Genese 4:17 - BIBELE

¹⁷ Kaine a kena dikobong tsa mosadi wa hae; mosadi a ithwala, a tswala Henoke. Kaine a haha motse, a o reella ka mora wa hae, Henoke.

Sesotho 1909/1961 (SO)

¹⁷ Kaine a tseba mosadi wa hae, mme a emola, a tswala Henoke; Kaine a haha motse, mme a reella motse oo lebitso la Henoke, mora wa hae.

Genese 4:17 Referencias Cruzadas

Genese 11:4

Ba re: “Tloong, re ikgaheleng motse, le tora eo tlhoro ya yona e tla fihla lehodimong; mabitso a rona a tle a tume, esere ra tshoha re qhalaqhalana le lefatshe lohle.”

Genese 4:16

Kaine a tloha pela Morena, a ya aha lefatsheng la Nodo, ka botjhabela ho Edene.

Genese 4:18

Henoke a tswala Irade; Irade a tswala Mehuyaele; Mehuyaele a tswala Methushaele; Methushaele a tswala Lameke.

Genese 5:18

Jareta o ne a ena le dilemo tse lekgolo le mashome a tsheletseng a metso e mmedi ha a tswala Henoke.

Genese 5:22

Hoba Metushela a tswalwe, metsamao ya Henoke ya kgahla Modimo ka dilemo tse makgolo a mararo, mme a tswala bara ba bang le baradi.

2 Samuele 18:18

Ha Abosalome a sa ntsane a phela, o ne a ile a ikgahela sefika ka Kgohlong ya Kgosi, hobane o ne a re: “Ha ke na mora ya tla tsosa lebitso la ka.” Sefika seo a se reella ka yena, mme se ntse se bitswa Sefika sa Abosalome le kajeno-ya-bokajeno.

Dipesaleme 49:11

O tla fela a bone hore le ba bohlale ba a shwa, sethoto le lewatla ba timela ka ho tshwana, ba siele ba bang matlotlo a bona.

Dipesaleme 49:12

Mabitla a bona ke matlo a bona a mehla yohle, ke leaho la bona ho isa melokong yohle, le hoja dinaha di reeletswe ka bona.

Daniele 4:30

a bua, a re: “Na ee hase yona Babilona e kgolo, eo ke e hahileng ka matla a ka a maholo, e le ntlo ya bokgosi le tlotla ya botlotlehi ba ka?”