1 SAMUEL 2:30 - ASII LAKDAP Bible (BSI)

³⁰ Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.

Hawa Naga Bible 2001

³⁰ M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.

1 SAMUEL 2:30 Referencias Cruzadas

1 HOKHVMX 11:11

Kiimaq Tatiwe raq apaiq ma akha nguto, “Ümniiraq tamlamlam maq, Ngi rai tongshong bomtsi akha thü haü kra jin wan laüta, Ngi raq akuqha aming thun ka jin wan laü, kra ningkhan ümchaü sanha, Ngi raq kiqkham lata tantan maq ngutiikang, Ngi raq mungtan ka ümjaq wa anyeashe mirbaiqha. Lata ümwokhong na siti siihiipbi phong wa weshi miishe mikuq baiqha.

1 HOKHVMX 2:27

Kra nguraü tiishe Solomon raq Abiathar ka Tatiwe ramwe jaqsham kriiwa atiidong she riibaiqto. Krai mren apaiq jaqsham ara lümaq Tatiwe raq Shilo chela maq ramwe Eli nai apaiq saü setiim miitu shammi bomchong tiithai wantaq kriishe arjaq tiiku wanto.

1 KAÜWA WERAÜ 17:18

Arthaq na ngi raq ümniima achan bomchang ka ahü she! Ümniiraq ngi ka juwa kra aheawiq asap haü. Kra taü maq dongdii min, ümniiraq ngi ümjaqshise ka kai shreng tlaü.

2 KAÜWA WERAÜ 15:2

Kiimaq apaiq ka Hokhamwe Asa rai riihumkito. Raüta apaiq raq akha riimto, “Hokhamwe Asa lei, i bom ara tai laq. Kiimaq namshiq Juda mungti nai Benjamin mungti raq tairong laq! Namshiq ka Tatiwe rai sihan jiila, Tatiwe ka namshiq rai adam misi. Namshiq raq apaiq rit han la apaiq raq namshiq ma apaiq ka mitiihum kuq. Shatmaq namshiq ka apaiq wokhong wa juho han jiila, apaiq raq namshiq ka amiim mirbaiq.

2 KAÜWA WERAÜ 26:18

apaiq ka tiiwinhoto. Tsangshiq raq apaiq ma nguto, “Ujjia! Ümniiraq Tatiwe ma homseng honglu chaq kuq lot maü. Aron saüse phan ramwebi kli ara jaqsham miitu kiinong kuq wanto. Ara asii hiq ba arwa ümniika tiijin tlo laq. Ümniiraq Tati Shiikeawe ka roi laü. Kiimaq apaiq achu shiiman ümkhu thaq na ahü she.”

Tvtsvmc 18:20

Tatiwe raq ngi ma poksi kuqtlo jamkhano ngukla ngi riika jamlai wa tri na riikhaqli kli shamtiikang; apaiq raq ngi shiiman kuqtlo jamkhano ngukla ngi ka chiisan maiqse.

Tvtsvmc 18:26

Ümniika juwa asii kriiti ma asii klokuq tlaü, shatmaq juwa abi kriiti rai wesang sitlaü.

Tvtsvmc 50:23

Kechutum honglu kuqtlaq kriika, ngi ma riikhaqli shreng wanto, kiimaq ibom taitibi ka ngi raq tengteng mitiichhii kuqha dongdii.”

Tvtsvmc 73:20

Tsangshiq ka rawama chhitiikai ikhli ranap na samki haijaq mokitlaq ikha; ümtiikiiwa ümnaq tiido tlaü, O Shiikeawe lei, tsangshiq ka mokisaqli mokitlo.

Tvtsvmc 91:14

Shiikeawe raq ngutlo, “Jurwa ngi lungwiitlaq kriiti ka ngi raq mitiichhiiha kiimaq jurwa ngi ka Tatiwe nguta saptlaq kriiti ka ngi raq mitiichhiikuqha.

Tvtsvmc 91:15

Ümtiikiiwa tsangshiq raq ngi heajiiq, Ngi raq tsangshiq bom mitreha; ümtiikiiwa tsangshiq chamchao riihumjiiq, ngi ka tsangshiq rai nongnong misi damha. Lata ngi raq tsangshiq ka mitiichhiiha lata tsangshiq ka mishrengha.

