1 SAMUEL 20:3 - ASII LAKDAP Bible (BSI)

³ Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”

Hawa Naga Bible 2001

³ Yuq muinz Dawid rueq, “Mnoz rueq ngaz kuex mtanc lac lungwawx vphux m-waz rueq vhvlx waq tuiuz yaq, mnoz muex vjvnc tvthuiuz sac roc muq rvtueq, piq rueq yvmx lac dvnc yaq nguinx mnoz muex tvtuiuz muq. Ngaz kuex vthueyc juing wawc luenx wvnc muex khamtenc shiz tanc dvyx shex rax yaq ngoz tueq tvraungx httax yaq Yehowa maq mnoz muex ngaz kvtuemc vtaungx,” ngoz tueq tvralc tueq.

1 SAMUEL 20:3 Referencias Cruzadas

2 SAMUEL 15:21

Shatmaq Itai raq treto, “Chaü lei, ngi raq Tatiwe mang na ümniima atiitum lata chongtiikang, ngi ka ümnaq ümbano kitlaü kiijaq mikiha, atsai changli jiimin, ümniirai adam na mitsaiha.”

2 HOKHVMX 2:2

Kiimaq lam miishe Elija raq Elisha ma nguto, “Ümchaü ümniika ajiili khingkikiq. Tatiwe raq ngi ka Bethel na kilaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka Bethel hiq na wawanto.

2 HOKHVMX 2:4

Kiijiishe Elija raq Elisha ma, “Ümchaü ümniika ajiili khingkikiq. Tatiwe raq ngi ka Jeriko na saüli walaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka Jeriko chela na wawanto.

2 HOKHVMX 2:6

Kiijiishe Elija raq Elisha ma, “Ümchaü ümniika ajiili khingkikiq. Tatiwe raq ngi ka Jordan rai kiina saüli kilaq nguta aming kuqto.” Shatmaq Elisha raq treto, “Ngi ka atra Tatiwe wokhong na nai ümwokhong na si ka thaq mang.” Krai mren tsangnai ka kongshkong wawan ruq li riito.

Tvtsvmc 116:3

Ngi ka lumkükiq na adea wan wishe riikang; atsai wan haisi raq ngi ka akomwishe riito; ngi ka tsaihü jihü chapa raq atsai riikang.

JEREMIA 38:16

Kra ningkhan, Hokhamwe Jedekia raq ngi ma ahukse maq akha kiqkham kuqto. “Ngi raq atra Shiikeawe man na, nashiq ma tsitsü ketiwe Shiikeawe man na, atiitum lata ngutiikang, ngi raq ümniika tsat baiq mang, riimakla ümnaq tseabaiq tankhantibi maiq jaq niimin kiinong kuqbaiq mang.”

JEREMIA 4:2

kriishe klowan han jiila, namshiq raq imang chong lantea atiitum wan mimai. Kriishe ngu raüla, maiq phan tlotli raq ngi nang nga tsangshiq ma ramram kuqlaq nguta mingu. Kiimaq tsangshiq raq ngi mitiitsam kam.”

TRI CHONGKE 28:66

Ümrilung ka miisaq jaq phi na khonshat miili she misi haü. Ranaiq rawa ümniika phiiptsi jiiptsi mong niili she misi haü. Kiimaq ümniika athi sha anap wa tsai tiikang nguta khekham miili she misi haü.

TRI CHONGKE 6:13

Tatiwe namshiq Shiikeawe kra shreng ronglaq. Apaiq kli shomnoq ronglaq. Kiimaq apaiq mang niili namshiq kiqkham bomtsi kriimin kham ronglaq.

Hebrews 6:16

Maiqse nai maiqse liipan na bomtsi rengkiq riikham tlaq akhing na, maiqmii ma ajong ala juwa sitlaq, kriiti mang chong raüta, kiq ka riikham tlo. Krai mren, bomkham keti we raq ra tam raüta, sinkham kuq tlo. Raüla, bom ka kiijiishe tiithum tlo. Riikhii kimak she tiisup tlo. Khamkuqtaq kriika, mikuq dongdii ngushat she.

1 SAMUEL 1:26

Hanna raq apaiq ma chongto, “Shiilangwe lei, ümniiraq ngi ka atiitsang haü khata? Ümniiraq arjaq chap raü, Tatiwe jaq wa achu jaü rea chhi laü nyung irka ngi ahata.

1 SAMUEL 17:55

Riita Saul raq Dawit ka Goliath rai riikhat kai kra chhi raüta, apaiq raq aphenlabi pengti phentuwe ajongwe Abnar ma waito, “Abnar, apaiq ka juse wa?” Abnar raq treto, “Chaü lei, apaiq ka juse wa, ngi riimin sap mang.”

1 SAMUEL 20:2

Kiijiishe Jonathan raq treto, “Shiikeawe raq hamhe kuqshat ümniika tsaimaü! I we raq ngi ma chongmak miika jamlai min klomak. Akhek anaq bom lo, kiimaq miinan joli bomtsi lo jiimin, ngi miika mitiitai dongdii. Kiimaq apaiq raq ara bomtsi armin ngi miika paü mak. Arka arot!”

1 SAMUEL 20:4

Kiijiishe Jonathan raq nguto, “Ikhla ümniiraq jamlai wa mingu haü kra ngi raq miklo kang.”

1 SAMUEL 25:26

Riita ara ümniima kharii jonghea ahea ashi, ümniiraq ümjaq maq ümjaqtibi khuthaq na phuklam jaqmiiq wan saü mak dea riito. Riita, arka Tatiwe raq ümniika tiikhingto. Riita, ümchaü ngi raq atra Tatiwe man na atiitum lata ngutiikang, ümjaqtibi thun ka tarü ara Nabal akhiisiisaq Tatiwe raq apaiq mo mitiiho laq.

1 SAMUEL 27:1

Dawit raq apaiq nai apaiq she tiibotto, “Saul raq ngi arka ranaiqshi shi ka mitsat she. Arkha na ngi ma ahea pinthum ikhum tiichhii miitu ka Philistain mung na tiipaükai riiwe ka ahea miraq. Kriishe nguraü jiika, Saul raq ngi ka atsea ma Israil mung na ngi rit sea ka ateishe mirbaiq. Kiimaq ngi ma jamhai song chang min ahü miraq.”