1 SAMUEL 24:8 - ASII LAKDAP Bible (BSI)

⁸ Kiijiishe Dawit ka Saul jai kiina jowanto. Raüta Saul ma akhiishe rümto, “O, Chaü lei!” Kra tai raüta, Saul riimin, ajai nü na liito, kiimaq Dawit ka hiq na bumsaq raüta Saul ma shreng manto tiichhi kuqto.

Hawa Naga Bible 2001

⁸ Kvruex yimaq Dawid muinz piq yix nuex dung kaz vtueq piq muex ngoc, “Taungjix hokhvmx waz lex!” ngoz tueq ramc tueq. Sholu nyez vtueq lawc koq tueq Dawid rueq ghaq nuex bumx vtueq nawk ruiux,

1 SAMUEL 24:8 Referencias Cruzadas

RAPHA HIQWA LAK 17:3

Kiimaq Abram raq manto tiichhi atheaphi ka hiq na bumtlii bumto. Kiimaq Shiikeawe raq nguto,

1 HOKHVMX 1:31

Kiijiishe Bathsheba ka hiq nü na kusaq raüta apaiq ka noqto. Raüta nguto, “Riita itatiwe hokhamwe ka rilung alu miidea misi laq!”

DUNGWVNC 20:12

“Ümwe nai ümnyung ka shrenglaq. Kra riihaüla ümniika Ngi raq kuq tiikang mung kiijaq rilung luhea misihaü.

Romans 13:7

Arkha maq, namshiq raq jamlai phan phunta kechang wa sitlaq, kra kuq rong laq. Pumsii miitu phunta, kiimaq tachong hupsam phunta jamlai wa ake chang asi, kra wiita kuq ronglaq. Kiimaq tsangshiq tarü ma, shreng manto tiichhi, shiipan pin ka kewan chang, kra wiita khum khum klo ronglaq.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

1 SAMUEL 20:41

Kra nonose ka wawan jaishe, Dawit ka longrong jai kiiwiishe dongkito. Raüta alakü maq kaütsrong na hiq na bumtlii tiithongtsam bumhihi Jonathan man na bumto. Tsangnai wiita, apaiq nai Jonathan ka ahotrang liishe riito. Raüta weshi raq weshi theaphi na silu lungwii riishupto. Dawit tsanbi ka Jonathan tsanbi nam miimin achan riito.

1 SAMUEL 24:7

Krai mren, Dawit raq asengi ma tsangtsam raq, Saul ka tsangshiq maiqmii jaq maq tsatmai raüjaq ahea miraq nguta bom tsangshiq ma mit tiisili chongkuqto. Riita, Saul ka kra longsha mong kiiwa tiido wanto. Raüta apaiq wachang lam nü kiiniishe wawanto.

1 SAMUEL 24:9

Raütiishe, akha nguto, “Riita ngi raq nangnga ümniika atsea tantlo nguta shapshaü miqshii pan wan tlaq kriika ümniiraq jaram wa tai tlaü?

1 SAMUEL 26:17

Kiijiishe Saul raq Dawit bom kra tiitsangto. Raüta apaiq raq Dawit ma, “Ise Dawit lei, riita kriika ümniidea shea bomrai tlaü?” nguta waito. “O, Chaü lei, tengto, Arka ngi dea bom tiikang,” nguta Dawit raq treto.

1 SAMUEL 28:14

“Riita kra maji sham ka juwe shamsham wa chhitlaü?” nguta apaiq raq waito. “Kra maji ka maiq weshi tikiiwekaü ikha dongrai wantlo chhitiikang. Apaiq dü na miirii ka samtong jong kaü sam raü watlo,” nguta kriinyung raq treto. Kiijiishe Saul raq kra maji watlaq kriika shammiwe Samuel watlo ngutiishe sapto. Kriikha na apaiq ka hiq na bumsaq raüta maji ka noqto.