1 SAMUEL 24:9 - ASII LAKDAP Bible (BSI)

⁹ Raütiishe, akha nguto, “Riita ngi raq nangnga ümniika atsea tantlo nguta shapshaü miqshii pan wan tlaq kriika ümniiraq jaram wa tai tlaü?

Hawa Naga Bible 2001

⁹ vkhoc jungx tueq, “Ngaz rueq waz mnoz muex tvthuiuz sac laz hung thuiyc vtaungx ngoz tueq, miq rueq jungx yaq kuex mnoz rueq yvmx ngoz tueq lac tay vshuiux?

1 SAMUEL 24:9 Referencias Cruzadas

Tvtsvmc 101:5

Ngi raq juwa maiqshaphaqti jurwa maiq ma abi bomtlaqti ka ajo mirbaiqha; Ngi raq juwa ra na akhü tiinga raü angiim boqshat kriiti ka akhiismin nin mang mirha.

Tvtsvmc 141:6

Ümtiikiiwa tsangshiqnok welabi thun ka longraq khu maq tiidea liiqbaiqtlaq, mungmaiqse raq ibomchong kriidea hongwato nguta misap wan.

TAKSU LAK 16:28

Honbi liititi raq shapshaü pantlo; tsangshiq raq tatso niqtlo, raüta kongti triiphea baiqtlo.

TAKSU LAK 17:4

Abi ati maiqse riika abi bomchong taitlo, Arot akiqti riika arot bomchong taitlo.

TAKSU LAK 18:8

Shapshaü chong ka sumhea, ngiq ngu asiq ikha; ajoksea ma rot na nyeajokjok hea!

TAKSU LAK 25:23

Shekhu nü maq rahai wan raüla, ra ka mijun ngushat. Maiqtatimii shon maiqchongsiq raüla, tatso midong ngushat.

TAKSU LAK 26:28

Arot akiq bomchong raüta, maiq shaphaq tlaq kriika, phoq ngengti ngushat. Maiq laolii tlaq kra, maiq shiithentlo ngushat.

TAKSU LAK 29:12

Tuwejong raq arot tsütsa, atsan na thü raüla, asengi ajong alabi thun ka, arot chongti siisaq miraq.

JEREMIA 37:18

Kiijiishe ngi raq waikang, “Riita ngi raq ümniima, lo ümsengi ajong alabi ma, lo riimakla ara mungmaiqse ma, jamlai khü akha wa tangkang, ümniiraq ngi ka phaqtek mong na shaqli chang ka?”

LEWI 19:16

Maiq ju mang niimin arot shap shaü pan raamak. Kiimaq ümtiikiiwa maiq ashi ra ka rung na arilung miitu chaptlaq, ümniiraq apaiq khrumke miitu ahea hakhi kechang bom siraüla, kra linham linhok chonglaq. Laüta apaiq ka tiichhii kuq laq. Ngi ka Tatiwe.

James 3:6

Ara chongtiikai akhiisii, maiqse nü na atili sitlaq kiimin, wanii tu ikha. Maiqse khum na tili sitlaq arka, abi hokham weshi raq, mung langtlaq ikha. Ara abi hokham tili arka nashiq khum na sitlo. Raüta, nashiq khum ara wiipumtam na, abi kiimung maq mia raüta tiinyam wan tlo. Ara na tili armaq abi bomtsi bom laita, wamungtan wa wapü pan tlaq kra niq wan tlo. Raüta, nashiq rilung lam ara wiita wa maq tiikhiim chaq baiqtlo.

1 SAMUEL 20:1

Kiijiishe Dawit ka Rama hong na Naioth hiqshong wa juto. Raüta Jonathan phana wato. Raüta, “Ngi raq jamlai wa tiibi kang?” nguta apaiq raq waito. “Ngi raq jamlai mat atsa wa klokang? Ngi raq ümwe ma jamlai wa ajiq klokang, apaiq raq ngi ka atsea baiq ma tanli chang ka?” ngutiishe Jonathan ma waito.

1 SAMUEL 20:41

Kra nonose ka wawan jaishe, Dawit ka longrong jai kiiwiishe dongkito. Raüta alakü maq kaütsrong na hiq na bumtlii tiithongtsam bumhihi Jonathan man na bumto. Tsangnai wiita, apaiq nai Jonathan ka ahotrang liishe riito. Raüta weshi raq weshi theaphi na silu lungwii riishupto. Dawit tsanbi ka Jonathan tsanbi nam miimin achan riito.

1 SAMUEL 24:10

Liilaq, arjaq ara. Ümchaü linlintiq, ümniika longshaki na Tatiwe raq ijaq khon mong na kiinong kuqto. Isengi wiijamti raq ümniika kiijiili tiishe laq nguta chongto. Shatmaq ngi ka ümniima mangchan tsihea. Kriikha niishe, ngi nai ngi she tiingo kang, ngi raq ümniika atsea ata riili kla riimang nguta ümniika tiihang kang. Jamkhano ngukla, Tatiwe raq ümniika hokham ma shongto.

1 SAMUEL 24:8

Kiijiishe Dawit ka Saul jai kiina jowanto. Raüta Saul ma akhiishe rümto, “O, Chaü lei!” Kra tai raüta, Saul riimin, ajai nü na liito, kiimaq Dawit ka hiq na bumsaq raüta Saul ma shreng manto tiichhi kuqto.

1 SAMUEL 26:18

Kiimaq Dawit raq, “Chaü lei, riita ümniiraq ngi ümjaqshise arka ümchaü niitaq tiikot mrot ka jam lai nguto josiqho laü? Ngi raq jamlai phan wa tiibiti kang? Ngi raq jamlai phan khü akha wa tang kang?

1 SAMUEL 26:19

Chaü lei, ngi raq jamlai bom wa chongtiikang ara samhea tiitsang tailaq. Riita, ümchaü ümniiraq ngi jorat tlaü arka Tatiwe apaiq riidea, ümtsan ümtsii kra tiipherak baiq wan raüta jotlaü jiika, apaiq ma honglu kuq raüjaq, apaiq tsantsii kra ashi mirwan. Shatmaq, maiqse riila klo liitlaq jiila, Tatiwe manson kiqsü homa kra tsangshiq dü niishe minilaq. Jamkhano ngukla, tsangshiq raq ngi ka Tatiwe raq akuq hiqshong mong kriiwa ngi ka pongmung na, sumla phra thun kra shomnoq wantibi mung niishe jobaiq wanto.