1 SAMUEL 2:30 - Hawa Naga Bible 2001

³⁰ M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.

ASII LAKDAP Bible (BSI)

³⁰ Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.

1 SAMUEL 2:30 Referencias Cruzadas

1 HOKHVMX 11:11

piq muex ngoc, “Mnoz rulc vtaq mbomkhvrc kuex mnoz rueq tvbac gay ruiux ngaz rueq nvr phaungx kuex phvnx muq ningkhvnc nuex, m-yauk wawc mungtan kuex ngaz rueq lvmz vtueq, mmiq vyungx vlaungx bix wawc washiz shiz yauk nuex lekuq gay shaungx, ngoz tueq bomkhvmc kuq vphaungx.

1 HOKHVMX 2:27

Kvruex yimaq Solomon rueq Abiatha kuex Yehowa yauk shuimc jix shomc waz wawc tvdung yurc gay tueq, kvkhoc piq rueq Shilo ghaq wawc Eli suiuz vsaz hez lvmz nuex seng vtueq Yehowa rueq jungx tueq kuex tvhungx wvnc tueq.

1 KAÜWA WERAÜ 17:18

Ngaz rueq mnoz muex jvnc vtueq yvmx tvrvp jungc yek juing lac! Mnoz rueq ngaz kuex vhvlx waq tuiuz yaq ningkhvnc nuex mnvrc waz ngaz kuex mnoz rueq tvtanc nganc vphux.

2 KAÜWA WERAÜ 15:2

piq kuex Hokhvmx Asa kox nuex rvhumc kay kaz wvnc tueq. Piq rueq, “Hokhvmx Asa nuiyc Yuda nuiyc Benjamin miqsaz lotlaz lex, ngvy kvjaz tay shuinz! Nuimshiq kuex vpiq rulc vdvmz httax tuinx wawwawx Yehowa muinz nuimshiq rulc vdvmz httax yaq. Nuimshiq rueq vpiq kuex thuiyx ruiux yuq, vpiq rueq muinz nuimshiq muex kvhumc kv-phuinx, yuq muinz nuimshiq rueq vpiq muex yix tvnungx shung kuq ruiux yuq, vpiq rueq nuimshiq kuex tvdux gay kv-phuinx.

2 KAÜWA WERAÜ 26:18

piq muex tvwanc tueq. Tsuinghez rueq, “Uzia lex! Mnoz rueq Yehowa muex vhomc vtumc juiuz kuy vkhangx lvp muq. Arun suiuz vsaz hez wawc vsvt wvnc shomc waz bix rueq dvyx vkhoc yauk shuimc kuex shuimc tvkoc lekuy rvhumc yoalx hez rueq dvyx mvy yaq. Kvkhoc rvtueq vruex vsawc baung vmaq dung kaz wvnc kuiuz. Mnoz rueq Yehowa Tishox muex yaq gay toq ningkhvnc nuex vpiq ruimrix kejux kuex mkaq muinz lvp shuiux rvmuq,” ngoz tueq jungx tueq.

Tvtsvmc 18:20

Ngaz rueq vlvmx yauk shuimc ningkhvnc nuex Yehowa rueq ngaz muex yauk noalc tvtsvmc yaq; ngaz kuex mvrax kop muq waz ningkhvnc nuex vpiq rueq ngaz muex ruimruimx kuq phuex.

Tvtsvmc 18:26

Thuinz vsawc jix htenc muex vsawc thuinz mnoz rueq tvkhic vshuiux, yuq muinz layx bac jix htenc muex vtuing vshaung thuinz mnoz rueq tvkhic vshuiux.

Tvtsvmc 50:23

Kejux tvtsvmc shomc nawk kuy kuex ngaz muex tvtsanc nganc kuy rvtueq, ngvy kvjaz tay jix lotlaz kuex ngaz rueq vsuingc suing palc wvnc shaungx.”

Tvtsvmc 73:20

O Taungjix lex, tsuingshiq kuex raungnvp nuex moz wvnc yaq raungwvrx maung rulc rv-ngvlc yaq; mnoz kvsvmc wvnc toq nuex tsuingshiq kuex vmoz wvnc wuez shex rvtueq.

Tvtsvmc 91:14

Tishox rueq, “Ngaz muex lungwawc jix htenc kuex ngaz rueq palc shaungx, ngaz ngoc Yehowa rvtueq ngoz tueq kvjungc jix htenc muex ngaz rueq tvguing tvwungx kuq shaungx.

