1 SAMUEL 23:1 - ASII LAKDAP Bible (BSI)

¹ Philistainnok raq Kaila chela ka khatlo, raüta tsam jut thüje thun kra huktlo nguta Dawit raq taito.

Hawa Naga Bible 2001

¹ Philistin miqsaz rueq Kela ghaq khvt gay ruiux, tuiz vtsvmz yut nyalx htenc nyvlc wvnc tueq thaungc kuex tay tueq.

1 SAMUEL 23:1 Referencias Cruzadas

DANIEL 2:35

Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

LEWI 26:16

Ngi raq namshiq ma mo mitiihoha. Ngi raq namshiq khuthaq na tsamku mitiiwaha. Ahea chang phan riimak thatsi, kiimaq tsidong raq nam mak ka mitiichuk baiq. Raüta nam rilung ka wiita atiijam mitiisa baiq. Namshiq raq tsamlai ka wak na miwan kihan. Shatmaq namshiq ma jamliip min ahü miraq. Jamkhano ngukla namjaqtinok raq namshiq ka mikhat wan. Raüta namshiq raq achhi jang han tü atsam ka wiita miphaqsiq wan.

Mikha 6:15

Ümniiraq tsam ka mijang haü, shatmaq jutsiq lumaü mirhaü. Ümniiraq olip tsi tai mitiikit haü, shatmaq phaqsiq lumaü mirhaü. Ümniiraq spiqtsi tai misohaü, shatmaq nyanglu maü mirhaü.

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:51

Tsangshiq raq üm nyamsekong ka mitaa phaq. Kiimaq ümtü ümtsam ka miphaq siq. Kra ningkhan ümniika ram raq mitsai haü. Tsangshiq raq ümniima üm bunwong, spiqtai, olip tai, jam nyamse kong riimakla, sku kong ka ümniima jamlai min tiichong kuq mak miraq. Kra ningkhan ümniika atsai she mirhaü.

JOSHUA 15:44

Keila, Akhjib, kiimaq Maresha chela riito: tlotli chela tiikaü riito. Kiimaq arthun chela tro binjü wa chela aran setiim kriimin romshaq.

PHOWEBI 6:11

Kra akhing na Tatiwe rase ka Ophra hiqshong na kito. Raüta Abiejar weraü wa, maiq weshi amang Joash ngutlaq kriiwe hiq na ok chongji na ngato. Ase Gideon ka Midiannok raq apaiq chhijiiq nguta, ahukse maq Bunwong khaolüm ka spiqtsitsai tiikit chang longtham na tiikit rea riito.

PHOWEBI 6:4

Tsangshiq ka Israilnok mung kiina kilili raüta, piitiip teitlii maq, wak ram wa tü atsam kra shemai nü wang na Gaja chela binjü kiina saüli tiithen baiqtlo. Raüta tsangshiq raq skukong, chhechhi minsaü kong, kumtoq kong thun ka wiita hutjokjok tsuq wantlo. Raüta Israilnok miitu ka aphaq asea chang jamlai phan min tiichong mak nyea wan lili riitlo.