Luka 11:36 - BIBELE

³⁶ hobane ha mmele wa hao wohle o ena le lesedi, o se na karolo le e nngwe e aparetsweng ke lefifi, o tla be o ena le lesedi ka botlalo, jwalokaha lebone le o bonesetsa ka lesedi la lona.”

Sesotho 1909/1961 (SO)

³⁶ Ekare ha mmele wohle wa hao o ena le lesedi, ho se moo ho leng lefifi, ke hona o tla ba le lesedi hohle, jwalokaha lebone le o bonesa ka lesedi la lona.

Baasraak Sotho NT

³⁶ Ha mmele wohle wa hao o ena le lesedi, ho se moo ho leng lefifi, o tla tlala lesedi kaofela, jwalokaha lebone le o bonesetsa ka ho phatsima ha lebone.

Contemporary Southern Sotho Bible 2024

³⁶ Ha mmele wohle wa hao o ena le lesedi, ho se moo ho leng lefifi, o tla tlala lesedi kaofela, jwalokaha lebone le o bonesetsa ka ho phatsima ha lebone.

Luka 11:36 Referencias Cruzadas

Diproverbia 1:5

Ya bohlale a a mamele, a eketse tsebo le kutlwisiso, ya nang le kutlwisiso a fumane tataiso,

Diproverbia 20:27

Bone la Morena ke wona moya wa motho, le bonesa bokahare ba pelo ya motho.

Diproverbia 6:23

Taelo ke lona lebone, thuto ke lona lesedi, kgalemo ke bona bophelo,

Isaia 42:16

Ke tla tsamaisa difofu ka tsela eo di sa e tsebeng, ke di tataise tseleng eo di sa e tlwaelang; lefifi ke tla le fetola lesedi kapele ho tsona, ke batalatse baka tse makukuno. Tsena ke ntho tseo ke tla di etsa, mme ha nka ke ka tlohela ho di etsa.

Isaia 8:20

Hlahlobang molao le bopaki ba ka! Haeba ba sa bue ho ya ka dipolelo tsena, ke hobane ha ho na lesedi le ba tjhabelang.

Hosea 6:3

A re lekeng ho tseba Morena, re ikitlaeletseng ho mo tseba. Ho tla ha hae ke ha nnete, ha nnete ya ho tla ha mafube; o tla tla ho rona sa medupe ya pula, sa pula tse kolobisang, tse kolobisang mobu selemo.”

Mattheu 13:52

A re ho bona: “Ka baka leo, Setsebi se seng le se seng sa Molao se rutilweng tsa Mmuso wa mahodimo se tshwana le monga ntlo ya ntshang tse ntjha le tsa kgale letlotlong la hae.”

Mattheu 5:15

lebone le lona ha le ke be le hotetswe le kwahelwe ka nkgo, empa le bewa sedulwaneng sa lona, le kgantshetse bohle ba ka tlung.

Luka 11:35

Ha ho le jwalo o hlokomele hore lesedi le ka ho wena e se be lefifi,

Luka 11:37

Yare ha a ntse a bua, Mofarisi e mong a mo kopa hore a yo ja le yena; a kena, a ja.

2 Bakorinthe 4:6

Modimo ya itseng: “Lesedi le kganye lefifing,” ke yena ya kgantsheditseng dipelo tsa rona, hore di be le lesedi la tsebo ya tlotla ya Modimo, e kganyang sefahlehong sa Kreste.

Baefese 4:14

Ka hona ha re sa tla hlola re eba masea a tsokoletswang kwana le kwana, a fefolwang ke moya ofe le ofe wa dithuto tsa batho ba mano, ba kgelosang ka maqiti a bona.

BaKolose 3:16

Lentswe la Kreste le ahe ka ho lona ka menono yohle ya lona. Rutanang, mme le eletsane ka bohlale bohle. Ka dipelo tse tletseng teboho, binelang Modimo dipesalema, difela le dipina tse halalelang.

BaHebheru 5:14

Athe dijo tse thata ke tsa batho ba baholo, ba seng ba ithutile ho hlalohanya botle le bobe.

Jakobo 1:25

Ya shebisisang molao o phethehileng wa tokoloho, ya pheellang ho wona, a sa fetohe moutlwi ya lebalang, empa e le mophethi wa mosebetsi, motho eo o tla fumana lehlohonolo ho seo a se etsang.

2 Petrose 3:18

Le mpe le hole mohaung le tsebong ya Jesu Kreste, Morena le Mopholosi wa rona. Ho yena e be tlotla jwale le kamehla yohle. A ho be jwalo!