1 SAMUEL 16:2 - ASII LAKDAP Bible (BSI)

² Kiijiishe, “Riita, kra ngi raq jamkho mikloha?” nguta Samuel raq waito. “Saul raq kra tai raü jiika, apaiq raq ngi ka atsea mirbaiq!” nguta Samuel raq treto. Kiijiishe Tatiwe raq treto, “Ümniiraq minsaü saüpongse ashi lamho laq. Laüta ümniika kiijaq Tatiwe ma honglu kekai akiha nguta chonglaq.

Hawa Naga Bible 2001

² Samuel rueq, “Kvruex yauk shuimc kuex yvmx khoc lac ngaz rueq shuimx lot shaungx? Sholu rueq tay ruiux yuq ngaz kuex piq rueq vthvy rvgay phuex!” ngoz tueq tvtay jungx tueq. Yehowa rueq, “Manx saz vshiz lvmz wvnc vtueq Yehowa tvkoc shomc nawk juing shomc kuy kay ngaz kaz tauk ngoz tueq jungx shuiuz.

1 SAMUEL 16:2 Referencias Cruzadas

DUNGWVNC 3:11

Shatmaq Mosheq raq Shiikeawe ma nguto, “Ngi ka juwa. Ngi ka hokhamwe phana jamkho miki kiimaq Israilnok ka Ejip mung wa jamkho mitiidong tsuq wan lot?”

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.

Luke 1:34

Kiijiishe, Meriq raq rase bom ka tre nongto, “Riita, ngi ka junrii se shaqli. Maiq ma santla miwaha shaqli. Riita, ngi ka noshii nyung ma jamkho mija ha?”

1 SAMUEL 16:3

Laüta Jesi ka honglu kuqtlaü kra lomwadamkiq nguta tiihea laq. Ümniiraq jamlai jaqsham wan chang wa kriika, ngi riitiq michongkuq kang. Ngi raq juwa hokham shongkang, kriiwe ka ümniiraq olip tsai phumram kham maq mitiibok haü.”

1 SAMUEL 20:29

Apaiq raq ngi nangnga, ‘Mangchan laüta ngi ka jam na tiiwalaq. Jamkhano ngukla naijamti thun raq honglu take poi ka naishiq chela na klotlo. Kiimaq iphu riimin ngi ka jam na kairaa ma nguta atsi dada maq chongto. Krai mren, ümniika riikhaqli iluwe dea ngutlaü jiila, ngi ma ijamtitiim rai riihumkai miitu aming kuqlaq.’ Kriikha na apaiq ka ümchaü ümniirai dungsea dam ahü,” nguta Jonathan raq treto.

1 SAMUEL 9:12

“Apaiq ka asi,” nguta jechaksere raq treto. “Apaiq ka ümchaü namnai ma sinkhu na wawan li tlo. Namnai ka kiimchii maq juju wawan hanla, apaiq ka milowan. Namnai ka chela mong na saüwan han jiila, apaiq ka kiijiili mihum han. Apaiq ka ümchaü ranaiqtiq chela na saükito. Jamkhano ngukla nokmaiqse raq hiqlam na berong-wacha kiijaq honglu mitaakuq. Kiijaq lomwadamti maiq tiiheatiiti thun raq, apaiq ka kiijaq misaü shaq wiiwii phaqsiq mak maq mikhe. Jamkhano ngukla apaiq raq ramkham maq tiibok chang miraq. Namnai ka ümchaü leaphok wawan hanla, apaiq ka hiqlam na phaqsea lomwa miwa wan shaq niili milo wan han.”