1 SAMUEL 2:5 - ASII LAKDAP Bible (BSI)

⁵ Man na arong awinti thun ka ümchaü ningchang tham raüta, tiidung phaqtlo, Shatmaq amang ale siti ka, aramtsi mak she. Sehü nyung angu raq khoti asetiim wemiishi she humto, shatmaq asetiim jamshi anguti ashi min ahü she.

Hawa Naga Bible 2001

⁵ Kungkhux nuex phoay tuik tuik hvlc httax wvnc tueq miq htenc rueq phuiuz vsvy tvkoc majuiuc tsuingshiq shauk pumz maq kolix htamx yaq, yuq muinz khvmx vrvmc jix kuex sungx vrvmc mkaq muinz rvhumc muq. Saz guez nyuiuz rueq vsaz mvshix jawx tueq, yuq muinz vsaz paunghvlc nyuiuz kuex vsaz vshiz muinz kvjungx muq shex.

1 SAMUEL 2:5 Referencias Cruzadas

Tvtsvmc 113:9

Apaiq raq khanghü rahü nyung ma ase mitap atum kuqtlo; apaiq raq kriinyung ma asetiim kuq raüta tiichochitlo. Tati ka tiitsam ronglaq!

Tvtsvmc 34:10

Hangsikong dongdii min amang chamchaotlo, shatmaq Tatiwe aming langtibi ka phanrap ahea awa phan lap wan ruqli misi.

ISAIA 33:9

Armung ka hiqmii she. Jaqshamseati maiq min ahü she. Lebanon wang wa rum thun ka wiitashe jungkito. Hiqpo hiqwin Sharon tan kiimin kumtsaiphii ikhli she jakito. Kiimaq Bashan wang nai Karmel Pum wa pejaq thun ka achong wa wiita rok wanto.

ISAIA 54:1

Jerusalem lei, ümniika sehü nyung ikha silaü, shatmaq ümchaü ka agi asii ashi ange she chochilaq. Ümchaü ümsetiim ka awese raq heashise min tlea mak nyung thaq niimin ümsetiim ka pahea she miraq!

JEREMIA 15:9

Asetiim wemiishi tsaitaqti ka atsitsü thiimtlo, pitlang pitthea atsitsü min healot mak she. Apaiq ma ranaiq shethung ka rawa thung ma jakito; kriinyung ka khushü jampaqpaq kiimaq atsanbi taqtaq. Ngi raq namjaqtinok ma ümchaü namshiq atrati thun ka mitiijiipbaiqha, Arka, Ngi, Tatiwe raq ngutiikang.”

Luke 1:53

Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.

Luke 16:25

“Kiijiishe, Abraham raq treto, ‘I se le, tsan na tiitsang laq. Ümrilung na ümniimiika phanrap phanrii chamtraq ake wan kun she. Kiimaq, Lajaras ka pinthum abi chamchao riihum raütli, arilung ka lea wanto. Shatmaq, ümchaü ka apaiq arjaq, chojong chise miishe sitlo. Kiimaq ümniika chamchao walü mong niishe khiimtlaü.

Galatians 4:27

Asii bomtsi na akha chongtlo: “O laihü lahü nyung lei, chojong chise miishe silaq! Nowüchhi tsi jangshi min chamchao maü shaqti nyung lei, kai chojong chise ma silaq! juwa sehü nyung nguta awese raq miimbaiq wantaq, kra nyung raq khoti miina, awese raq lungwii hea nyung thaq na, asetiim ka pahea mihum wan,” nguta chongtlo.

RUTHA 4:15

Ümnam nyung raq ümniika pinthum lungwiitlo. Riita, ümchaü sanha, apaiq ka ümniima ümsetiim wemiishi khuthaq niimin, achan she. Ümchaü sanha apaiq raq ümniima ümsaü ashi she tiihum kuqto. Ümsaü raq ümniima rilung anye she mikuq wan. Kiimaq ümnaq dunghea wanti she hum wan laü,” nguta nguto.

1 SAMUEL 1:20

Krai mren, apaiq ka wiihan she riito. Kiimaq ase maiqwe se chiito. Apaiq raq ase ka Samuel nguta mangto. Kra liichum ka, “Ngi raq apaiq ka Tatiwe jaq wa ajaüha.”

1 SAMUEL 1:6

Pennina apaiq ma are nyung raq apaiq ka slai slii shummii raüta tiichamchaosiqtlo. Jamkhano ngukla Tatiwe raq apaiq ka laihü lahü thütlo.