Mattheu 23:27 - BIBELE

²⁷ “Le madimabe lona Ditsebi tsa Molao le Bafarisi, baikaketsi ting! Le jwaloka mabitla a kwetlisitsweng, a tadimehang a kgahleha kantle, empa kahare a tletse masapo a bafu le dibodu tsohle.

Sesotho 1909/1961 (SO)

²⁷ Ho madimabe lona, bangodi le bafarisi, baikaketsi! hobane le jwaloka mabitla a kwetlisitsweng, a nang le ponahalo e ntle kantle, kanthebo, kahare, a tletse masapo a bafu le ho bola hohle.

Baasraak Sotho NT

²⁷ Ho madimabe lona, bangodi le bafarisi, baikaketsi! hobane le jwaloka mabitla a sweufaditsweng, a bonahalang a le matle kantle, empa kahare a tletse masapo a bafu le ditshila tsohle.

Contemporary Southern Sotho Bible 2024

²⁷ Ho madimabe lona, bangodi le bafarisi, baikaketsi! hobane le jwaloka mabitla a sweufaditsweng, a bonahalang a le matle kantle, empa kahare a tletse masapo a bafu le ditshila tsohle.

Mattheu 23:27 Referencias Cruzadas

Diproverbia 26:23

Motho ya leme le monate a le pelo e mpe, o jwaloka pitsa ya letsopa e homilweng ka manya a silefera.

Numere 19:16

“Mang kapa mang ya amang setopo sa motho ya bolailweng ka sabole kwana naheng, kapa setopo sa ya itjhweletseng feela, kapa lesapo la motho ya shweleng, kapa lebitla, o tla ba sesila ka matsatsi a supileng.

Mattheu 23:28

Le lona le jwalo: kantle le tadimeha le lokile, athe kahare le tletse boikaketsi le bokgopo.

Luka 11:44

“Le madimabe, hobane le tshwana le mabitla a sa bonahaleng, ao batho ba tsamayang hodima wona ba sa a lemohe.”

Diketso 23:3

Jwale Paulosi a re ho yena: “Moikaketsi towe! Modimo o tla o otla! O dutse mono hore o nkahlole ka Molao, empa o fapana le Molao, o laela hore ke otlwe.”

Bagalata 6:12

Bohle ba ratang ho kgahleha ho tsa botho, ke bona ba le qobellang hore le bolle, e le hore ba tle ba pheme ho hlorisetswa sefapano sa Kreste.