1 SAMUEL 12:4 - ASII LAKDAP Bible (BSI)

⁴ Kiijiishe mungmaiqse raq treto, “Ahü, ümniiraq naishiq ka lao maü dea, kiimaq ümniiraq naishiq ka nanshan wan maü dea; ümniiraq jujaq wiimin jamlai phan min jaü phaq maü dea.”

Hawa Naga Bible 2001

⁴ Miq htenc rueq, “Rvmuq, mnoz rueq nuiyshiq kuex laulawc muq, tuinghtuing kuq muq doc; ukhaq hup vsvmx muinz lvmz muq doc,” ngoz tueq tvralc wuez tueq.

1 SAMUEL 12:4 Referencias Cruzadas

DANIEL 6:4

Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.

3 John 1:12

Nanok wiitarü raq Demetrias dea ahea nguta tsakitlo. Tengman tlaq bomtsi riili apaiq ka maiqshaq dea nguta hakhi kuq tlo. Kiimaq kriithaq na naishiq riimin apaiq ka maiqshaq dea nguta hakhi kuq nong tiikai. Kiimaq ümniiriimin naishiq raq jamlai wa chongtiikai arka tengteng dea nguta asap haü.

1 SAMUEL 12:3

Riita, ümchaü minla, ngi raq phanshi ra ashut klowan kang jiila, ümchaü Tatiwe man na kiimaq apaiq raq ashong hokhamwe man na, kha ka nyan ronglaq. Ngi raq weshi ra minsaü kaü lo, kiimaq kumtoq kaü lo lamhokang shea? Kiimaq ngi raq maiq ashi ra laolii kang shea? Riimakla weshi ra nanshan wan kang shea? Kiimaq ngi raq weshi ra jaq wa tsiiqlap jaüphaq wan kang shea? Arthun arwa ashi ra ngi raq klo wan kang jiila, ngi raq jamlai wa lam kang kra atham mirkuqha.”

1 SAMUEL 12:5

Kiijiishe Samuel raq treto, “Riita ikhla, Tatiwe kiimaq apaiq raq ashong hokhamwe ka ümchaü ranaiq saqse ma jatlo, ngi ka namshiq man na jamshut ahü, chiisan maiqse dea nguta namshiq raq chhi wan lan she.” “Tengto. Tatiwe ka naishiq khuthaq na saqse,” nguta tsangshiq raq treto.