1 SAMUEL 10:5 - ASII LAKDAP Bible (BSI)

⁵ Kra laütiishe ümniika Gibea chela na Shiikeawe Hiqlam kiiniishe miwa haü. Kriijiika Philistainnok phenlabi piitiip asi miraq. Kra chela kilamchong na saü wan nini niishe, hiqlam na berong-wacha kiimaq aki, shammibi kongshi, phaqlamtoro, nong, paimin, kiimaq torokong thun kra tsüwa trang lam maq asatkai akai rai mirhum haü. Tsangshiq ka wiinum shewa, agi asiiwa trang la miraq.

Hawa Naga Bible 2001

⁵ Kvruex yimaq Philistin jerak httax yaq Gibea wawc Tishox Ghaqluimx nuex mnoz kaz wvnc tuiux. Kvkaq vnyuip juing kaluix nuex jok vnyamx torox, dram, lawxpawz nuiyc toloz htenc tuimz vtueq, ghaqluimx htauk nuex httax yaq shomrawx maq svt kaz yaq shvmmax kungshiz rulc mnoz rvhumc tuiux. Tsuinghez kuex wvnuemc wvnvyc maq guyc sez wuez yaq.

1 SAMUEL 10:5 Referencias Cruzadas

1 HOKHVMX 18:29

Akha tsangshiq ka ranaiq shethung shekham na saüli ragi hiqsii hoqsii trangto. Shatmaq tsangshiq achu jaü ka jurmin tre mak dea, achu jaü tre maiqbom maiqsa min ahü riito.

2 HOKHVMX 2:15

Jeriko wa aki shammibi roqbiingi kriiraq apaiq ka chhito. Raüta akha nguto, “Elija ningkun tu ka Elisha miishe kuqto!” Tsangshiq ka apaiq rai riihumkai kito. Raüta apaiq khaki na hiq na kurangrang raüta noqto.

2 HOKHVMX 2:3

Kiijaq siti shammibi kongshi asi. Tsangshiq ka Elisha phana wato. Raüta apaiq ma waito, “Tatiwe raq ümtijongwe ka ümpha wa athi ranaiq sheawan ngo ka asaphaü shea?” “Üm. Ngi raq asapha,” nguta Elisha raq treto. “Shatmaq kriika riichong maili.”

2 HOKHVMX 2:5

Kiijaq siti shammibi kongshi asi. Tsangshiq ka Elisha phana wato. Raüta apaiq ma waito, “Tatiwe raq ümtijongwe ka ümpha wa athi ranaiq sheawan ngo ka asaphaü shea?” “Üm. Ngi raq asapha,” nguta Elisha raq treto. “Shatmaq kriika riichong maili.”

2 HOKHVMX 2:7

Kiimaq shammibi roqbiingi raq tsangnai jai phan phan Jordan rai na saüli johoto. Elija nai Elisha ka Jordan rai niishe saüki raüta kiijaq heashi khingto. Kiimaq shammibi roqbiingi kiimin tsangnai jai na aje niili chapkito.

2 HOKHVMX 3:15

Riita ümchaü min paimin toro tsüngii atsinti shiwe ashi ngi phana sheaki rongkiq,” ngutiishe chongto. Kra shiwe raq apaiq hünongtoro kriishe tsüto. Kiijiishe Tatiwe ningkun ka Elisha khum niishe saükito.

2 HOKHVMX 4:38

Jangshi hali kra mung hamli na ram dongto. Kiimaq Elisha ka Gilgal chela na jang wanto. Apaiq raq shammibi kongshi ma shrinkerea akhing na, apaiq raq ajaqshise weshi ma tak ajong kaü ka wa na tiidalaq. Laüta tsangshiq miitu ngam nai weashaü ka takmong na pangshat maq lumlaq nguta thaüto.

2 HOKHVMX 6:1

Ranaiqshi Elisha wokhong na siti shammibi raq Elisha ma akha tiibotto, “Liilaq, nashiq sichang jam ka aranse, tsahea!

1 KAÜWA WERAÜ 11:16

Kra akhing na Dawit ka kra hiqlam na apaiq phenlabi raq kheshat peruk weshaü mong na riito. Kiimaq Philistainnok raq Bethlehem chela ka jiiwan raüta sito.

1 KAÜWA WERAÜ 13:8

Kiimaq Dawit nai mungmaiqse ka Shiikeawe shreng tsangshiq ningkun wiita maq wiinum shewa doqsiqto. Tsangshiq raq ashi ange kiimaq atsü angii chang phan phaqlamtoro, nong, süpseng, kiimaq lerong thun tsüsiqto.