Tvtsvmc 91:15

Tsuingshiq rueq ngaz gvl ruiux yuq, ngaz rueq tvralc shaungx; tsuingshiq kuilc daz rvhumc tuex nuex ngaz kuex tsuingshiq rulc vdvmz httax taungx. Ngaz rueq tsuingshiq kuex palc wvnc vtueq tvtsanc nganc shaungx.

DUNGWVNC 28:43

Arun nuiyc vsahez kuex ngaz httax taungx Tap kvyuq tsuinghez kaz tuex nuex, rvmuq ngoz ruiux Vsawc Baung nuex shomc waz yauk shuimc tvkoc shomrawx hep nuex kvnvp tuex nuex, yvlc svy tvkhic vtueq thueyc juing rvhumc muq tvkoc mkaq muinz vruex msvmx shueq. Vruex kuex Arun nuiyc piq suiuz vsaz hez tvkoc pattup tvrac muex yaungc juing rvtueq.

DUNGWVNC 29:9

kheshuit kuex shuit kuq ruiux, khux phop muinz tv-phop kuq shuiuz. Arun nac sahez muex kvkhoc mnoz rueq tvkvp kuq shuiuz. Tsuinghez nuiyc tsuingshiq suiuz vsaz htenc kuex shomc waz muex yaungx vtueq, ngvy yauk shuimc kuex pattup shuimx shuex.

TAKSU LAK 12:8

Mnoz vtuiuz tharc vhttax waz ngoz ruiux kuex tvtsvmc kvmc rvhumc tuiux; mnoz miqyaq ngoz ruiux kuex miq rueq mhtauk nuex vlawc tvruinc kv-phux.

TAKSU LAK 4:8

Taksux tharc kuex lungwawx shuiuz, piq rueq mnoz kuex tvyungx luz kv-phux. Piq nuex rvwak kuiuz, mnoz muex piq rueq tvtsanc nganc kv-phux.

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

ISAIA 29:13

Yehowa rueq, “Vruex miq htenc vraq ngaz muex nawk palx tvkoc jungx wuez yaq, yuq muinz tsuingshiq kvjaz htenc kuex vlvmz vguez, tsuingc thuinz vmungx muinz baungshiz shiz nuex phaungx wuez yaq. Tsuingshiq nawk palx htungx kuex tsuingshiq rueq khuec guez tvtsuingc miq tvrac htenc nuiyc htungx vlayx htenc maq lvy vtueq khuec guez dvyx rvtueq.

JEREMIA 49:15

Yehowa rueq mhungc mlaungc kuex tvnulx gay ruiux, uraq muinz mnoz muex tvtsanc nganc shuex rvmuq.

EJEKIEL 34:10

Ngaz kuex nuimshiq ralx rvtauk, ngoz tueq ngaz, Johvlc Yehowa rueq jungx vphaungx. Ngvy khelbuenx htenc kuex tsuingshiq yauk wawc ngaz rueq lvmz wvnc vtueq, nuimshiq kuex tsuingshiq remc jix khelbuenx remc jix ikhoc mkaq muinz tvyaungc phaungx rvmuq; Nuimshiq pumz kuex lawc mawc tvkoc ngaz rueq nuimshiq muex mkaq muinz kuq yek phaungx rvmuq. Ngvy khelbuenx htenc kuex nuimshiq rueq phauk gay muit laz juing, nuimshiq kox wawc goalx wvnc shaungx.

DANIEL 4:34

Hokhvmx waz rueq jungx tueq, “Wawc mvshix yix maq ngaz rueq raungx nuex kac lawc koq tueq, miqsaz thuinz vtharc kvyez yek tauk. Ngaz rueq Johvlc Tishox muex tvtsvmc kvmc ruiux pattup httax yaq waz kuex tvtsanc nganc vtueq ngauz ngax kuex tvtsvmc tauk. “Vpiq rueq pattup guimz lawc shuex, vpiq mungtan kuex patshiz maq patshiz phaungx ngaungx wvnc tuex.

MALAKI 1:6

Tvphaungc Tvsuip Yehowa rueq shomc waz bix muex, “Vsaz rueq vwaz tvtsanc nganc yaq, nvrc waz rueq jiyungx waz tvtsanc nganc yaq. Ngaz kuex m-waz rvtauk, yvmx ngoz tueq lac ngaz muex tvtsanc nganc muq? Ngaz kuex nuimshiq taungjix rvtauk, yvmx ngoz tueq lac tvtsanc nganc muit? Mnoz rueq ngaz kuex wvlc guez tvyaungc vphux, yuq muinz mnoz rueq, ‘Nuiyshiq rueq mnoz muex mkhoc lac wvlc guez tvyaungc vphix?’ ngoz tueq wiz vshuinx.

