1 Peter 2:17 - ASII LAKDAP Bible (BSI)

¹⁷ Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

Hawa Naga Bible 2001

¹⁷ Miq lotlaz muex tvtsanc wuez shuinz, kvmluimx jix miqsaz htenc muex lungwawx wuez shuinz, Tishox muex nuiyc honoc hokhvmx muex tvtsanc nganc kuq shuinz.

Muklom

¹⁷ Thaji shi rangka inn, adak hantey miqtang ma tinmat shing inn, Shkewa ma cho inn, ajong lungwang shi rangka inn.

1 Peter 2:17 Referencias Cruzadas

RAPHA HIQWA LAK 20:11

Kiijiishe Abraham raq treto, “Ngi riika arjiika Shiikeawe shrengti maiq ka ahü sham nguta tiima kang. Kra ningkhan tsangshiq raq ichak kra nyeaho kham ma ngi ka atsea mirbaiq sham nguta tiimakang.

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

RAPHA HIQWA LAK 42:18

Ranaiq tsam jai miishe, Joseph raq tsangshiq ma chongto, “Ngi ka Shiikeawe ma haiti. Kra ningkhan ngi raq namshiq ka bom poshi khu thaq na seng lata mitiidongha.

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

Tvtsvmc 111:10

Taksu ma jawan lam ka Tati shrengkli; apaiq aming thun langtibi ma apaiq raq riikhaqli tri sham phaqchi kuqtlo. Apaiq ka pattup pat-sa tiitsam chang.

DUNGWVNC 20:12

“Ümwe nai ümnyung ka shrenglaq. Kra riihaüla ümniika Ngi raq kuq tiikang mung kiijaq rilung luhea misihaü.

TAKSU LAK 1:7

Tatiwe ma haisong tsantsii thüwan kata, anyan phaqchi tsin wan kilamchong. Angi nolakong raq taksu bomtsi ka ashipoq riitlo, hon atsii chhiwan lungwii mak riitlo.

TAKSU LAK 23:17

Ngarai maiqse ka naqshukiq, rilung pattup Tatiwe ma, shreng manto tsantsii kli thülaq.

TAKSU LAK 24:21

Ise lei, Tatiwe ka shrenglaq. Kiimaq hokhamwe ma manto laq. Tsangnai kiqkhiiti rai, naq riikongkiq.

THARC TVLUINGC 8:2

Hokham aming ka lang laq. Shiikeawe man na taü laükhiq kiq naqkhamkiq.

LEWI 19:32

“Nyungwere ma kai anato ronglaq. Kiimaq tsangshiq ka pinthum shreng ronglaq. Ngi ka kai shreng lanta Ngi aming ka lang ronglaq. Ngi ka Tatiwe.

JEKERIA 11:14

Kra latiishe, ngi raq nyeakii anai ngoja “Aram ari” ngutlaq kiiti kriishe ngoqbaiq kang. Krai mren, Juda nai Israil mungti liipan na aram ari hon atsii ka tiibunlak she thenkito.

Matthew 22:21

Kiijiishe, “Hokham we mang,” nguta tsangshiq raq treto. Kiijiishe, “Riita ikhiijiika Hokham we rii ka Hokham we ma kuq rong liina. Kiimaq Shiikeawe rii ka Shiikeawe ma kuq rong liina,” nguta Jesuq raq tsangshiq bom ka treto.

John 13:35

Namshiq liipan na, riimang riichan maq singa wan lili riihan jiila, nanok tarü raq, namshiq ka i jaqshisetiim dea nguta misap.”

Romans 12:10

Phungmaiqse ka jamkhii riilungwii raüta siwan chang wa, kiikha riilungwii lanta shongnga ronglaq. Kiimaq ashi raq ashi ka shreng lanta si ronglaq.

Romans 13:7

Arkha maq, namshiq raq jamlai phan phunta kechang wa sitlaq, kra kuq rong laq. Pumsii miitu phunta, kiimaq tachong hupsam phunta jamlai wa ake chang asi, kra wiita kuq ronglaq. Kiimaq tsangshiq tarü ma, shreng manto tiichhi, shiipan pin ka kewan chang, kra wiita khum khum klo ronglaq.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Ephesians 5:21

Khristo ma anato lanta sitlan krai mren, namshiq liipan niimin ashi ka ashi wokhong na nyap lanta, riilam riilam maq shongnga ronglaq.

Philippians 2:3

Ümchaü sanha, maiqmii mang jong tiima lanta, jamlai phan min naq kiimung rongkiq she. Kiimaq maiqmii kiidea ajong ala nguta tiima lanta, jamlai phan min naq sham rongkiq she. Shatmaq, maiqmii ka aranse ma ja lanta, nanok ka maiqmii ma maiqla lin, asap atsin lin nguta, tiima lanta si ronglaq.

1 Timothy 6:1

Maiqdisetiim phong wa, juwa Phung niishe shangtaq, tsangshiq raq tsangtijong wetiim thatsang maiqse sitlaq kra, kai shreng raüta, tsangshiq wokhong na siwan raa tlo. Akha si raüla, jurmin Shiikeawe ka abi nguta abi bom mak miraq. Kiimaq Phungmaiqse raq Shiikeawe lam phan tlaq kra shulii mak miraq.

Hebrews 13:1

Phungmaiqsetiim phunainobi rai, riilung riiwii maq shongnga ronglaq.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

1 Peter 2:13

Namshiq ka Tatiwe mang maq, mangjong hiq na ajong alabi sitlaq wokhong na sirong laq. Wiitarü mung khuthaq na Hokham we sitlaq kra, aming wokhong na sirong laq.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”