1 SAMUEL 2:6 - ASII LAKDAP Bible (BSI)

⁶ Tatiwe kli miisaq chumti, apaiq kli tsitsü triicheti; apaiq raq maiq wulum mung na tiikitlo, kiimaq tsangshiq ka, tiijang shea wan nongtlo.

Hawa Naga Bible 2001

⁶ Yehowa rueq vthvy gay nuiyc thuiuzthuic tvyuing tvtenc yaq; vpiq rueq miq htenc kuex wulumx mungx nuex tvkay gay ruiux tsuingshiq kuex tvyez gvl wvnc yek yaq.

1 SAMUEL 2:6 Referencias Cruzadas

1 HOKHVMX 17:22

Krai mren Tatiwe riimin Elija achujaü ka trekuqto. Kra nono se ka atsitsü heawa liishe sam wanto. Raüta lum wa jang wan nongto.

2 HOKHVMX 5:7

Riita Israil mung hokhamwe raq kra lak ka phatto. Raüta apaiq raq adü na asam akhea kra chaiheahea, atsanbi riitaqli riito. Kiimaq, kiinyiikhiq akha nguto, “Siria mung hokhamwe raq ngi raq arwe thatsi ka jamkhii mitiiheakuq laq nguto tiima tla? Apaiq raq ngi ka atiichhunti nai miisaq tiithumti ningkun riimti Shiikeawe ngutiisha tiima tla? Arka tamlamlam maq ngi rai ta riitso ma nguta niqtlo ahata!”

YOBA 5:18

Shiikeawe raq apaiq raq atiimi ka ajop riikuq tlo; ajaq miili ümkhum na tiimi tsi tlo, kiimaq ajaq miili ümmitsi ka mitiihea kuq nong.

Tvtsvmc 116:3

Ngi ka lumkükiq na adea wan wishe riikang; atsai wan haisi raq ngi ka akomwishe riito; ngi ka tsaihü jihü chapa raq atsai riikang.

Tvtsvmc 30:4

Tatiwe tiitsam shinge ronglaq, apaiq wokhong na tsapkapkap maq siti lei! Tsan na tiitsang ronglaq Asii We raq jamlai jaq wa shamkuqtaq kra, lantea apaiq ma kechutum ronglaq!

Tvtsvmc 68:20

Nashiq Shiikeawe ka nashiq chhiiti Shiikeawe; apaiq kata Tatiwe nashiq Tatiwe, apaiq raq nashiq ka atsai wa tiichhiitlo.

Tvtsvmc 71:20

Ümniiraq idü na chamchao sangrai tiisaülaü, shatmaq ümniiraq iningkuntu ka ajang mirkuq nonghaü; ümniiraq ngi ka maakho niika tiiki maü mirhaü.

THARC TVLUINGC 3:3

Atseabaiq akhing min tiihong je ami tiiheake akhing min tiihongje. Asiiqbaiq akhing min tiihongje; Ahaihun akhing min tiihongje.

ISAIA 26:19

Naishiqnok maiq ümchuwa tsaitaq thun ka thongshi atra misi wan nong! Tsangshiq maa thun ka atra mija wan nong. Ümchuwa maakho na kontlaq thun ka, asam mirwan raüta chochikhiq mishinge. Bangkham chhainyii raq hiqraikhü trap tlaq ikha, Tatiwe raq rathup na atsaikiti thun ka, atra mitiisam wan nong.

EJEKIEL 37:12

Kra ningkhan isengi Israilnok ma riisham bom maq tiithailaq. Kiimaq tsangshiq ma chonglaq, Ngi, Tati Rakaü Hiqwe raq, tsangshiq maakho thun ka alin mirbaiqha. Ngi raq tsangshiq ka maakho mong thun wa akhot mirha. Lata tsangshiq ka Israil mung niishe mitsuq wanha.

EJEKIEL 37:3

Apaiq raq ngi ma nguto, “Maiqse lei, riita ara maiqrii phong arka maiq atra ma mipo wan lot sha?” Ngi raq trekang, “Tati Rakaü Hiqwe lei, kriika ümniiriili mitrelot haü!”

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

John 11:25

Kiijiishe, Jesuq raq apaiq ma chongto, “Ngi ahata amaa wa dong wan ningkun tu kiimaq rilung tsitsü raü chong. Jurwa ngi ma kam tlaq, kriiti ka atsai jai min atrali she misi.

TRI CHONGKE 32:39

“ ‘Ngi, kiimaq Ngi arli dongdii Shiikeawe ka; laihin phra ka riikhaqli shiikea riimak. Ngi raq atsea riibaiq tiikang, kiimaq Ngi raq tsitsü kuqtiikang, kiimaq Ngi raq tiisho tiikang kiimaq Ngi raq ami ka tiihea kuqtiikang, kiimaq Ngi raq jamlai wa shamtiikang kra tangtati ka jumin ahü.

Revelation 1:18

Ngi ka atra sitiwe! Ngi ka amaa wa shatmaq, ümchaü ka pattup pat-sa miitu atrali she misiha. Amaati nai wulum mung na siti ka, i jaqkhon mong niishe.

1 SAMUEL 20:3

Shatmaq Dawit raq treto, “Ümwe raq ümniiraq ngi pinthum lungwii tlaü nguta asap. Kriikha na apaiq raq jamlai wa kiimungtlaq, kriika ümniimiika chongmang nguta atoqtanwi she. Jamkhano ngukla, ümtsan ka tiibitaq miraq nguta apaiq raq asap. Ngi raq atra Tatiwe mang na chongtiikang, ngi ka i rilung thum ma ajeli she!”