1 SAMUEL 20:2 - ASII LAKDAP Bible (BSI)

² Kiijiishe Jonathan raq treto, “Shiikeawe raq hamhe kuqshat ümniika tsaimaü! I we raq ngi ma chongmak miika jamlai min klomak. Akhek anaq bom lo, kiimaq miinan joli bomtsi lo jiimin, ngi miika mitiitai dongdii. Kiimaq apaiq raq ara bomtsi armin ngi miika paü mak. Arka arot!”

Hawa Naga Bible 2001

² Yonathan rueq, “Kvkhoc kuex yaungx muq mruez kueq, mnoz kuex thueyc tuiux rvmuq! Iwaz kuex piq rueq shuimx yaq yauk shuimc vkhek yuq muinz, khek muq yuq muinz kvruex yauk shuimc htenc kuex ngaz muex tvtuiuz muq maq phvnx ruip saz kuex piq rueq shuimx muq. Kvruex kuex vsuing rvmuq!” ngoz tueq tvralc tueq.

1 SAMUEL 20:2 Referencias Cruzadas

RAPHA HIQWA LAK 44:7

Kiijiishe tsangshiq raq apaiq bom ka akha treto, “Shiilangwe lei, ümniiraq akha ngutlaü arka jamlai ngowa ngutlaü? Naishiq ka atiitum laita chongtiikai, naishiq raq akhiika klo mai.

Tvtsvmc 40:6

Ümniiraq nyamse honglu na ataakuq thun nai laihin honglu akuq thun kriika rariq maü; ümniiraq nyamse thun ka berong-wacha na wiipumtam maq chaq chang honglu kriika jaü maü riimakla ngarai shiikhoi honglu thun kriimin jaü maü. Kra rii na ümbom tai miitu ngi ma nilok thun kuqlaü.

TAKSU LAK 29:24

Ahukwe kongti ka, apaiq ma wesang. Rung na apaiq raq riikhaqli chong raüla, apaiq raq mo miho. Apaiq raq chongmak raüla, Shiikeawe manson miho.

ISAIA 50:5

Tatiwe raq ngi ma taksu tsii kuqto, krai mren ngi raq apaiq kiq khiimang, riimakla awokhong wa ahin na juho mang.

Luke 20:16

“Apaiq ka kiraüta, wakshiip seatinok ka wiita atsea mirbaiq. Raüta, wak ka maiq ahinti miishe mitiishiip kuq!” nguta Jesuq raq tsangshiq ma bom ka chongkuqto. Nokwe raq kra bomchong kra tai raüta, “Ai, akha wiqwiq kla, naq ümriikiq dea!” nguta Jesuq bom ka treto.

John 15:15

Ngi raq namshiq ka, disetiim nguta ngu mang she. Ara jamkhano chongtiikang ngukla, dise riika, atijong we jaq tho ka lap mak. Ngi raq namshiq ka disetiim ngo rii na, kongtibi ngutiishe ngutiikang. Ara jamkhano chongtiikang ngukla, i We jaqtho ngi raq ümchuwa lap tiikang kriika, ngi raq namshiq ma wiita phanchan kuq kang.

John 17:8

Ümniiraq ngi ma ümbomtsi ka tsangshiq ma chongkuq laq nguta, thaü laü irka, ngi raq tsangshiq ma, chongkuq kang she. Kiimaq tsangshiq raq, ümbomtsi ka tao wanto she. Tsangshiq raq ngi ka ümpha wiidea akiha ngutiimin sap wanto she. Kiimaq, tsangshiq raq ngi ka ümniiraq atiikihaü dea nguta kamtlo.

JOSHUA 22:29

Naishiq ka ümkhiiriita jiimin Tatiwe kiq ka khiimai. Kiimaq ümchaü wa na chaq chang honglu, kiimaq rai awong honglu kiimaq nyamse atra take chang berong-wacha hai laita, Tatiwe wokhong wiika ümtiikii jiimin dongho mai. Naishiq raq Tatiwe nashiq Shiikeawe berong-wacha apaiq sichang Tombutiip rinkea na chaptlaq berong-wacha kra tlea laita, ahin berong-wacha ka haiki mai.”

JOSHUA 24:16

Kiijiishe, mungmaiqse raq treto, “Naishiq raq Tatiwe baiq laita, ahin phra thun ka shomnoqki mai!

1 SAMUEL 14:45

Shatmaq mungmaiqse riishe Saul ma nguto, “Riita, jurwa Israilnok miitu ara rekhat jonghea tangke wantiwe Jonathan kriisha atsea mirbaiq ngukai? Maimak! Naishiq raq atra Tatiwe mang na kiqkham tiikai, apaiq khupo kiiwa akhubin loshise dongdii min dea mak miraq. Ümchaü ranaiq apaiq raq jaqshamtaq kra Shiikeawe ningkun maq khat raüta tangto.” Krai mren, mungmaiqse raq Jonathan ka atsea baiq chang wiishe tiichhiikuqto.

1 SAMUEL 20:1

Kiijiishe Dawit ka Rama hong na Naioth hiqshong wa juto. Raüta Jonathan phana wato. Raüta, “Ngi raq jamlai wa tiibi kang?” nguta apaiq raq waito. “Ngi raq jamlai mat atsa wa klokang? Ngi raq ümwe ma jamlai wa ajiq klokang, apaiq raq ngi ka atsea baiq ma tanli chang ka?” ngutiishe Jonathan ma waito.

1 SAMUEL 20:12

Raütiishe Jonathan raq Dawit ma nguto, “Riita, nanai liipan na Israilnok Tati Shiikeawe ka saqse mija laq! Anap ranaiq ümchaü atinkhan nai shinap ranaiq na, ngi raq iwe ma bom ka miwaiha. Riita tiima ka ümkhu thaq na ahea la jiila, ngi raq ümniima bom ka atiitai mirkang.

1 SAMUEL 20:3

Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”

1 SAMUEL 9:15

Riita, kriimaq kongkhu ranaiq na Tatiwe raq Samuel ma akha achongke wishe riito,