Mattheu 27:52 - BIBELE

⁵² mabitla a buleha, ditopo tsa bahalaledi ba bangata ba ithobaletseng tsa tsoha;

Sesotho 1909/1961 (SO)

⁵² mabitla a buleha, le ditopo tse ngata tsa bahalaledi ba robetseng tsa tsoha.

Baasraak Sotho NT

⁵² Mabitla a buleha; mme mebele e mengata ya bahalaledi ba robetseng ya tsoha;

Contemporary Southern Sotho Bible 2024

⁵² Mabitla a buleha; mme mebele e mengata ya bahalaledi ba robetseng ya tsoha;

Mattheu 27:52 Referencias Cruzadas

2 Marena 13:21

Ka tsatsi le leng, batho ba ne ba epela setopo, mme ba bona lebothwana la bahlabani. Ba akgela setopo ka lebitleng la Elisha, ba baleha. Ha setopo se thetsa masapo a Elisha, sa tsoha, motho eo a ema ka maoto a hae.

Isaia 25:8

Morena Modimo o tla fedisa lefu, le felle ruri, a hlakole meokgo fahlehong tsa batho bohle, a tlose dihlong tjhabeng sa hae fatsheng lohle, hobane Morena o buile jwalo.

Isaia 26:19

Bafu ba lona ba tla boela ba phele, ditopo tsa bona di tla boela di tsoha. Lona ba phelang leroleng, tsohang le bine; kahobane phoka ya hao e tshwana le phoka ya hoseng, fatshe le tla boela le tsosa bafu ba lona.

Daniele 12:2

Ba bangata ba seng ba shwele ba tla boela ba tsoha: Ba bang ba tsohele bophelo ba kamehla yohle, ba bang ba tsohele hore ba hlajwe ke dihlong, ba nyedisehe kamehla yohle.

Hosea 13:14

“Na nka ba phemisa, ka ba phemisa Nqalo ya Bafu? Na nka ba lopolla tleneng tse lefu? wena lefu, lokisa mahloko a hao! Wena lebitla, tjhorisa motsu wa hao! Ha ke na ho ba le kutlwelobohloko!

Johanne 11:11

A bolela ditaba tsena, mme kamorao ho moo a re ho bona: “Lasaro, motswalle wa rona, o robetse, empa ke a ya, hore ke tle ke mo tsose.”

Diketso 7:60

Yaba o a kgumama, o howa ka lentswe le phahameng, o re: “Morena, o se ke wa ba balla sebe sena.” Hoba a rialo, a ithoballa.

1 Bakorinthe 11:30

Ke ka baka leo ho nang le ba bangata hara lona, ba kulang le ba fokolang, mme ba bangata ba se ba shwele.

1 Bakorinthe 15:20

Empa Kreste o fela a tsohile bafung, mme ke yena letsibolo la ba shweleng.

1 Bakorinthe 15:51

Mamelang, ke le bolelle sephiri: Ha re na ho shwa kaofela, empa kaofela re tla fetoha,

1 BaThesalonika 4:14

Haeba re dumela hore Jesu o ile a shwa, a ba a tsoha bafung, le ba ithobaletseng ho Jesu, Modimo o tla ba tsosa bafung jwaloka Jesu.

1 BaThesalonika 5:10

ya re shwetseng, e le hore, leha re fadimehile kapa re robetse, re tle re phele mmoho le yena.