra chiithewe ma pinthum khiqto. Kiimaq akha nguto, “Ngi raq atra Tatiwe mang na tiitum lata ngutiikang, kriiwe ka atsai chang she!

2 SAMUEL 19:28

Iwe ma akaü arü wiitatam ka, Chaü lei, ümniiraq wiita tseabaiq wan thektlo. Shatmaq ümniiraq ngi ma ümniirai takchung pinchiimshi maq phaqsea wan miitu anato kuq wan laü. Chaü lei, ngi raq ümjaq wa jamlai phan jaü nong chang min ahü she.”

1 HOKHVMX 2:26

Kiijiishe Hokhamwe Solomon raq ramwe Abiathar ma nguto, “Ümniika ümhiqshong Anathoth na walaq. Ümniika atsai thektlaü. Shatmaq ngi raq ümniika ümchaü tiitsat baiqro mang. Jamkhano ngukla ümniika iwe Dawit rai siwan laü pat na, Tatiwe Tongshong Tek kra shiilitiwe riilaü. Kiimaq apaiq raq ümtin khan wa chamchao litkot riihum wantaq kra riisha howan damlaü.”

Tvtsvmc 102:20

Apaiq raq phaqtek na siti shumwikong gamgu hantrang taito, kiimaq atiitsai ma ashaqbaiq thun kharü diikuq raüta tiidongto.

Tvtsvmc 79:11

Shumwi kong hoqtrang ka tailaq, laüta ümningkun jonghea kriimaq maiqjaq khon mong na tsai wanti kra tiichhiilaq.

Ephesians 2:3

Riikhaqli maq liiwan raüka, nashiq wiitarü ka, ara ümchaü mangjong maiqse jamkho sitlaq akha siisaq li dea siwankai. Laita, nashiq han-ngam phara ramho raq shunshea tlaq kra phan phan li dea sikai. Ngarai han-ngam raq jamlai wa jaü tlaq kra, sham laitli dea sikai. Nashiq han-ngam rilung niika, nashiq ka nanok jamkho sitlaq kiikha ngarai bu hoti siisaq li dea sikai. Krai mren, nashiq ka Shiikeawe tsankhiq walü na khiim wanti siisaq li sikai.

1 SAMUEL 20:31

Ümnaq ara tsiihü. Dawit ka atra sishat wiiwii ümniika armung na hokham ma ümtiikiimin jalot maü she nguta saptlaü shea? Ümchaü min, apaiq ka arjaq sheakikiq. Apaiq ka tsai raa dongdii!” ngutiishe Saul raq Jonathan ma khiqto.

1 SAMUEL 24:6

Kra ningkhan apaiq raq asengi ma akha chongto, “Tatiwe raq ngi ka itijongwe, Israil mung na hokham ma shongtiiwe dü na, ijaq miiq mang chang miitu mitiiwong kuq laq! Ngi raq apaiq dü na ijaq miika miiq mang, Jamkhano ngukla, Tatiwe raq apaiq ka Israil mung na hokham ma shongto.”

1 SAMUEL 26:11

Tatiwe riili naq ümtaikiq. Ngi raq ijaq maq Tatiwe raq ashong wan hokhamwe miisaq kriika tiithum mang! Nanai riika apiqkii nai akham tsabum chü kriili lam wan laita wawan pha.”

1 SAMUEL 26:15

Kiijiishe Dawit raq treto, “Abnar, ümniika Israil mung na nolajong pinthumwe riimak shea? Riita ümniiraq, ümtijongwe hokhamwe kra chiqse rewe jaq mong wa jam nguto khebom kuq maü riilaü? Ümchaü linlintiq, namshiq piitiip mong na hokhamwe kra tseakai nguta maiq wiijamti kito.

1 SAMUEL 26:9

Shatmaq Dawit raq nguto, “Ümniiraq apaiq miisaq ka naqtankiq! Tatiwe raq, apaiq atsea raüta ashong hokhamwe tseati miika apaiq mo ka mitiiho dongdii.”