1 Peter 2:16 - ASII LAKDAP Bible (BSI)

¹⁶ Namshiq ka ümchaü sanha wasetiim she. Wasetiim simaq sirong laq. Wase rilung kriika ajiq jaqsham miitu akuq riimak. Namshiq ka Shiikeawe sengi, apaiq wokhong na siti nguta athuk atsom maq sirong laq.

Hawa Naga Bible 2001

¹⁶ Nuimshiq kuex dungc wvnc yoalx miq ikhoc httax wuez kuinz, yuq muinz honc vbac lvmx kuex puingc gay muex nuimshiq dungc wvnc yoalx kuex nauk shuimx kaz, nuimshiq kuex Tishox dax hez ikhoc httax ngaungc wuez kuinz.

Muklom

¹⁶ Nim ni nim shi achak miqtang mal tong inn etharin iri achak ri jashit sha hop rangma nak shing inn, nim ni nim shi Shkewa qha tang ta tathin eq tong inn.

1 Peter 2:16 Referencias Cruzadas

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

John 15:22

Ngi ka ara mangjong hiq na saüki mang dea ngu raü jiika, kiimaq trahokuq kimang dea ngu raü jiika, tsangshiq tiishut chang lam ka ahü mirwa. Shatmaq, ümchaü sanha, ngi ka saüki lata, tsangshiq ma trahokuq wan kang she. Kriikha maq, tsangshiq ngarai bu howan tlaq kra miitu, tsangshiq raq maiqmii khum tiikhe kiqkhii chang lamlu ka ahü she.

Romans 6:18

Ümchaü, namshiq ka ngarai kharü mong wa daa wanto she. Raüta, athuk atsom jaqsham wanti, Shiikeawe disetiim miishe tiija wanto.

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

1 Corinthians 7:22

Ara jamkhano chongtiikang ngukla, ümriiti wa maiq dise ma ja liipan bala, Tati Jesuq Khristo raq hea wan tlaq, apaiq ka TATIWE wokhong na aki miikiim se she jawan tlo. Kiikhiisii hali, juwa aki miikiim se sitlaq liipan na Khristo raq hea wantaq, apaiq ka Khristo dise miishe jawan tlo.

Galatians 5:1

Nashiq ka wasetiim she nguta sitiikai. Khristo raq nashiq ka, kharü mong wa adaa wan kun she! Riita, krai mren, ümchaü sanha, namshiq ka wasetiim nguta, mongngam maq, tok ka ra na doshat miishe si rong laq. Namshiq ka thongshi ri hali, maiqdi kong ma, naqja kinong rongkiq she.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Ephesians 6:6

Namshiq raq namtijong wetiim ma jaqshamke ka tsangshiq makki niili, tsangshiq raq namshiq ka maiqshaq dea mingu laq ngutiika naq sham rongkiq. Shatmaq namshiq ka Khristo disetiim nguta tsan na tiima lanta, Shiikeawe tsan tiiheali chang, tsantsii wiita kiinong kuq lanta, namtijong wetiim kra shiili ronglaq.

Colossians 3:24

Namtsan na tiitsang shat maq sirong laq, Tatiwe raq apaiq sengi ma ke ma jamlai poksi wa thü tlaq, kiiwa namshiq miimin mikuq. Ara jamkhano chongtiikang ngukla, ümchaü namshiq raq shiili tlan kriika, riikhaqli nam Tijongwe Jesuq Khristo kli shiili tlan.

1 Thessalonians 2:5

Namshiq riimin la ahea wiq asap han she. Man na naishiq namshiq phana wakai akhing na, namshiq ma tiishi tiinyea manphan ka chongkuq mai. Kiimaq naishiq raq, naishiq maiqmii sükha tsii thü laita min, chongkuq mai! Naishiq tsantsii shinti we ka Shiikeawe asi!

James 1:25

Shatmaq, Tsütsa Ahea ka, Shiikeawe raq maiqse ma akuq minhap thungtri raütu. Ara minhap tri raütu raq, ngarai maiqse ka, kharü mong wa daa wan tlo. Jurwa ara tri raütu na jamlai wa chongtlaq kra thun ka, tiitho tiipha sidi raüta, liichum kra thusi tlaq, raüta laq mak phan maq, tsan na thü raüta, ranaiqtek lang tlaq, Shiikeawe raq apaiq ma phanrap na achu shiiman mikuq.

James 2:12

Arningkhan, namshiq raq nanok rai riibom nyiim tao wan tlan akhing na, kiimaq nanok rai phanrap jaqsham tlan akhing na, athuk atsom maq sichang. Shiikeawe raq nashiq kha ka ngarai maiqse tiichhii wan chang Tsütsa Ahea tri maq shin raüta mipho kuq.

2 Peter 2:19

Ara arot shrabi raq, nokwe ma, wenyi na wase ma jawan lam chongkuq tlo. Shatmiitiq tsangshiq maiqmii riiwe ka ngarai rong arai kharü mong niili sitlo. Maiqse ngutlaq kriika apaiq raq ju bom wa taitlaq, kriiwe dise miishe jaki tlo. Jurwa ngarai rong arai kharü mong na sitlaq, kriika ngarai dise.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.