1 SAMUEL 10:6 - ASII LAKDAP Bible (BSI)

⁶ Tiidongchhaq miili Tatiwe wenyi raq ümniika arom mirwan. Kiimaq ümnii riimin tsangshiq rai Shiikeawe shomnoq wiinum wiinea she agi asii watrang liishe mipong wan dam haü. Kiimaq ümniika pong miishe mijaki haü.

Hawa Naga Bible 2001

⁶ Kvkaq Yehowa siyac rueq vhuingc rvhek laz maq mnoz kuex romz wvnc vtueq nawk palx htungx vlayx nuex seng yaq wvnuemz nvyx guyc sez yaq kvyuq mnoz lomx naungx vtueq pungx miq muex yaungx wvnc tuiux.

1 SAMUEL 10:6 Referencias Cruzadas

WEAWEA 11:17

Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 11:26

Welabi roqmiishi phongwa wenai, Eldad nai Medad ka tsangshiq piitiip niili khingkito. Tombutiip na kimak dea. Kiijaq tsangshiq piitiip na wenyi ka tsangnai khum na satkito. Krai mren, tsangnai kiimin shammibi ikhiishe siitranghoto.

WEAWEA 11:29

Kiijiishe Mosheq raq treto, “Ümniika ngi miitu shea chapa rai tlaü? Ngi raq kla Tatiwe raq apaiq wenyi ka asenginok tlotli ma kuq raü jaq ahea, raüta tsangshiq tarü raq shammibi kong ikha siitrangho raüjaq ahea riichang nguta tiima tiikang!”

Matthew 7:22

Phangthum Khapho Ranaiq na maiq pahea raq ngi nangnga, ‘Tatiwe loi, Tatiwe loi! Ümmang na naishiq raq Shiikeawe bomtsi chongkuq kai ihata! Kiimaq ümmang maq naishiq raq abi winji pahea jobaiq wan kai ihata. Kiimaq awang chang jaqsham pahea sham wan kai ihata!’ nguta mingu.

PHOWEBI 14:6

Tiihanghiiq miili, Tatiwe ningkun raq apaiq ka rom wanto. Raüta aningkun ka henghea riito. Krai mren, apaiq raq hangsi kaü ka chhechhise ikha ajaq maq lapho raüta kholam kholiiq panbaiqto. Shatmaq apaiq raq kra klotaq bom ka anyungwe ma chongmak dea riito.

PHOWEBI 15:14

Apaiq ka Lehi chela na saüwa kiitiishe, Philistainnok ka agilülü aju trang la apaiq phanü na jutrangto. Shatmaq tiihanghiiq miili Tatiwe ningkun raq ka rom wan raüta, apaiq ningkun ka henghea she riito. Krai mren, apaiq raq adü na ajaq nai akhum na akha raü thun ka wa na achaq railo ikhli panthit panbaiqto.

PHOWEBI 3:10

Tatiwe wenyi ka apaiq khum na kito, krai mren apaiq ka Israilnok khuthaq na wela ma jato. Othniel ka rekhatkai kito. Kiimaq Tatiwe raq apaiq ma Mesapotamia hokhamwe ka khat raüta tiitang kuqto.

1 SAMUEL 10:10

Krai mren, Saul nai ajaqshi se ka kra ranaiq niili Gibea chela niishe saü wanto. Kra akhing na shammibi kongshi raq Saul rai riihumto. Krai mren, tiihanghiiq miili she Shiikeawe asii wenyi raq Saul ka kun li rom wanto. Kiimaq Saul kiimin shammibi kong kra rai, adoq haha she, wiinum wiinea she, agilülü maq Shiikeawe shomnoq shammibi kong krai she doqsiq wandamto.

1 SAMUEL 10:9

Riita, ümtiikiiwa Saul raq Samuel rai kiim riiphea wantaq akhing kriijiili she, Shiikeawe raq Saul rilung ka tsan atsii thun kriika pong anye tingsang miishe klai kuq baiq wanto. Kiimaq Samuel raq apaiq ma bom chongkuqtaq thun ka kra ranaiq liipan niili kunli kupi wanto.

1 SAMUEL 11:6

Ümtiikiiwa Saul raq kra tsütsa ka taitaq, Shiikeawe wenyi raq apaiq ka romwanto. Krai mren, apaiq ka pinthum walüwa ikhiishe khiqkito.

1 SAMUEL 16:13

Kiijiishe Samuel raq olip tsai ka lam laüta Dawit khupo na aphutiim makki na nyukto. Tlothitli she Tatiwe wenyi raq Dawit khum ka rom wanto. Kiimaq kra ranaiq miiphat she wenyi ka Dawit rai siwanto. Raüta Samuel ka Rama chela na hali jang wan nongto.

1 SAMUEL 19:20

Krai mren Saul raq apaiq tlapkai maiq wiijam tiikito. Tsangshiq raq Samuel wokhong na siti shammibi thun ka Samuel rai awiinumsea nai agilülü asiitrang chhihoto. Kiijiishe Shiikeawe asii wenyi raq Saul sengikong kriimin rom wanto. Krai mren, tsangshiq min kiijaq wiimun wiinea she nai agi lülü she siitrang damto,