Mattheu 27:52 - Sesotho 1909/1961 (SO)

⁵² mabitla a buleha, le ditopo tse ngata tsa bahalaledi ba robetseng tsa tsoha.

BIBELE

⁵² mabitla a buleha, ditopo tsa bahalaledi ba bangata ba ithobaletseng tsa tsoha;

Baasraak Sotho NT

⁵² Mabitla a buleha; mme mebele e mengata ya bahalaledi ba robetseng ya tsoha;

Contemporary Southern Sotho Bible 2024

⁵² Mabitla a buleha; mme mebele e mengata ya bahalaledi ba robetseng ya tsoha;

Mattheu 27:52 Referencias Cruzadas

2 Marena 13:21

Eitse mohlomong, ha ho patwa mofu, ba bona ho hlaha sehlopha. Ebile ba lahlela mofu lebitleng la Elisha, mme mofu ha a thetsa masapo a Elisha, yaba o boela a phela, a tsoha, a ema ka maoto.

Isaia 25:8

O tla fedisa lefu ka ho sa yeng kae; Morena Jehova o tla fedisa meokgo difahlehong tsohle, a fedise sekgobo sa setjhaba sa hae lefatsheng lohle, hobane Jehova o boletse.

Isaia 26:19

Bafu ba hao a ba ke ba boele ba utlwe; ditopo tsa ka a di ke di tsoswe! Tsohang, lona ba robetseng leroleng, le thabe, hobane phoka ya hao ke phoka e medisang, mme lefatshe le tla ntsha bafu ba ho lona.

Daniele 12:2

Ba bangata ho ba robetseng leroleng la lefatshe ba tla tsoha, ba bang ba tsohele bophelo bo sa feleng, ba bang ba tsohele dihlong le sekgobo se sa feleng.

Hosea 13:14

Na ke tla ba lopolla matleng a nqalo ya bafu, ke ba namolele lefung? Wena lefu, mahloko a hao a kae? Wena nqalo ya bafu, tshenyeho ya hao e kae? Ha ke bone kamoo nka fetohang tabeng eo kateng.

Johanne 11:11

Eitse hobane a bolele tseo, a re ho bona: Lasaro, motswalle wa rona, o robetse; empa ke ya mo tsosa borokong.

Diketso 7:60

A ntoo kgumama, a howa ka lentswe le leholo, a re: Morena, o se ke wa ba balla sebe sena! Yare ha a buile jwalo, a ithoballa.

1 Bakorinthe 11:30

Ke ka baka leo ho nang le ba bangata ba fokolang, le ba kulang hara lona; mme ba bangata ba se ba bile ba shwele.

1 Bakorinthe 15:20

Tjhe, empa Kreste o tsohile bafung, mme o beilwe thakangwaha ya ba robetseng.

1 Bakorinthe 15:51

Bonang, ke le bolella sephiri: ha re ka ke ra robala bohle, empa re tla fetoha bohle,

1 BaThesalonika 4:14

Hobane ha re dumetse hoba Jesu o kile a shwa, a ba a tsoha, le hona re tshwanetse ho dumela hoba ba ithobaletseng, Modimo o tla ba tsosa ka Jesu, mme o ba hlahise le yena.

1 BaThesalonika 5:10

ya re shwetseng, hore, leha re fadimeha, leha re robetse, re phelele mahong le yena.