Tshenolo 17:1 - BIBELE

¹ Jwale ha tla le leng la mangeloi a supileng a nkileng mafiswana a supileng, la bua le nna, la re: “Tloo, ke o bontshe kahlolo ya seotswa se seholo, se ahileng lebopong la lewatle,

Sesotho 1909/1961 (SO)

¹ Yaba lengeloi le leng la a supileng a tshwereng dinkgo tse supileng, le tla ho nna, la re: Tloo, ke o bontshe kahlolo ya seotswa se seholo, se dutseng hodima metsi a mangata;

Baasraak Sotho NT

¹ Yaba e mong wa mangeloi a supileng a tshwereng dinkgo tse supileng a tla, a bua le nna, a re: Tloo kwano; Ke tla o bontsha kahlolo ya seotswa se seholo, se dutseng hodima metsi a mangata;

Contemporary Southern Sotho Bible 2024

¹ Yaba e mong wa mangeloi a supileng a tshwereng dinkgo tse supileng a tla, a bua le nna, a re: Tloo kwano; Ke tla o bontsha kahlolo ya seotswa se seholo, se dutseng hodima metsi a mangata;

Tshenolo 17:1 Referencias Cruzadas

Isaia 1:21

Motse o tshepahalang o fetohile seotswa se jwang! Pele o ne o tletse toka, ho loka ho ahile hara wona, empa jwale o tletse babolai.

Isaia 57:3

“Lona bana ba baloi atamelang mona, le lona bana ba difebe, le lona ba diotswa!

Jeremia 2:20

“Joko ya hao ke kgale o no e robe, marapo a yona wona wa a kgaola, wa re: ‘ha ke sa tla ba lekgoba la hao!’ Yaba o hlwella hodima maralla, tlasa difate tse talana wa lelera, wa paqama fatshe ho etsa bootswa.

Jeremia 51:13

Wena ya ahileng pela dinoka tse kgolo, wena ya nang le matlotlo a le mangata, pheletso ya hao kajeno e se fihlile, nako ya bophelo ba hao e se fedile.

Ezekiele 31:4

E ne e nwesetswa ke metsi a mangata, didiba tse ka fatshe tsa e hodisa haholo, metsi a tsona a phalla ho pota kutu ya yona, makalana a tsona a nwesetsa difate tsohle.

Luka 24:32

Ba botsana, ba re: “Ana pelo tsa rona di ne di sa tjhese ka ho rona ha a bua le rona tseleng, a ntse a re hlalosetsa Mangolo na?”

Luka 9:30

Bonang, banna ba babedi, bao e neng e le Moshe le Elia, ba ne ba buisana le yena,

Tshenolo 1:1

Tsena ke tseo Jesu Kreste a re senoletseng tsona, a di neilwe ke Modimo, hore a tle a bontshe bahlanka ba hae tse tshwanelang ho etsahala haufinyane. Kreste o ile a di tsebisa mohlanka wa hae Johanne, ka ho mo romela lengeloi.

Tshenolo 15:1

Jwale lehodimong ka bona pontsho e nngwe e kgolo, e makatsang: mangeloi a supileng a nkileng dikotlo tse supileng tsa ho qetela, tse tla phethahatsa kgalefo ya Modimo.

Tshenolo 16:19

Motse o moholo wa aroha dikoto tse tharo, mme metse ya baditjhaba ya wa. Modimo a hopola Babilona e kgolo, a e nwesa senwelo sa jwala ba kgalefo ya hae e tukang.

Tshenolo 18:1

Kamorao ho tsena ka bona lengeloi le leng le theoha lehodimong. Le ne le ena le matla a maholo, mme tlotla ya lona ya bonesetsa lefatshe lohle.

Tshenolo 19:2

hobane dikahlolo tsa hae ke tsa nnete, di lokile. O ahlotse seotswa se seholo, se sentseng lefatshe ka bootswa ba sona, mme a lefeletsa madi a bahlanka ba hae ka sona.”

Tshenolo 19:9

Yaba lengeloi le re ho nna: “Ngola. Ho lehlohonolo ba memetsweng moketeng wa dijo wa lenyalo la Konyana.” La nto re: “Tsena ke dipolelo tsa Modimo tsa sebele.”

Tshenolo 21:15

Lengeloi le neng le bua le nna le ne le tshwere leqala la kgauta le methang, le tle le methe motse, le dikgoro tsa wona, le lerako la wona.

Tshenolo 21:9

Jwale le leng la mangeloi a supileng a nkileng mafiswana a supileng, a tletseng dikotlo tse supileng tsa qetello, la tla, la bua le nna, la re: “Tloo, ke o bontshe monyaduwa, mohatsa Konyana.”

Tshenolo 4:1

Kamorao ho tsena ka tadima, mme ka bona monyako o butsweng lehodimong. Lentswe lane la pele, le neng le bua le nna, le ka modumo wa terompeta, ka utlwa le re: “Nyolohela kwano, mme ke tla o bontsha tse tshwanetseng ho etsahala kamorao ho tsena.”