1 SAMUEL 14:5 - ASII LAKDAP Bible (BSI)

⁵ Kaüshi ka kra kinchit maq shekhu nü nü na, Mikmash kinchit kriimaq khariire na riito. Kiimaq kaüshi riiwe ka shemai nünü na Giba chela maq khariire nü na riito.

Hawa Naga Bible 2001

⁵ Vshiz kuex ghaqkhux kox Mikmash ghaq kox nuex muiz yaq, vshiz kuex ghaqyaz kox Geba nuex muiz yaq.

1 SAMUEL 14:5 Referencias Cruzadas

1 KAÜWA WERAÜ 3:6

Arthun arthaq niimin asetiim maiqwe sere ka wetiikaü dea asi. Tsangshiq mang ka: Ibhar, Elishua, Elpelet,

ISAIA 10:28

Rewe phenlabi raq Ai chela ka khat raüta jiiwanto! Tsangshiq ka Maigron hiq lam maq leawanto! Tsangshiq raq tsangshiq hupsam thun ka Mikmash chela na phong thüto!

ISAIA 10:29

Tsangshiq raq kinchit ka jinwanto she! Raüta athi rawa ka Geba hiq na japtlo! Rama chelati ka phiip riishe tsai wanto. Kiimaq Hokhamwe Saul sichang Gibea chelati ka wiitashe pinto.

1 SAMUEL 13:11

Shatmaq Samuel raq, “Ümniiraq ara jamlai she wa riilaü?” nguta nguto. Kiijiishe Saul raq treto, “Mungmaiqse raq ngi ka atiishaübaiq wan miiqmiiq she riito. Kiimaq ümniika misaüha ngulaü shatmaq saü maü dea. Kiimaq Philistainnok ka Mikmash hiq niishe thungwanto.

1 SAMUEL 13:2

Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.

1 SAMUEL 13:23

Philistainnok raq phenlabi kongshi ka Mikmash kinchit lam kra tiikhe wan nai Israilnok tiikhat wa tiiwato.

1 SAMUEL 13:3

Krai mren Jonathan raq Philistainnok phentu ajongwe ka Geba chela wa tsatto. Kra tsütsa ka Philistainnok tarü raq taito. Kiijiishe Saul raq Hibrunok ka rekhat kai miitu lerong tsü raüta Israil mung tlotli na tsasoqti thun tiiwato.

1 SAMUEL 14:31

Kra ranaiq Israilnok raq Philistainnok ka khat raüta tangto. Mikmash maq phaho raüta Aijalon chela na saüli khatto. Kra akhing na Israilnok ka ramtsi raq ahaü she kha maq anii ningkun ahü she riito.

1 SAMUEL 14:4

Mikmash longraq kinchit jin na longraq penkaü jonghea kaünai asi riito. Kra longkaü nai ka asok asiim tro niika aniq sihea longrong asi riito. Kra longkaü nai ka kra kinchit siimkonai ri na ashi shi asi riito. Kaüshi mang ka Bojej. Kiimaq kaüshi mang ka Sene. Jonathan raq Philistainnok piitiip kra lam maq kaihochang riito.

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”