Mattheu 26:25 - BIBELE

²⁵ Judase, e leng yena ya mo ekang, a bua, a re: “Na ke nna, Moruti?” A re ho yena: “O boletse teng!”

Sesotho 1909/1961 (SO)

²⁵ Judase, e leng yena ya mo ekang, a araba, a re: Na ke nna, Rabbi? Jesu a re ho yena: O boletse teng.

Baasraak Sotho NT

²⁵ Yaba Judase ya mo ekang, a araba, a re: Na ke nna, Rabbi? A re ho yena: O boletse.

Contemporary Southern Sotho Bible 2024

²⁵ Yaba Judase ya mo ekang, a araba, a re: Na ke nna, Rabbi? A re ho yena: O boletse.

Mattheu 26:25 Referencias Cruzadas

2 Marena 5:25

Gehasi a kena ka tlung, a ema kapele ho monga hae. Elisha a re ho yena: “O tswa kae Gehasi?” Gehasi a re: “Ha ho moo mohlanka wa hao a kileng a ya teng.”

Diproverbia 30:20

“Mokgwa wa mosadi wa sefebe, ke mokgwa o tjena: O a ja, ebe o a itlhakola, o re: ‘Nna ha ke a etsa letho le kgopo.’

Mattheu 23:7

le ho dumediswa mabaleng a metse, le ho bitswa ‘Moruti’ ke batho.

Mattheu 23:8

“Empa lona le se ke la bitswa ‘Moruti,’ hobane le na le Moruti a le mong, mme bohle le bana ba motho.

Mattheu 26:14

Yaba e mong wa ba leshome le metso e mmedi, ya bitswang Judase Isekariota o ya ho baprista ba baholo,

Mattheu 26:49

A ba sa toba ho Jesu, a re: “E, Moruti!” Yaba o a mo aka.

Mattheu 26:64

Jesu a re: “Wena o rialo. Empa ke a le bolella, ke re: “Ho tloha jwale le tla bona Mora Motho a dutse letsohong le letona la Ya Matla, mme a etla a le hodima maru a lehodimo.”

Mattheu 27:11

Jwale Jesu a emiswa pela mmusisi; mmusisi a mmotsa, a re: “Na o kgosi ya Bajuda?” Jesu a re: “Wena o rialo.”

Luka 22:70

Jwale bohle ba re: “Ha ho le jwalo, na o Mora wa Modimo?” Yena a re ho bona: “Le a bolela, ke yena.”

Johanne 18:37

Yaba Pilato o re ho yena: “Ha ho le jwalo, na o fela o le kgosi?” Jesu a araba, a re: “Ke wena o reng ke kgosi. Seo ke se tswaletsweng, le seo ke se tletseng lefatsheng, ke hore ke pake nnete. Mang le mang eo e leng wa nnete o utlwa lentswe la ka.”

Johanne 4:31

Barutuwa ba sala ba mo kopa, ba re: “Rabbi, ako je.”