1 Peter 3:3 - ASII LAKDAP Bible (BSI)

³ Namshiq raq namkhum ka tiitsom rom rea ma nguta, apan alan miirii ka sam lanta kiimaq araa ariq phan, chaq aseng, niti nai laktum thun maq tiimiikhiiq lanta, achan ana ka naq tiibainge rongkiq.

Hawa Naga Bible 2001

³ Nuimshiq shvmx svp rvp vtuinx kuex vtsec kox shvmx nuex yut yez tvsvp rvp svmc lvmx, kuimshawx lungsex maq kvmarc khak vtuinx, rvmuq ngoz ruiux khoz vkhvy maq kvsvp rax lvmx ngoz yaq phvnx kuex nauk shuimx kaz.

Muklom

³ Nim aa chamli sampey eq shamqhal angma takhi ching ang moq. Chamal kho aa khang wat, seng aa cha lik, etha ang moq ang ajo thangchan kho khat sam pey irimal rangkho o tatsumrang sha ang ching ang moq.

1 Peter 3:3 Referencias Cruzadas

RAPHA HIQWA LAK 24:22

Kriinyung raq ajaq sham ka lotto she angu na, kriiwe raq athii tsinhea phan chaq jaqtop ashi lamto. Raüta jechakse khü na tiipakuqto. Kiimaq ajaq na chaq jaqsin ajong jong wiq anai kriiri tiipa kuqto.

RAPHA HIQWA LAK 24:47

Kiimaq ngi raq apaiq ma waikang, ‘Riita ümwe ka juwa?’ Kiimaq apaiq raq treto, ‘Iwe ka Bethuel. Nahor nai Milka se.’ Kiijiishe ngi raq akhü na pachang jaqtop nai ajaq dang na pachang jaqsin thun kra tiipa kuq kang.

RAPHA HIQWA LAK 24:53

Raütiishe apaiq raq khea thun kiimaq kampho kiimaq chaq maq aklo laktum thun kriishe lamwa raüta Rebeka ma kuqto. Kiimaq apaiq raq aphu ma nai anyung ma athii tsinhea phan kongphiq thun kriishe kuqto.

2 HOKHVMX 9:30

Jehu ka Jejreel chela niishe saüto. Jejebel raq jamlai mra wa pintaq thun ka wiita ataiwishe riito. Raüta apaiq ka amakpo na atiimiikhiiq chang kiimaq tiijut jiito. Raüta akhu ka aheawiq thaito. Kiimaq hokham jam rathongti khok na chap raüta kitanpu maq chii heawea lam nü na liishat riito.

ESTHAR 5:1

Ranaiqtsam she angu na, Esthar ka hokhamnyung miirii maq tiimiito. Raüta hokhamwe ngachang khok mong kilam chong na chap wato. Hokhamwe ka khokmong na hokham ngacho jong na ngaraüta kilam chong nü na nyiraü riito.

Tvtsvmc 45:9

Ümhokham rung na ngatibi phong na hokhambi sere junriisetiim ngadamtlo, kiimaq ümhokham kho jaqtsi nü na hokham nyung chaptlo, chiisan chaqlak tum kaü lak raü.

DUNGWVNC 3:22

Israilnok nyungre loweatek raq apaiq jamthoti Ejip nyungre thun phana miki kiimaq apaiq jam na siti Ejip nyung sitlaq kra phana miki, raüta khu akhea kiimaq chaq kiimaq kampho laktum thun kra mijaü. Raüta Israilnok raq arthun laktum arka tsangsetiim maiqwe sere kiimaq jechakse re dangkong na mitlak. Raüta Ejip mung wa tachong wiira tsiiq tum thun kra wiita howan raüta milaü wan.

DUNGWVNC 32:2

Kiijiishe Aron raq tsangshiq ma nguto, “Chaq niti thun namchaktiim, namse maiqwe sere, kiimaq jechakse re ni na titlaq thun kra ana ngi ma lamkuq wan ronglaq.”

DUNGWVNC 33:4

Mungmaiqse raq ara tai raüta, tsangshiq ka makphai khüshang hoq trangto. Kiimaq chaq nai kampho laktum thun ka lak mak she riito.

DUNGWVNC 35:22

Maiq ümchu riiwa kewan lungwiitlaqti thun raq, jechak maiqwe tarü kunli raq, atiimiikhiiq na dat chang maiqchi thun, niti thun, jaqtop thun, laktum thun, kiimaq phanrap phanrii tsomhea chaq laktum thun kra lam wan raüta Tatiwe ma honglu na kiinong kuqto.

DUNGWVNC 38:8

Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

JEREMIA 2:32

Junrii nyung ashi raq laktum longseng maq ashaü kra milaqbaiq shea? Riimakla junrii nyung ajunwa akhing na ariihun miirii ka milaqbaiqlot shea? Shatmaq isenginok raq Ngi ka rahiq pahea awealot mai chang khan laqbaiqto.

JEREMIA 4:30

Jerusalem lei, ümniika miqlaü she! Jam nguto kheashii miirii maq tiimiikhiiq tlaü? Jam nguto longseng laktum lak tlaü, laüta ümmak na rong maq nyat tlaü? Ümkhum tiitsomrom rattlaü ka atuli! Ümkongtiwetiim raq ümniika miimbaiqto she, kiimaq tsangshiq raq ümniika atseabaiq tantlo.

EJEKIEL 23:40

“Tsangnai raq tiithongkiki maiq pongmung wa luheati kra tiihea wa kiimwebi ka tiiwato. Krai mren maiq ka kito. Kra sinyi nyungnai ka jüheto. Raüta tsangnai mak na tsiq maq nyatto. Raüta longseng laktum thun kra lakto.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

1 Peter 3:2

Namshiq raq tsangshiq shreng lanta, rong arai asii, kiimaq athuk atsom maq, shongnga tlan kra chhi raütli she, tsangshiq tsiitsii maq, Tsütsa Ahea ma mikam wan.