1 SAMUEL 16:1 - ASII LAKDAP Bible (BSI)

¹ Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

Hawa Naga Bible 2001

¹ Yehowa rueq Samuel muex ngoc, “Sholu ningkhvnc nuex mnoz kuex mtanc nuex httuiuc laz lac thuinbac yonzyex tuiux? Ngaz rueq piq kuex Israel hokhvmx wawc tvdux gay tauk shex. Yuq muinz majuiuc olip puiz raungluingx lvmz wvnc vtueq Betlehem nuex vmuingc Jese ngoz yaq miq washiz kox kvyuq kaz kuiuz, ngaz rueq vsaz washiz kuex hokhvmx muex httauk taq tauk,” ngoz tueq jungx tueq.

1 SAMUEL 16:1 Referencias Cruzadas

1 HOKHVMX 8:16

‘Ngi raq isenginok ka Ejip mung wa tsuq wan kang akhing miiphat, ümchaü niita, Israil mung na Ngi shomnoq chang Shomjam hai wan miitu chela ka ashi min tsea wan mang shaqli. Shatmaq, Ngi raq Dawit ümniikli isenginok kra peng wan miitu tsea wan kang.’”

2 HOKHVMX 9:1

Anü na shammiwe Elisha raq jerobi shammibi phong wa weshi ka heato. Raüta apaiq ma chongto, “Ümniika Gilead wang na Ramoth chela na kai miitu tiije laq. Kiimaq ara olip tai tsabum chü ara lamho laq.

2 HOKHVMX 9:3

Laüta ara olip tai ka akhupo na nyuklaq. Laüta akha ngulaq, ‘Tatiwe raq ümniika Israil mung na hokham miishe shongkang nguta akiq toqtan tel maq nyuktlo.’ Kra laüta ümniika kriiba wa jaqlo tlothit ahin na jutlo laq” nguta chongkuqto.

2 HOKHVMX 9:6

Kiimaq tsangnai ka tap mong na wawanto. Kiimaq kra jerowe shammiwe raq olip tai ka Jehu khupo na nyukto. Raüta apaiq ma akha nguto, “Tatiwe, Israilnok Shiikeawe raq, chiiriim raüta akha ngutlo: ‘Ngi raq ümniika isenginok Israilnok khuthaq na hokham ma shong tiikang.

1 KAÜWA WERAÜ 11:3

Krai mren, Israil mungti welabi thun kunli ka Dawit phana Hebron chela na kito. Kiimaq apaiq raq tsangshiq ka apaiq rai pong wan dam asii ramkham kra tiibokto. Kiimaq tsangshiq raq apaiq ka ramkham maq nyukto, krai mren she apaiq ka Israil mung na hokham shongto. Arka Tatiwe raq Shamuel lümaq kiqkham kuqtaq kra phanphan she kupi wanto.

1 KAÜWA WERAÜ 28:4

Tatiwe, Israilnok Shiikeawe raq, ngi nai isaü isetiim ka Israil mung ka pattup pat-sa peng wan miitu welabi ma shong wanto. Apaiq raq Juda phan ka wela jawan miitu tsea wanto. Kiimaq Juda phan wa apaiq raq iwe tahii jamti ka tsea wanto. Riita naiwe raü phong wa apaiq raq lungwii raüta ngi ka Israil mung na hokham ma shongto.

ISAIA 11:1

Dawit hokham weraü saüse phan ka pechong ashi adaq arbaiqrat ikha. Shatmaq achongkhuk kiiwa asongsetiim song wantlaq ikha Dawit weraü phan asaü asetiim phong wa hokham weshi midong wan.

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 55:4

Ngi raq apaiq ka wela ma shongkang, kiimaq mangjong tlotli thaq na phentuwe ma shongkang, kiimaq apaiq lümaq Ngi raq tsangshiq ma iningkun tiichhikuq kang.

JEREMIA 11:14

Jeremia lei, arnok ara miitu ümniiraq ijaq wa achu naq jaükiq she. Kiimaq arnok ara miitu ümniiraq Ngi ma naq tiipaiqneakiq she. Tsangshiq ka ümtiikiiwa chamchao mirhum, kra akhing na ijaq wa khrum achu jaü raüla, Ngi raq tsangshiq achu jaü ka tre mang she.”

JEREMIA 15:1

Kiijiishe Tatiwe raq ngi ma nguto, “Mosheq nai Samuel ka arjaq Ngi rai chap raüta arnok miitu tiipaiqnea raü min, Ngi raq arnok ka tiihang kuq mang she. Tsangshiq ka imakki wa tiikibaiqlaq. Tsangshiq ka imakki wa tiikibaiqtlo laq.