DUNGWVNC 28:43

Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

TAKSU LAK 12:8

Ümniika maiqshaq riihaüla, maiq raq mishom ra. Shatmaq maiqjiq jahaüla, maiq raq mishummii.

TAKSU LAK 4:8

Nyan phaqchi ka lungwii laq, raüla kriinyung raq ümniika ajong ma mitiija; Apaiq ka ümkhuk na pom laq, raüla apaiq raq ümkhushü mitiijong.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

ISAIA 29:13

Tatiwe raq nguto, “Arnok riika tsangshiq raq ngi shomnoq tiikai nguta tiitsakitlo. Shatmaq tsangshiq bomtsi ka jamlai liichum min ahü, hiqti li banbok miili. Kiimaq tsangshiq tsantsii ka ahin na. Tsangshiq raq shomnoqtlaq kriika miinan maiqse thungtri lamlam li. Kriika tsangshiq raq tsan na tiitsangtlii ashrin wan tri raütuli.

JEREMIA 49:15

Tatiwe raq ümniika ningkun ajom miishe mitiijabaiq. Kiimaq ümniika jurmin shreng mak she miraq.

EJEKIEL 34:10

Ngi, Tati Rakaü Hiqwe raq toqtan tiikang, Ngi ka namshiq ma wesang she. Ngi raq i skukong ka namshiq wokhong wa anyea she mirhoha. Lata namshiq ka tsangshiq rümti ma ümtiikiimin shong wan mang she. Ngi raq namshiq ka maiqmii wokpo tiiphe miituli ka shong mang she. Ngi raq skusekong ka namshiq jaqkhon mong wa mitiichhii wan ha. Kiimaq namshiq ma tsangshiq ka ümtiikiimin tiikaq phaq mang she.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

MALAKI 1:6

Tati Ningkun Ajong Pinthumwe raq ramwebi ma chongtlo, “Ase raq awe shrengtlo. Kiimaq ajaqshi se ka atijongwe ma haitlo. Riita ngi ka namwe jong. Namshiq raq ngi ka jamto shreng man? Ngi ka namtijongwe. Namshiq raq ngi ka jam nguto shreng man? Namshiq raq ngi ka shummii tlan. Kra riilan tiishea, ‘Naishiq raq ümniika jamkho shummii kai?’ nguta wai tlan.

MALAKI 2:3

Liirong laq. Ngi raq namsetiim ka mitsat wanha. Kiimaq namtheaphi ka, nyamse honglu atakuq han daiq maq mimoq wan pha. Kiimaq namshiq ka nyamse daiq raübaiq kai chang hiq ba kiijaq mihit thüki ha.

WEAWEA 11:20

Shatmaq jipi lüshi lütang nyasiq lanta, namshiq nilok mong maq ngamphu ka dong kili chang she, namshiq ka ngam raq ngiirai lanta namwok riim raq atsi tiibumhap she miraq. Akha namshiq ma misaü wan, jamkhano ngukla namshiq raq Tatiwe arjaq namshiq rai adam sitiwe ka weahü tiishaü baiqlan. Kiimaq namshiq ka Ejip mung wa laü wan manli riichang wa nguta bot nyan trang lan.’”

WEAWEA 35:34

Namshiq sitlan hiqshong ka naq tiishe rongkiq. Jamkhano ngukla Ngi ka Tatiwe. Kiimaq kra Israilnok mungmaiqse rai sitiikang.”

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 5:23

Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.

John 5:44

Namshiq riika maiq nai maiq liipan na tiishomra sea kli lungwii tlan. Shatmaq, juwa Shiikeawe nguta sitlaq, kriiwe raq namshiq ka shomra chang lam ka ritwan man. Kiikhiiti riika ngi ma jamkho mikam han?

John 8:49

Kiijiishe, “I khum na abi winji ka ahü,” nguta Jesuq raq tsangshiq bom ka treto. “Ngi raq i We shreng tiikang. Shatmaq, namshiq raq ngi ka shummii tlan.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

PHOWEBI 9:10

Kiijiishe pechong thun raq, phupmup chong ma chongto, ‘Ikhla ümniika naishiq hokham jalaq,’