Numere 27:16 - BIBELE

¹⁶ “Morena Modimo wa meya yohle, le wa batho bohle, a ke a kgethele setjhaba sena monna,

Sesotho 1909/1961 (SO)

¹⁶ Jehova, Modimo wa meya ya nama yohle, a ke a bee hodima phutheho monna

Numere 27:16 Referencias Cruzadas

1 Marena 5:5

Ka baka leo, ke hopola ho hahela Morena Modimo wa ka ntlo, jwalokaha Morena a ile a bua ho Davida, ntate, a re: ‘Mora wa hao, eo ke tla mmea teroneng ya hao ho o hlahlama, ke yena ya tla nkgahela ntlo.’

2 Marena 11:8

Le tla teela kgosi hare, motho le motho a tshwere dihlomo tsa hae. Ya tla leka ho le phunyeletsa a bolawe! Le be le kgosi hohle moo e yang teng.”

Moeklesia 12:7

lerole le eso busetswe leroleng, moya o kgutlela ho Modimo, Mofani wa wona.

Jeremia 3:15

Ke tla le nea babusi ba tla ntlhompha, ba tla le tsamaisa ka tsebo le ka kutlwisiso.”

Jeremia 32:27

“Bona mona, ke nna Morena Modimo wa batho bohle; na ho teng se ka ntshitang?

Jeremia 38:16

Kgosi Sedekiya a hlapanyetsa Jeremia ka lekunutu, a re: “Ka Morena ya phelang, ya re neileng bophelo, nke ke ka o bolaya kapa ka neelana ka wena matsohong a banna bana ba batlang ho o bolaya.”

Ezekiele 18:4

Bonang mona, motho e mong le e mong ke wa ka; ntata le yena mora, bobedi ba bona ke ba ka. Motho ya etsang sebe o tla shwa!

Ezekiele 34:23

Ke tla di nea modisa a le mong, e leng mohlanka wa ka Davida; o tla di alosa, a di fepe, e be modisa wa tsona.

Ezekiele 37:24

“ ‘Mohlanka wa ka Davida e tla ba kgosi ya bona. Ba tla ba le modisa a le mong feela, ba tsamaye ka melao ya ka, ba boloke ditaelo tsa ka, ba di phethe.

Numere 16:22

Yaba Moshe le Arone ba itihela fatshe ka difahleho, ba re: “Oho, Modimo, Modimo wa meya ya batho bohle, na o ka halefela setjhaba see sohle ka baka la sebe sa motho a le mong?”

Numere 27:15

Moshe a bua ho Morena, a re:

Mattheu 9:38

ka baka leo, rapelang monga kotulo hore a romele basebetsi kotulong ya hae.”

Johanne 10:11

“Ke nna modisa ya molemo. Modisa ya molemo o tella dinku tsa hae bophelo ba hae.

Diketso 20:28

Itlhokomeleng, le hlokomele le mohlape wohle, oo Moya o Halalelang o le beileng balebedi ba wona, hore le alose kereke ya Modimo, eo a iphumanetseng yona ka madi a Mora wa hae.

Deuteronoma 31:14

Morena a re ho Moshe: “Bona, matsatsi a ho shwa ha hao a ntse a atamela. Bitsa Joshua, o tle le yena ka Tenteng ya Morena, mme ke tla mo nea taelo.” Bo-Moshe le Joshua ba ya, ba kena ka Tenteng ya Morena.

BaHebheru 12:9

Hapehape re bile le bo-ntata rona ba lefatshe, ba ileng ba re kgalemela, mme ra ba hlompha; na jwale ha re lokele ho ikokobeletsa Ntata rona wa moya ka ho fetisisa, re tle re phele?

1 Samuele 12:13

Jwale, ka baka leo, bonang kgosi eo le ikgethetseng yona, eo le ikopetseng yona; Morena o le neile yona.