1 Peter 3:4 - ASII LAKDAP Bible (BSI)

⁴ Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

Hawa Naga Bible 2001

⁴ Kvkhoc ruec tvraung, miqmac vmungx wawc thuinz vmungx nuex seng yaq thuinz vnyenz layx ngoz yaq pattup svp rvp htauk kvyuq tv-phaungx wuez shuinz, kvkhoc svp rvp kuex Tishox khaungkac nuex pinhtumc vhtawz httaz hvlc rvtueq.

Muklom

⁴ Etharin nim shamqhal sha nim tin o ang ching, iri tinin nia tinmang shi nak cham thun aa, chammatakoi Shkewa miiksiin na ira ajong.

1 Peter 3:4 Referencias Cruzadas

Tvtsvmc 131:2

Kra la na ngi ka, polokhiq kiimaq sanglilihea sitiikang. Nonose anyung jaq na sanglili wetlaq ikha, itsan imongjii min sanglili sitlo.

Tvtsvmc 147:6

Apaiq raq wepuq weseti dopitlo, shatmaq abi kloti ka hiqrai shotbaiqtlo.

Tvtsvmc 149:4

Tatiwe ka asengi ma chochi; apaiq raq wepuq weseti ma tiitang kuqtlo.

Tvtsvmc 25:9

Apaiq raq sobsob bombomti ka riikhaqli lam na shunsheatlo kiimaq tsangshiq ma apaiq rotlaq kra shrin kuqtlo.

Tvtsvmc 45:13

Hokham nyung junriise ka hokham jam na apaiq ka pinthum tsomhea! Apaiq khea samtongjong kaü ka chaq rai maq ataq.

Tvtsvmc 51:6

Ümniiriika tingting kiimaq tengteng kli rittlaü; ikhutsai ka üm taksu tsii maq tiimakuqlaq.

ISAIA 11:4

Apaiq raq miitsan maiqse kha ka tingting miphokuq. Kiimaq ümkha ijasiqti maiqse arang ka mitiiwongkuq. Apaiq aming maq mungmaiqse ma mo mitiiho, krai mren abi maiqse thun ka mitsai.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

JEREMIA 51:59

Hokhamwe Jedekia apaiq pumsii jaqshi ka Seraia. Awe mang ka Neria kiimaq ati mang ka Mahseia. Jedekia ka Juda mung na hokham jawanli maq wiiblai she riito. Seraia ka Jedekia rai Bebilon mung na wawan damto. Kiimaq ngi raq apaiq ma tsii chongkuq kang.

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Matthew 23:26

Makchuk Phorisi loi! Among ka kongkhu tiisii hetse rong liina. Kra riihan jiitiq, kok nai tak apin thun ka akii kiimin asii she mija wan.”

Matthew 5:5

“Juwa saksi minmi sitlaq kriiti ma chochi; Shiikeawe kiqkham ka tsangshiq raq milap!”

Luke 11:40

Anginok loi! Shiikeawe riika akii thun tiiqlo wantaq kriika, among thun kriika tiiqlo mak dea ngutiisha tiima tlan?

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Romans 1:23

Thummak miq mak atra Shiikeawe ka shomnoq rii na, tsangshiq riika maiqse raq, jaq maq ahai hun, athumkai chang phan maiq sumla, wushi sumla, ngamsaü ngiqse sumla thun, kra khoti shomnoq tlo.

Romans 2:29

Shatmaq, riikhaqli Jehudinok phan maiqse dea nguta sitlaq kriika, ümriiti wa atsan among na, Jehudinok phan nguta sitlaqti kata. Kriika atsan among na atho ka hanje maq sitlaqti kra nangnga ngutlo. Riita, arka Shiikeawe Asii Wenyi jaqsham. Arka awaiq araq Thungtri jaqsham ka riimak. Riita, arti ka Shiikeawe raq shomra tlo. Maiqse riika shomra mak.

Romans 6:6

Kiimaq ümchaü sanha, nashiq raq asap i, nashiq khum wa ngarai rilung achü ka, Khristo rai adam na pumsongkham na atübaiq wan wishe. Raüta atsaikai kun she. Kriika nashiq han wa ngarai khum kra, shiithen baiq miitu tiiq baiq wanto. Krai mren, nashiq ka ngarai dise miika jawan raa mak she.

Romans 7:22

I tsan i mong jii riika, Shiikeawe thungtri kra lang la tiidea siha jaq nguta, lungwii siq tlo.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 4:16

Ara chongtiikai arkha maq tiina, nashiq ka ümtiikaq ranaiq jiimin, tsaiji tran mai phan. Nashiq han-ngam khum ara riiwe kla, ranaiq awea chaosusu maq ariim riiwan tlo. Shatmaq, nashiq wenyi khum arka, wranaiqtek anye ma jawan wan klai wantlo.

