Luka 12:21 - BIBELE

²¹ “O jwalo ya ipokellelang matlotlo, empa e se morui mahlong a Modimo.”

Sesotho 1909/1961 (SO)

²¹ Ya ipokellelang matlotlo, a mpa a sa ruele ho Modimo, o jwalo.

Baasraak Sotho NT

²¹ Ho joalo le ka ea ipolokelang letlotlo, empa a sa ruela ho Molimo.

Contemporary Southern Sotho Bible 2024

²¹ Ho joalo le ka ea ipolokelang letlotlo, empa a sa ruela ho Molimo.

Luka 12:21 Referencias Cruzadas

Diproverbia 13:7

E mong o iketsa morui, a se na letho, e mong a iketse mofutsana, a hafa ka nkatana.

Hosea 10:1

Iseraele ke morara o holang haholo; ha tholwana tsa hae di ntse di eketseha, dialetare tsa hae le tsona di a eketseha. Ha mobu wa hae o atlehisa dijalo, le yena o ntlafatsa difika, fika tse kgumamelwang.

Habakuke 2:9

“Ho madimabe ya ithuisang ka mano, ya hahang ntlo ya hae hodima qhowa, hore a tla tsebe ho phema koduwa.

Luka 12:33

Rekisang maruo a lona, mme le thuse mafutsana; iketsetseng mekotlana e sa tsofaleng, letlotlo le sa feleng, mahodimong, moo ho sa atameleng leshodu, leha e le tshwele ho senya,

Luka 16:11

Ha e le moo le sa ka la tshepahala leruong le sa lokang, ke mang ya tla le tshepela la sebele?

Luka 6:24

“Empa ho madimabe lona barui, hobane le se le amohetse matshediso a lona.

Baroma 2:5

Empa ka baka la bothata ba pelo ya hao e sa bakeng, o ikekeletsa kgalefo mohla letsatsi leo ka lona Modimo a tla bonahatsa kgalefo ya hae le kahlolo ya hae e lokileng.

2 Bakorinthe 6:10

re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.

1 Timothea 6:9

Ha e le ba ikemiseditseng ho rua, ba wela lerabeng la moleko, le ditakatsong tse ngata tsa bothoto, tse kotsi, tse tetebeletsang batho tshenyehong le timelong.

Jakobo 2:5

Mamelang, bana beso ba ratehang. Na hase Modimo ya kgethileng bao e leng mafutsana mahlong a lefatshe, hore e be barui tumelong, le majalefa a Mmuso oo a o tshepisitseng ba mo ratang?

Tshenolo 2:9

o re: Ke tseba matshwenyeho le bofutsana ba hao; leha ho le jwalo, o ruile. Ke tseba dinyefolo tsa ba reng ke Bajuda, empa e se bona, e le ba phutheho ya Satane.