1 SAMUEL 22:23 - ASII LAKDAP Bible (BSI)

²³ Ümchaü min, ümniika ngi raili she silaq. Naqhaikiq. Saul raq nanai wiita, ümniimin kiimaq ngi armin tseabaiq tantlo. Shatmaq ümniika ngi rai sihaüla, ümkhu asang miraq.”

Hawa Naga Bible 2001

²³ Ngaz rulc vdvmz nuex httax ix, nauk hiz kaz. Sholu rueq mnoz nuiyc ngaz kuex thvy gay roc yaq, yuq muinz mnoz kuex ngaz rulc vhvlx kvwungx httax lvp tuiux,” ngoz tueq jungx tueq.

1 SAMUEL 22:23 Referencias Cruzadas

2 SAMUEL 9:7

“Ümniika naqhaikiq,” nguta Dawit raq treto. “Ngi raq ümwe Jonathan mang na ümniima mangchan mitiichhikuqha. Ngi raq ümti Saul tachong hupsam wak ajam thun ka ümniima mijangkuq kang. Kiimaq ümniika ngi rai adam na phaqsea wan kilü tiidishat miraq.”

1 HOKHVMX 1:7

Apaiq raq Joab rai bom ka riiwaito (Anyung ka Jeruia) kiimaq ramwe Abiathar rai ri bom ka riiwaito. Krai mren, tsangnai riimin apaiq rai dea pongchang nguta kiq ka rito.

1 HOKHVMX 2:26

Kiijiishe Hokhamwe Solomon raq ramwe Abiathar ma nguto, “Ümniika ümhiqshong Anathoth na walaq. Ümniika atsai thektlaü. Shatmaq ngi raq ümniika ümchaü tiitsat baiqro mang. Jamkhano ngukla ümniika iwe Dawit rai siwan laü pat na, Tatiwe Tongshong Tek kra shiilitiwe riilaü. Kiimaq apaiq raq ümtin khan wa chamchao litkot riihum wantaq kra riisha howan damlaü.”

Matthew 24:9

“Kra akhing she saü wan raüla, maiqse raq namshiq ka alap mirwan. Raüta namshiq ka mitiichamchao kiimaq atsea mirbaiq. Namshiq ka i sengi ma jawan tlan kriikha maq maiqphan angu wiita raq namshiq ka ashu ashe mirwan.

John 15:20

‘Dise ngutlaq kriika atijong we thaq na ajong ka riimak,’ nguta bom tiihap hong chong tlaq bomtsi ka ngi raq namshiq ma chong kuq pha she ihata. Tsangshiq raq ngi santla tiichamchao wantaq jiika, namshiq kiimin mitiichamchao wan dongdii. Tsangshiq raq i bomchong ka tai raüta lang wantaq jiika, namshiq bomchong kiimin mitai wan, raüta milang wan.

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

John 18:9

Apaiq raq ara bomtaq arka, apaiq raq kongkhuji maq, Awe ma, “I We lei, ümniiraq ngi ma i sengi ümchuwa kuq laü, kiiwa ngi raq ashi min tiimomiq mang maq khup wong kuq kang,” nguta bom khamkuqtaq kra tiiku wan miitu she hongtha wanto.

1 SAMUEL 23:17

apaiq ma akha thüda kuqto, “Ümniika naqhaikiq. Iwe Saul raq ümdü na jaq miiqlot mak miraq. Iwe raq ümniika ranaiq shi akhing na Israil mung na hokham ma mija haü nguta asap. Kiimaq kra akhing na ngi ka ümjaq tiihap wantiwe ajong ma mijaha.”