Luka 11:36 - Sesotho 1909/1961 (SO)

³⁶ Ekare ha mmele wohle wa hao o ena le lesedi, ho se moo ho leng lefifi, ke hona o tla ba le lesedi hohle, jwalokaha lebone le o bonesa ka lesedi la lona.

BIBELE

³⁶ hobane ha mmele wa hao wohle o ena le lesedi, o se na karolo le e nngwe e aparetsweng ke lefifi, o tla be o ena le lesedi ka botlalo, jwalokaha lebone le o bonesetsa ka lesedi la lona.”

Baasraak Sotho NT

³⁶ Ha mmele wohle wa hao o ena le lesedi, ho se moo ho leng lefifi, o tla tlala lesedi kaofela, jwalokaha lebone le o bonesetsa ka ho phatsima ha lebone.

Contemporary Southern Sotho Bible 2024

³⁶ Ha mmele wohle wa hao o ena le lesedi, ho se moo ho leng lefifi, o tla tlala lesedi kaofela, jwalokaha lebone le o bonesetsa ka ho phatsima ha lebone.

Luka 11:36 Referencias Cruzadas

Diproverbia 1:5

Ya bohlale a utlwe, mme o tla eketsa tsebo; ya hlalefileng le yena o tla ithuela masene,

Diproverbia 20:27

Moya wa motho ke lebone la Jehova, o batlisisa tse tebileng ka ho yena.

Diproverbia 6:23

Hobane keletso ke lebone, thuto ke lesedi, mme dikgalemelo tsa tayo ke tsela ya bophelo;

Isaia 42:16

Ke tla tsamaisa difofu mmileng oo di sa o tsebeng, ke di ise ka ditsela tseo di sa di tsebeng; ke tla fetola lefifi lesedi pela tsona, le wona makukuno a fetohe lehwatata; ntho tseo ke tla di etsa, nke ke ka di tlohela.

Isaia 8:20

Eyang molaong le bopaking; ekareha ho sa uwe ka lentswe lena, etlaba setjhaba ha se sa tla tjhabelwa ke tsatsi le leng.

Hosea 6:3

A re tsebeng, a re phehelleng ho tseba Jehova! Ho hlaha ha hae ho tiile jwaloka mafube a meso; o tla re tlela jwaloka pula, jwaloka pula ya hwetla e nosetsang lefatshe.

Mattheu 13:52

A re ho bona: Ke moo ke reng: Mongodi e mong le e mong, ya rutilweng tsa mmuso wa mahodimo, o jwaloka motho eo e leng monga ntlo, ya ntshang dintho tse ntjha le dintho tsa kgale letlotlong la hae.

Mattheu 5:15

Lebone le lona ha le hoteletswe ho kenngwa katlasa morula, empa e le ho hlongwa kandelareng, le tle le bonesetse bohle ba leng tlung.

Luka 11:35

O iponele ke hona, hore lesedi le ho wena e se ke ya eba lefifi.

Luka 11:37

A re a sa bua, mofarisi e mong a mo rapela, hore a ke a tle ho ja le yena; a ya, a dula dijong.

2 Bakorinthe 4:6

Hobane Modimo o kileng wa re: Lesedi le hlahe lefifing, ke wona o bonesitseng dipelong tsa rona, ho hlahisa lesedi la tsebo ya kganya ya Modimo e bonahalang ho Jesu Kreste.

Baefese 4:14

hore re se hlole re eba bana, ba jwaloka mahohodi, ba fetohelang moyeng o mong le o mong wa thuto e ntjha, ka thetso ya batho, le ka mano a bona a ho kgelosa ka bohata;

BaKolose 3:16

Lentswe la Kreste le ikahele ho lona ka moeno, ho le hlahisetsa bohlale bohle; le nne le rutane, mme le kgothatsane ka dipesalema, le dithoko, le difela tsa moya, le ntse le binela Morena ka dipelo tsa lona, ka bokgabane.

BaHebheru 5:14

empa dijo tse tiileng ke tsa banna ba tiileng, e leng bao dikelello tsa bona di lemaletseng ho kgetha ho hotle le ho hobe, ke ho sebediswa hona.

Jakobo 1:25

Empa ya shebisisang molaong o phethehileng, e leng wa tokoloho, mme a tiisetsa teng, e se moutlwi ya hakwang, empa e le moetsi ya sebetsang, motho eo o tla ba le lehlohonolo ho etseng ha hae.

2 Petrose 3:18

le mpe le hole mohaung le tsebong ya Jesu Kreste, Morena le Mmoloki wa rona. Ho yena e be kganya jwale le mehleng e sa feleng! Amen!