1 SAMUEL 12:5 - ASII LAKDAP Bible (BSI)

⁵ Kiijiishe Samuel raq treto, “Riita ikhla, Tatiwe kiimaq apaiq raq ashong hokhamwe ka ümchaü ranaiq saqse ma jatlo, ngi ka namshiq man na jamshut ahü, chiisan maiqse dea nguta namshiq raq chhi wan lan she.” “Tengto. Tatiwe ka naishiq khuthaq na saqse,” nguta tsangshiq raq treto.

Hawa Naga Bible 2001

⁵ Samuel rueq, “Ngvy duix nuex mvrax vguez lvmz nuimshiq rueq khiz vphuinx ningkhvnc nuex Yehowa nuiyc vpiq rueq vthvl taq hokhvmx waz kuex hakhix muex m-yaungx kueq,” ngoz tueq tvyez jungx tueq. Tsuingshiq rueq, “Rvtueq, Yehowa kuex nuiyshiq hakhix muex yaungx yaq,” ngoz tueq tvralc tueq.

1 SAMUEL 12:5 Referencias Cruzadas

RAPHA HIQWA LAK 31:50

Laban riika akha hali nguto, “Ümniiraq ise jechaksetiim kra haihii haüla, riimakla ümniiraq maiq nyung nyetiim lam haüla, kra ngi raq sap mang li jiimin, tsan na tiitsang shat riilaq, Shiikeawe raq nashiq ka liishat.

YOBA 16:19

Ramungtan na ngi rai pongdamti maiq ashi ra asi, apaiq ka rung na chap raüta ngi tiiwong na mibom.

YOBA 42:7

Tatiwe raq Job rai riibom ka lot raüta, apaiq raq Eliphaj ma nguto, “Ngi ka ümniima nai ümkongtiwe nai ma itsankhiq. Jamkhano ngukla, ijaqshise Job raq ngi miitu tengteng bomtsi chongtaq kiikha namshiq raq chong man dea riilan.

Tvtsvmc 17:3

Ümniiraq itsantsii asap haü. Ümnaq rawa na i phana kilaü ihata; laüta ümniiraq ngi ka wiita konchon laü ihata laüta itsan na ashut tiima ahü hum maü dea ihata.

John 18:38

Kiijiishe, “Riita, ikhiijiika, tengteng bomtsi ka jamlai wa?” ngutiishe hali Pilat raq Jesuq ma wai nongto. Kra ngu raütiishe, Pilat ka rintsii na hali kiho nongto. Raüta, mungmaiqse thungrai tlaq kriima hali bom ka akha chongkuqki nongto, “Ngi raq arwe dü na, apaiq tiishut chang kha jam min ahü chhi mang.

Acts 23:9

Krai mren she, tsangshiq riikhii tatso gisii trang wan tlaq kriika henghea riiwan wan she heng wanto. Kiimaq Thungtri shrinketibi phong wa, maiq welabi wiijamti Phorisinok phungti ka chap raütiishe, achaq awaq maq latlat she, tri ka akha ngutiishe riikhii wanto: “Naishiq raq lii kai jaq arwe dü na kha ka jam min ahü chhi mai! Jursap, apaiq ma ngohea dea wenyi riilo, riimak la, rase riidea wa bom asa ka chongkuqla riila!”

Acts 24:16

Riita, ara kam tiikang arai mren, ngi raq, i tsan i tsii ka khangriri hea maq, ranaiqtek Shiikeawe man na nai maiqse man na, athuk atsom maq shiiting shrai lata siwan miitu shiikut chaq tiikang.

Acts 24:20

Kiimaq riimak la, ümchaü arwetiim ngi shoktibi raq, tsangshiq maiqmii raq michong wan liina. Ngi ka Jehudinok Rung Jong na tiichap wantaq ranaiq na, tsangshiq raq i dü na jamlai phan mrong mra wa humta.

1 Corinthians 4:4

I tsan mong na, ashut aphit sham tiikang riimak sha nguta, jam min tiido mak, ahü siirai. Shatmaq, kra riika ngi arka tingting maiqse dea nguta hakhi ka kuq lot mak. I khu thaq na ngi shinchongti ka Tatiwe asi.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

1 SAMUEL 12:4

Kiijiishe mungmaiqse raq treto, “Ahü, ümniiraq naishiq ka lao maü dea, kiimaq ümniiraq naishiq ka nanshan wan maü dea; ümniiraq jujaq wiimin jamlai phan min jaü phaq maü dea.”

1 SAMUEL 26:9

Shatmaq Dawit raq nguto, “Ümniiraq apaiq miisaq ka naqtankiq! Tatiwe raq, apaiq atsea raüta ashong hokhamwe tseati miika apaiq mo ka mitiiho dongdii.”