1 SAMUEL 18:12 - ASII LAKDAP Bible (BSI)

¹² Saul ka Dawit ma ahai she riito. Jamkhano ngukla Tatiwe ka Dawit rai asi. Shatmaq apaiq ka miimbaiqto she.

Hawa Naga Bible 2001

¹² Sholu kuex Dawid muex hiz tueq, yvmx khoc lac ngoz ruiux lec Yehowa kuex Dawid rulc vdvmz httax ruiux Sholu kuex httvr gay tueq.

1 SAMUEL 18:12 Referencias Cruzadas

2 SAMUEL 5:10

Apaiq ningkun ka wranaiq she henghea riiwan wan li riito. Jamkhano ngukla Tati Shiikeawe ka apaiq rai asi riito.

2 KAÜWA WERAÜ 17:3

Tatiwe raq Jehoshaphat ka shiiman kuqto. Jamkhano ngukla apaiq raq awe pat na aphaji na jamkho sitaq kra phan phan apaiq min sito. Kiimaq apaiq raq Baal phra ka shomnoq mak riito.

Tvtsvmc 51:11

Ngi ka ümwokhong wa naqjo baiqkiq; ümnaq asii wenyi ka ikhum wa naq lambaiqkiq.

Tvtsvmc 53:5

Shatmaq tsangshiq ka phiip riishe mitsai, kiitin khan chamchao ka tsangshiq raq jangshi min riihum mak shaq, Shiikeawe raq asengi jaqtinok rok arii thun ka awan mirbaiq. Shiikeawe raq tsangshiq ka no na tsuqbaiqto she, krai mren Israilnok raq tsangshiq ka khat raüta tiinamtok mitang

Hosea 9:12

Anyungtiim raq tsangsetiim li hum raü min, wiita ngi raq mitsat baiqha. Laihü nyungtiim ma mitiijaha. Ngi raq tiishaübaiqkang miiphat, riitsitsaitsiiq michamchao.

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Mark 6:20

Herod raq Khamlamketi we Johan ka, mitting maiqse kiimaq kechu maiqse dea ngutiika asap. Krai mren, apaiq ka Johan ma ahaisi ka asi. Kriikha maq, apaiq raq Johan ka phaqtek na, tiiwong kuq shatmaq maq shaq raüta thüto. Apaiq raq Johan traho bomchong kewan kriika tairo tlo. Shatmaq, tai tlaq tek na, atsan mong na kai kotsirak wan lili riitlo.

Luke 8:37

Kiijiishe, mungmaiqse kra hong wa kiraitiiti thun raq, Jesuq ma apaiq ka ahin na wawan raüjaq ahea nguta chongto. Ara jamkhano chongta ngukla, tsangshiq ka kai aphiip ajiip kiinyiito. Kriikha maq, Jesuq ka lai na maq maiqhiq ahin nü niishe wawan nongto.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Acts 7:9

“Jakob setiim raq, tsangno Joseph ka kai shuliito. Kriikha maq, aphutiim raq tsangno ka maiq ma shaphaqto. Maiq riishe hali, apaiq ka Ejip mung na, maiqdi ma shaphaq baiq nongto. Shatmaq, Shiikeawe ka apaiq rai asi riito.

PHOWEBI 16:20

Raüta kriinyung raq akha gito, “Samson loi! Philistainnok watlo!” Krai mren, apaiq ka akon wa tiidoto. Kiimaq atsan na tiimato, “Ngi ka rahinjaq na dongho tiikang ikha, midonghoha.” Shatmaq apaiq raq Tatiwe raq apaiq ka miimbaiq thüto nguta sap mak riito.

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”

1 SAMUEL 16:4

Krai mren, Samuel riimin Tatiwe raq chongkuqtaq kra phanphan kloto. Raüta apaiq ka Bethlehem na kihoto. Apaiq ka kiijaq saüho kiita, chelati shiilangbi thun ka tsangshiq shreng raüta Samuel taokai kito. Raüta waito, “Shammiwe lei, ümniika hansang miitu khumshiim khata saüki laü?”

1 SAMUEL 18:15

Kiimaq Saul raq Dawit raq ongwantlaq thun kra chhito. Kra ningkhan Saul ka Dawit ma jahai wan wan she riito.

1 SAMUEL 18:20

Shatmaq Saul se jechakse Maikel raq Dawit ka kai lungwiitlo. Kiimaq Saul raq kra tsütsa ka tai raüta, apaiq ka kai khoqriiq khiq riito.

1 SAMUEL 18:29

Kra ningkhan she, apaiq ka Dawit ma jahai wan wan she riito. Kiimaq apaiq ka atra siruq wiiwii, apaiq ma wesang she jakito.

1 SAMUEL 20:13

Kiimaq apaiq raq ümdü na jaqmiiqchang ngutiidea dan tlaq shatmaq, ngi raq ümniima tiitai mang lata, ümniika ahin na tiiju lata ümchiim tiijin mang riihala, Tatiwe raq ngi ka tiikhiq laq mibukbaiq laq. Tatiwe raq iwe rai jamkho adam sitaq, kiikhiisii hali, ümnii rai min misi laq!

1 SAMUEL 22:13

Kiijiishe Saul raq apaiq ma waito, “Riita, ümniiraq Dawit rai pong laüta ngi tiidea baiq miitu mat kha thiikho ka jam nguto thu tlaü? Ümniiraq apaiq tü adung nai nepja kaü ka jam nguto kuq laü? Laüta apaiq miitu Shiikeawe jaq wa lang jaram wa liikuq laü? Ümchaü apaiq ka ngi ma wesang she. Raüta ngi tseabaiq miitu akhing kheshat maq sitlo!”

1 SAMUEL 28:15

Samuel raq Saul ma nguto, “Ümniiraq ngi ka jaram wa shakshaq tlaü? Ümniiraq ngi ka wulum mung wa jaram sheakai wa?” nguta bom ka waito. Kiijiishe Saul raq treto, “Ngi ka ümchaü pinthum chamchao mong na sitiikang! Philistainnok ka ngi rai riikhat wanto. Kiimaq Shiikeawe riimin ngi ka tiishaü baiqto. Apaiq raq ngi achu jaü ka tre mak she. Shammibi lümiimin, kiimaq rawama miimin, ngi ma hon atsii ka chongkuq mak she. Kra ningkhan ngi raq ümniika wulum mung wa, ngi raq jamlai she wa mirha kra michongkuq laq nguta tiisheaki kang.”

1 SAMUEL 3:19

Samuel jonglu wantlaq krai mren, Tatiwe ka apaiq rai asi riito, kiimaq Samuel raq jamlai bom wa chongtaq thun ka wiita kupi wanto.