1 SAMUEL 18:13 - ASII LAKDAP Bible (BSI)

¹³ Kriikha niishe Saul raq Dawit ka ajam na tiiwabaiqto. Raüta phenlabi hingshi khuthaq na phentu ma shongto. Krai mren, Dawit raq asengi sheaho raüta rekhat kai kihoto.

Hawa Naga Bible 2001

¹³ Kvkhoc rvtueq Sholu rueq piq kuex nolaungx hingshiz guimz jix vyungx muex tvyaungc ruiux raz tueq, piq hep maq tv-phvlc tvkaz gay tueq. Dawid rueq piq miq htenc kuex ralx lungc nuex shvlx laq vtueq,

1 SAMUEL 18:13 Referencias Cruzadas

2 SAMUEL 5:2

Manna ji na, Saul ka naishiq ma hokham jashat niiphü dongdii min la, Israil mungmaiqse ka chiqkhat rekhat kai na ümniiraq shunshea wan laü ihata. Kiimaq Tatiwe raq ümnaq nangnga asenginok ka mishun shea wan haü kiimaq ümniika tsangshiq peng wanti ma mija wan haü nguta kiqkham kuqtaq ihata.”

Tvtsvmc 121:8

Apaiq raq ümniika aki awa khumtlaü na tiiwongshat miraq ümchaü min kiimaq pattup pat-sa na saüli mitiiwongkuq.

1 SAMUEL 18:25

Kiimaq Saul raq tsangshiq ma Dawit ma akha chongkuq ronglaq nguta aming kuqto: “Saul raq ümjaq wa ase tri miitu ka ajaqtinok Philistainnok ka khatki laüta, rewe maaphong khum kriiwa tsanghupsamkhhü thun shishi kra lamkuq wan raüli mihong nguwa.” (Arka Saul raq Dawit ka Philistainnok jaq na tiitseabaiq kham ma kiimungto.)

1 SAMUEL 22:7

Krai mren, apaiq raq asengibi ma akha nguto, “Tai ronglaq, Benjamin phan lei! Riita namshiq nga Dawit riika, namshiq ma wak ajam thun kiimaq spiqro thun kra namshiq tarü ma tiikham raütiisha miphea kuq? Raüta namshiq ka apaiq phenlabi thaq na phentu phenla ajong alabi ma shea mishong?

1 SAMUEL 8:12

Apaiq raq maiq wiijam ka maiq hingshi khuthaq na siihiip ma mishong. Kiimaq wiijam ka maiq roq biingi khuthaq na siihiip ma mishong. Kiimaq namsetiim raq apaiq wak thun kra theke chang miraq. Raüta atü atsam thun ka jutke chang miraq. Kiimaq apaiq rekhat chang hupsam thun kra kloke chang miraq. Kiimaq apaiq kumrang leng thun mii akhiiq thun kra tiiqloke chang miraq.