1 KAÜWA WERAÜ 16:42

Heman nai Jeduthun miika paison lerong tsü wan nai süpseng tsü wan kiimaq laihin atsü angii chang phan hupsam tiitsamkam shinge akhing na langtlaq kriithun kra liiwan miitu min arang kuqto. Kiimaq Jeduthun weraü phan maiq sitlaq kra miika kilamchong thun kra khewan miitu sontri jaqsham arang kuqto.

1 KAÜWA WERAÜ 16:5

Asaph ka tsangshiq phong na asheati ma shongto. Kiimaq Jekeria ka apaiq jaq thüti ma shongto. Kiimaq Jeiel, Shemiramoth, Jehiel, Mattithia, Eliab, Benaia, Obed Edom, kiimaq Jeiel thun riika phaqlamtoro tsü miitu shongto. Asaph ka süpseng tsü miitu shongto.

Tvtsvmc 49:4

Itsantsii ka taksu bomtsi thun na mitiitsiha, lata kriithun liichum ka hünongtoro tsülam maq michongha.

Tvtsvmc 92:3

raü maq apaq atsüngii chang phan maq shishun wan kiimaq dang rihea hünongtoro tsü raüta.

1 Corinthians 14:1

Riita ikhiijiila, lungwii tsantsii maq singa kli namshiq tsan mong na arang chong ma tiija rong laq. Shiikeawe kongphiq ümchuwa sitlaq kra lap wan hai jiilei nguta tsantsii tiitsi rong laq. Kiimaq akhek ka Shiikeawe tsütsa chongke ningkun kongphiq kra lap haijaq nguta tiima ronglaq.

1 SAMUEL 10:10

Krai mren, Saul nai ajaqshi se ka kra ranaiq niili Gibea chela niishe saü wanto. Kra akhing na shammibi kongshi raq Saul rai riihumto. Krai mren, tiihanghiiq miili she Shiikeawe asii wenyi raq Saul ka kun li rom wanto. Kiimaq Saul kiimin shammibi kong kra rai, adoq haha she, wiinum wiinea she, agilülü maq Shiikeawe shomnoq shammibi kong krai she doqsiq wandamto.

1 SAMUEL 10:4

Tsangtsam raq ümniika mitao raüta winsii thop nai ka ümniima mikuq. Kriika ümniiraq mitao haü.

1 SAMUEL 13:2

Saul raq nolabi ka maiq hingtsam tseato. Kriiwa hingnai ka apaiq rai Mikmash kinchit na nai ku akin tonglong wang na Bethel chela na thüto. Raüta hingshi ka ase Jonathan rai Benjamin wang na Gibea chela kiina tiikito. Kriiwa chantlaq maiq thun ka Saul raq jam na tiiwa baiqto.

1 SAMUEL 13:3

Krai mren Jonathan raq Philistainnok phentu ajongwe ka Geba chela wa tsatto. Kra tsütsa ka Philistainnok tarü raq taito. Kiijiishe Saul raq Hibrunok ka rekhat kai miitu lerong tsü raüta Israil mung tlotli na tsasoqti thun tiiwato.

1 SAMUEL 19:20

Krai mren Saul raq apaiq tlapkai maiq wiijam tiikito. Tsangshiq raq Samuel wokhong na siti shammibi thun ka Samuel rai awiinumsea nai agilülü asiitrang chhihoto. Kiijiishe Shiikeawe asii wenyi raq Saul sengikong kriimin rom wanto. Krai mren, tsangshiq min kiijaq wiimun wiinea she nai agi lülü she siitrang damto,

1 SAMUEL 9:12

“Apaiq ka asi,” nguta jechaksere raq treto. “Apaiq ka ümchaü namnai ma sinkhu na wawan li tlo. Namnai ka kiimchii maq juju wawan hanla, apaiq ka milowan. Namnai ka chela mong na saüwan han jiila, apaiq ka kiijiili mihum han. Apaiq ka ümchaü ranaiqtiq chela na saükito. Jamkhano ngukla nokmaiqse raq hiqlam na berong-wacha kiijaq honglu mitaakuq. Kiijaq lomwadamti maiq tiiheatiiti thun raq, apaiq ka kiijaq misaü shaq wiiwii phaqsiq mak maq mikhe. Jamkhano ngukla apaiq raq ramkham maq tiibok chang miraq. Namnai ka ümchaü leaphok wawan hanla, apaiq ka hiqlam na phaqsea lomwa miwa wan shaq niili milo wan han.”