MALAKI 2:3

Ngaz rueq nuimshiq sahez muex murx tvgurc shaungx nuiyc nuimshiq shomc nawk vshuinx nyvmx saz diq maq nuimshiq htvlx nuex nyvt kuq phaungx, nuimshiq kuex diq phungc nuex tuip gay rvhumc tuinx.

WEAWEA 11:20

yuq muinz ngvmx kuex tsuingshiq khuiz nuex thuingx vtueq shuiuc laz juing yapix lex shiz tup phauk saq wuez shuex. Ekvkhoc yaungx tuex lvmz kuex tsuingshiq rueq Ejip mungx kvruex rvwvl vtueq, tsuingshiq rulc vdvmz httax yaq Yehowa kuex tuip gay ruiux kvbot nyvnx ningkhvnc nuex rvtueq,’” ngoz tueq jungx tueq.

WEAWEA 35:34

Ngaz kuex Yehowa rvtauk, ngaz kuex Israel miqsaz rulc httax vtaungx ningkhvnc nuex nuimshiq httax tuinx mungtan kuex tvshuy shac mvy muq,” ngoz tueq jungx tueq.

John 12:26

Ngvy yauk shuimc vruex gurc pic jix ukhaq yuq muinz, ngvy yix nuex phvnx naungx vtueq ngaz httax taungx kvyuq ngvy nvrc waz muinz httax tuex. Iwaz rueq ngvy yauk shuimc kuy jix ukhaq muex muinz tvtsanc nganc kuq shuex.

John 5:23

Kvkhoc rvtueq miq htenc rueq Vwaz muex tvtsanc nganc yaq rulc rv-ngvlc Vsaz muex muinz tvtsanc nganc shuex. Vsaz muex tvtsanc nganc muq waz kuex Vsaz nvrc tvkay jix waz Vwaz muex tvtsanc nganc muq rvtueq.

John 5:44

Nuimshiq kuex vdvmz dvmz tvtsvmc kvmc kuy dvyx roc vshuinx, yuq muinz vshiz dvyx httax yaq Tishox muex tvtsvmc kvmc tvkoc kuex hunglaungx muit. Kvkhoc rvtueq nuimshiq kuex ngaz muex yvmx khoc lac kvmluimx tuinx?

John 8:49

Yesu rueq, “Ngaz kuex htaungc kvpumz jix waz rvmuq, ngaz kuex Iwaz muex tvtsanc nganc vshaungx, nuimshiq rueq dvyx ngaz muex shummarc vphuinx.

1 Corinthians 4:5

Kvkhoc rvtueq vkhing rvkhauk max httuiuc nuex ukhaq muex muinz nauk phox kuq kaz. Vtvsuip phoc kuy lvmx kuex Taungjix httuiuc kaz tuex nuex httuiuc laz bvmc juing rvtueq; vpiq rueq raungnyauk mungx nuex vhttuiyq taq lotlaz kuex kvmuinz, miqsaz thuinz vmungx nuex vhttuiyq taq kvmungx lvmx htenc muinz tvdung tvkhic shuex rvtueq. Kvkaq vshiz maq vshiz kuex miqmac aungx yaq rulc rv-ngvlc Tishox kox wawc tvtsvmc kvmc lvp wvnc wuez shuex.

1 Peter 1:7

Kvkhoc taruiyx rvhumc lvmz kuex Tishox muex nuimshiq vsuing shuex kvmx vtuinx, kvmx muit lac kuex talc lawc tvkoc rvtueq. Tvbac gay lot yaq kuimshawx doc muinz wvr maq tvyuimx shuz lawc shix rvtueq, kuimshawx htauk nuex muinz vhtawz tsanc hvlc phvnx nuimshiq kvmluimx kuex phaungx ngaungx rawc nuex talc lawc rvhumc vtuinx rvtueq. Kvkhoc ngoz ruiux jix Yesu Christu httuiuc kaz tuex raungnuiyq nuex tvtsvmc kvmc lvmz, ngauz vngax nuiyc tvtsanc nganc kuex nuimshiq rueq lvp wvnc wuez shuinx.

PHOWEBI 9:10

Kvruex yimaq pulx jungx htenc kuex phuiuq muiuq jungx kox nuex kaz vtueq, ‘Nuiyshiq hokhvmx muex yaungx kuiuz,’ ngoz tueq jungx kaz tueq.