Galatians 5:23

sobsob bombom, kiimaq kai stiq skhaq raüta shonga rilung. Ara chong kai thun, Asii Wenyi raq maiqse rilung na, tiitsi kuq tlaq arka, abi nguta tiishut chang thungtri ka ahü she.

Ephesians 4:2

Namshiq ka ümchaü sanha, wranaiqshe tsan na aranse ma ja lanta, sobsob bombom maq, kiimaq phanrap na, tsankhun maq, khe lanta si rong laq. Namshiq liipan na, phunainobi ma lungwiitsii rüm tlan kriika, tsangshiq rai chapshi ngashi maq sitlan kriimaq, tiichhikuq ronglaq.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

Colossians 3:3

Ara jamkhano chongtiikai ngukla, namshiq ka tsaiki lan she. Namshiq rilung awongsii achhai anyii ka Jesuq pum na Shiikeawe raq apaü raüta thü tlo. Kriika ümchaü mitiichhi kuq shaqli. Kriika jai maq Jesuq apaiq rilung chhainyii rai adam miishetiq mitiichhikuq. Namshiq ka Shiikeawe wokhong na sitlan kha maq, ara chongtiikai arka tengteng.

1 Thessalonians 4:11

Ümchaü sanha, saksi minmi maq singa rilung kli she, maiqmii tsan mong na hang lanta, si ronglaq. Lanta, maiqmii raq jamlai minshiiq phaq chang wa sitlaq, kra shiiq lantli, wok phetak tak maq, shongnga ronglaq. Arka, naishiq raq man niimin, namshiq ma phanchan kuq kai.

2 Thessalonians 3:12

Tati Jesuq Khristo mang maq, kra roknin riishin kong haisiq tlaqti ma, naishiq raq ara aming tat tiikai ara ümtai laq. Raüta, tsangshiq ka, maiqmii minshiiq shiichaq raüta, howe minwe ma mija laq. Raüta, maiqmii rilung ka ahea wiq maq mitiidung hiq wan laq.

1 Timothy 2:2

Mangjong hiq na mung rümti, honyung hokhambi sitlaq kra miitu, kiimaq mung welabi, lüsi lüwabi ajong alabi ümchuwa sitlaq kra miitu, achu jaüke chang. Akha achu jaükuq tiikai arka, nashiq ka Shiikeawe shreng laita, awokhong na athuk atsom maq, khusang rakhang maq shongnga wan miitu jaütiikai.

2 Timothy 2:25

Apaiq riika, apaiq ngengsengti ma tsii chongkuq tlaq akhing niimin, tsan nin woknin maq chongke lili chang. Jamkhano ngukla, jursap, apaiq raq akha bomnin se maq trap ru chongkuq tlaq kra lümaq, lamjiq na kaihotibi ka, Shiikeawe raq tsangshiq tsantsii ka klai wan miitu, akhing ahea moke wan miraq. Raüta, tsangshiq raq tengman tlaq bomtsi ka mosap wan miraq.

Titus 3:2

Tsangshiq ma tsii ka chongkuq wanruq riilaq. Tsangshiq raq nanok mungmaiqse jumiimin abi bomke ka raa mak. Shatmaq, nanok tarü rai ari aram, kiimaq sobsob bombom maq si ronglaq.

James 1:21

Arkha maq, namshiq tarü raq, maiqmii tsan mong na abi, ashe ashi tiima tsantsii sitlaq kra, kiimaq abi ati rong arai sitlaq thun kra, wiita tsuqsaiqsaiq riilanta, arang chong maq ba lanta, phai baiq ronglaq. Lanta, Shiikeawe wokhong na, phaqchii nichii maq nyap wan lanta, si ronglaq. Lanta Shiikeawe raq, apaiq asii bomtsi lai namshiq mongjii na chhi jang wan tlaq kra, lang lanta si ronglaq. Kra bomtsi raq, namshiq rilung ka tiichhii wan raüta tiichhan chhi wan tlo.

1 Peter 1:23

Namshiq ma Awe ka Shiikeawe. Apaiq raq namshiq ma rilung anye she kuqto. Apaiq ka atsaiti riimak, shatmaq tsai mak phan. Kiimaq apaiq raq namshiq ma, apaiq bomtsi Tsütsa Ahea lümaq namshiq rilung anye kuqto. Asii bomtsi ka pattup atra siruq phan. Arka thenki mak phan.

1 Peter 3:15

Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”