Luka 8:21 - BIBELE

²¹ Empa a ba araba, a re: “Bao e leng mme le bana beso, ke ba utlwang, ba phethang lentswe la Modimo.”

Sesotho 1909/1961 (SO)

²¹ Empa a araba, a re ho bona: Mme le banabeso ke ba utlwang lentswe la Modimo, ba etsang ka lona.

Baasraak Sotho NT

²¹ A araba, a re ho bona: Mme le banabeso ke bana ba utlwang lentswe la Modimo, mme ba le phetha.

Contemporary Southern Sotho Bible 2024

²¹ A araba, a re ho bona: Mme le banabeso ke bana ba utlwang lentswe la Modimo, mme ba le phetha.

Luka 8:21 Referencias Cruzadas

Mattheu 17:5

Yare a sa bua, leru le kganyang la ba kgurumetsa, lentswe la tswa lerung, la re: “Enwa ke Mora wa ka eo ke mo ratang, ya nkgahlang; mo mameleng.”

Mattheu 25:40

“Kgosi e tla ba araba, e re: ‘Ruri ke a le bolella, seo le se etseditseng e mong wa bao ba banyenyane ho bana beso, le se etseditse nna.’

Mattheu 25:45

“O tla ba araba, a re: ‘Ruri ke a le bolella, seo le sa kang la se etsetsa e mong wa ba banyenyane bana, le nna ha le a nketsetsa sona.’

Mattheu 28:10

Yaba Jesu o re ho bona: “Se tshabeng, eyang le tsebise bana beso hore ba ye Galelea, mme ba tla mpona teng.”

Luka 8:15

Athe e mobung o motle, ke ba utlwang lentswe, ba le kgomarele ka pelo ya sebele, e molemo, ba behe ditholwana ka mamello.”

Luka 8:20

A tsebiswa, ha thwe: “Mmao le bana beno ba eme kantle, ba rata ho o bona.”

Johanne 13:17

Ha le tseba tsena, le lehlohonolo ha le ka di etsa.

Johanne 20:17

Jesu a re ho yena: “O se ke wa ntshwara, hobane ha ke eso nyolohele ho Ntate, empa eya ho bana beso, mme o ba bolelle, o re: ‘Ke nyolohela ho Ntate, le Ntata lona, Modimo wa ka, le Modimo wa lona!’ ”

2 Bakorinthe 5:16

Ha ho le jwalo, ha re sa tseba mang kapa mang ka mokgwa wa botho. Le haeba re ile ra tseba Kreste ka mokgwa wa botho, kajeno ha re sa mo tseba jwalo.

2 Bakorinthe 6:18

Ke tla ba ntata lona, mme le tla ba bara le baradi ba ka,” ho rialo Morena ya matla wohle.

Jakobo 1:22

Le be baphethi ba lentswe leo, e seng bautlwi feela, ba ithetsang ka bobona.

1 Johanne 2:29

Kaha le tseba hore o lokile, le lokela ho tseba hore mang le mang ya etsang tse lokileng o tswetswe ke yena.

3 Johanne 1:11

Motswalle, o se ke wa latela mehlala e mebe, o mpe o latele e metle. Ya etsang tse ntle ke wa Modimo; ya etsang tse mpe ha a eso ka a tseba Modimo.