JEREMIA 6:30

Arningkhan tsangshiq ka amiinu ahü wadaiq phong ngutli she mingu. Jamkhano ngukla, Ngi, Tatiwe raq tsangshiq ka sinchii tsuqbaiqtlaq ikha no na tsuqbaiq kang she.”

JEREMIA 7:16

Tatiwe raq nguto, “Jeremia, arnok miitu achu naq jaükiq. Tsangshiq miitu naqhoqkiq riimakla tsangshiq miitu achu min naqjaükiq. Tsangshiq miitu ngi ma naq tiipaiq neakiq. Ngi raq ümnaq achujaü ka tai mang mirha.

JEKERIA 4:14

Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”

Romans 15:12

Kiimahali Isaia raq, “Jessi lai wa maiq ashi misaüho, apaiq ka Shiikeawe raq amaa wa mitiidong wan. Raüta Pongnok phan maiqse mung ka mirüm wan. Kiimaq tsangshiq raq, apaiq ma ran raüta misi wan,” nguta waiqthüto.

Hebrews 11:32

Riita, akha chong wan ruq li sha michong siq hata? Akhli chongruq chong wan hajiika, Gedion, Barak, Samson, Jeptha, Dawit, Samuel, kiimaq shammibi thun jaqsham phanchanke miitu, ngi ma akhing ka ahü, rashe tiina micha. Athum chang ri riimak.

1 John 5:16

Namshiq raq namphuno we ka ngarai tangrea michhihan. Kiitiina kra ngarai ka apaiq tsaili chang wiqwiq kla riimak miraq. Kra chhihan jiila, Shiikeawe jaq wa apaiq miitu achu jaükuq ronglaq. Kra riihan jiila, Shiikeawe raq apaiq mra ka adii mirkuq. Ara achu jaükuq ronglaq nguta chongtiikang arka, ju ngarai wa tsangshiq miisaq thumli chang ka riimak, kriiti miituli chongtiikang. Shatmaq jurwa apaiq miisaq thumli chang ngarai she tang tlaq, kriiti miitu ka namshiq raq Shiikeawe jaq wa achu jaüke ka raa mak she.

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.

1 SAMUEL 15:23

Apaiq kiqkhii kriika, maiqwuq maiqlong jaqsham ikha, Kiimaq wanshakshak tsii kriika, sumla phra noq ngarai ikha. Ümniiraq Tatiwe aming jin wan kha na, Apaiq raq ümniika hokhamwe ngachang wa shleq baiqto.”

1 SAMUEL 15:26

Kiijiishe Samuel raq treto, “Ngi ka ümniirai adam na jang wan mang she. Ümniiraq Tatiwe aming tlea laü. Krai mren, apaiq riimin, ümniika Israilnok hokham wa shleqbaiqto she.”

1 SAMUEL 15:35

Samuel ka ümchu rawiiwa atra siwantaq, apaiq raq hokhamwe Saul rai ka sham riichhi kimak she riito. Tatiwe raq Saul ka Israilnok hokhamwe ma shong raüta kai tiishudaqto.

1 SAMUEL 16:15

Kra ningkhan ajaqshisetiim raq apaiq ma nguto, “Naishiq raq asaphai, Shiikeawe raq atiiki abi winji raq ümniika tiichamchaotlo.

1 SAMUEL 16:23

Kriimiiphat she, ümra akhing niiwa Shiikeawe raq atiiki abi winji ka Saul khum na saüki tlaq, raüla Dawit raq apaiq toropo ka lam raüta tsükuqtlo. Raüla abi wenyi ka Saul khum wa donghotlo. Krai mren, Saul ka mit aheashe sitlo. Kiimaq apaiq ka maiqhea ikhiishe sitlo.

1 SAMUEL 17:12

Dawit ka Jesi se. Jesi ka Juda wang na Ephrath binjü na Bethlehem chela na siti. Jesi setiim ka siphu wetiichat. Saul raq hokham jaqsham wan tlaq akhing na apaiq ka tikiishe.

1 SAMUEL 9:16

“Anap ranaiq ümchaü atinkhan akhing na, ngi raq Benjamin phan maiq weshi ümniipha na mitiiki kang; apaiq ka isengi Israilnok rümtiwe ma phumram kham maq bat laüta shong laq. Kiimaq apaiq raq tsangshiq ka Philistainnok jaqkhon mong wa mitiichhii kuq wan. Ngi raq isenginok chamchao ka chhikang she. Kiimaq tsangshiq raq ijaq wa khrum jaüjaü hoqsii trang wantaq thun ka tai kang she.”