Joshua 23:11 - BIBELE

¹¹ Ka baka leo, itlhokomeleng, le rate Morena Modimo wa lona.

Sesotho 1909/1961 (SO)

¹¹ Iponeleng hantle ke hona, mme le rate Jehova, Modimo wa lona.

Joshua 23:11 Referencias Cruzadas

Eksoda 20:6

Empa ba nthatang, ba bolokang melao ya ka, ke ba hauhela ho isa melokong e sekete.

Diproverbia 4:23

Baballa pelo ya hao, e baballe ho feta tsohle, hobane ke yona diba sa bophelo.

Luka 21:34

“Itlhokomeleng, esere mohlomong dipelo tsa lona tsa imelwa ke botlofa le botahwa, le matshwenyeho a bophelo bona, mme letsatsi lela la le tsometsa,

Baroma 8:28

Jwale re a tseba hore ba ratang Modimo, ba bitsitsweng ka morero wa hae, tsohle di ba tlisetsa molemo.

1 Bakorinthe 16:22

Haeba ho ena le ya sa rateng Morena, a ke a rohakehe. Marana tha! Morena, tloo!

1 Bakorinthe 8:3

Empa haeba ho ena le ya ratang Modimo, yena o tsejwa ke yena.

Baefese 5:15

Hlokomelang metsamao ya lona haholo; le se be dithoto, le mpe le be ba bohlale,

Deuteronoma 30:16

Kajeno ke le laetse hore le rate Morena Modimo wa lona, le tsamaye ditseleng tsa hae, le boloke melao ya hae, le ditaelo tsa hae, le ditemoso tsa hae, e le hore le tle le phele, mme le ate. Morena Modimo wa lona, o tla le hlohonolofatsa naheng eo le yang ho yona, hore e tle e be ya lona.

Deuteronoma 30:20

Le rate Morena Modimo wa lona, le mamele lentswe la hae, le mo kgomarele, hobane ke yena ya le phedisang, ya lelefatsang matsatsi a ho phela ha lona, e le hore le tle le ahe naheng eo Morena a hlapanyeditseng bo-ntata lona Aborahama, Isaka, le Jakobo, hore o tla le nea yona.”

Deuteronoma 4:15

“Ka baka leo, itlhokomeleng, hobane mohla Morena a buang ho lona a le kahara mollo, thabeng ya Horebe, ha le a ka la bona ya buang.

Deuteronoma 4:9

“Feela le itlhokomele, le be hlokolosi, esere la lebala dintho tseo le di bonang ka mahlo a lona, kapa tsa hlakoha dipelong tsa lona ka matsatsi wohle a bophelo ba lona. Empa lona le di tsebise bana ba lona, le ditloholo tsa lona.

BaHebheru 12:15

Hlokomelang hore ho se be ya furallang mohau wa Modimo, esere ha mela sebabane se seng se ferekanyang, mme sa silafatsa ba bangata.

Joshua 22:5

Feela le ele hloko, le boloke taelo le molao oo Moshe mohlanka wa Morena, a le laetseng wona: Le rate Morena Modimo wa lona, le tsamaye ditseleng tsohle tsa hae, le boloke melao ya hae, le mo kgomarele, le mo sebeletse ka dipelo tsa lona tsohle, le ka moya wa lona wohle.”

Joshua 23:10

Monna a le mong wa lona o lelekile batho ba sekete, hobane Morena Modimo wa lona, ke yena ya le lwanetseng, jwalokaha a ne a le tshepise.

Joshua 23:12

“Haeba le ka kweneha, la kgomarelana le masalla a ditjhaba tsena a setseng hara lona, la nyallana le wona, la kopakopana le wona,