Joshua 19:32 - BIBELE

³² Lotho la botshelela la tswa e le la bana ba morabe wa Nafthali; ke ho re ba Nafthali ho ya ka malapa abo bona.

Sesotho 1909/1961 (SO)

³² Karolo ya botshelela ya laolelwa bana ba Nefthali, ke ho re, bana ba Nefthali ka matlo a bona.

Joshua 19:32 Referencias Cruzadas

Genese 35:25

Bara ba Bileha, lekgabunyane la Ragele, ke Dane le Nafthali.

Genese 49:21

“Nafthali ke kgama ya molalasekwai, e tswalang manamane a matle.

1 Marena 4:15

Ahimase, ya neng a nyetse moradi e mong wa Solomone, ya bitswang Basemate, a le naheng ya Nafthali.

Ezekiele 48:3

naha ya Ashere e sehelane moedi le ya Nafthali;

Numere 26:55

Feela ba arolelwe naha ena ka lotho. Ba tla arolelwa naha ena ho ya ka mabitso a merabe ya bo-ntata bona.

Mattheu 4:13

A tloha Nasaretha, a tla aha Kapernauma e lebopong la letsha, tikolohong ya Sebulone le Nafthali,

Deuteronoma 33:23

“Ho Nafthali a re: “ ‘Wena, Nafthali, o ratwa ka ho fetisa, mahlohonolo a Morena a o atetse; mmuso wa hao o tloha lewatleng ho ya borwa.’

Joshua 19:31

Ena ke yona naha ya bana ba morabe wa Ashere, le metse le metsana ya yona, ho ya ka malapa abo bona.

Joshua 19:33

Moedi wa bona o ne o tloha Helefe, le sefateng se seholo sa Saananime, le Adami-Nekebe, le Jabeneele, ho ya fihla Lakume, mme o fella Jorodane.

Baahlodi 1:33

Ba morabe wa Nafthali le bona ba se ke ba leleka baahi ba Bete-Shemeshe, le baahi ba Bete-Anate; ba aha hara Bakanana, e leng baahi ba naha. Baahi ba Bete-Shemeshe le baahi ba Bete-Anate ya eba makgoba a bona.

Baahlodi 4:6

A roma maqosa ho ya bitsa Barake, mora wa Abinoame, ya tswang Kedeshe e Nafthali, mme Debora a re ho yena: “Morena Modimo wa Iseraele, o o laetse, a re: ‘Tsamaya, o lebe thabeng ya Tabore, o ye le bana ba dikete tse leshome ba tswang hara bana ba Nafthali le hara bana ba Sebulone.