Genese 3:19 - BIBELE

¹⁹ O tla ja bohobe ka mofufutso wa phatla ya hao, ho fihlela o boela mobung, hobane o ntshitswe mobung, o lerole, mme o tla boela leroleng!”

Sesotho 1909/1961 (SO)

¹⁹ O tla ja bohobe ka mofufutso wa phatla ya hao, o be o kgutlele mobung oo o ntshitsweng ho wona; hobane o lerole, mme o tla kgutlela leroleng.

Genese 3:19 Referencias Cruzadas

Genese 18:27

Aborahama a boela a re: “Ako bone! Ke bile sebete ho bua le Morena, le hoja ke le lerole le molora feela.

Genese 2:7

Morena Modimo a bopa motho ka lerole le tswang mobung; ka dinkong tsa hae a budulela moya wa bophelo, mme motho ya eba sebopuwa se phelang.

Genese 23:4

“Ke molata le mojaki hara lona; mpheng setsha sa mabitla, ke tle ke yo epela mofu wa ka ho sona.”

Genese 3:18

Mobu oo o tla o medisetsa meutlwa, o o medisetse le tshehlo, o je meroho ya naha.

Genese 5:5

Ditshiu tsohle tseo Adama a di phetseng e bile dilemo tse makgolo a robong le mashome a mararo; a nto shwa.

Jobo 1:21

o re: “Ke tswetswe ke mme ke le feela, ke tla ya lebitleng ke ntse ke le feela. Morena o na fane, Morena o amohile, ho ke ho roriswe lebitso la hae.”

Jobo 10:9

Ako hopole, o mpopile seka letsopa; na o tla nkgutlisetsa leroleng hape?

Jobo 19:26

Leha tlalo la ka le tla be se le bodile, ka mahlo Modimo ke tla mmona ke se mmeleng ona;

Jobo 21:26

ba robala ba bapile roleng la lebitla, bobedi ba bona ba nyeunye diboko.

Jobo 34:15

tsohle tse phelang di ne di tla timela, motho le yena, a kgutlele leroleng.

Jobo 4:19

a ka tshepa jwang ba meqhemeng ya makwete, ba bopilweng ka role la lefatshe, ba phetshelwang habonolo jwaloka tshwele?

Dipesaleme 103:14

Ke hobane yena o tseba seo re bopilweng ka sona, ha a lebale hore re lerole feela.

Dipesaleme 104:23

Motho yena o ikela mosebetsing wa hae, a yo sebetsa ho fihlela mantsiboya.

Dipesaleme 104:29

Ha o ipata sefahleho, di a tshoha; ha o di amoha moya wa hao, di a shwa, di boele di kgutlele leroleng.

Dipesaleme 127:2

Ke lefeela ha le tsoha kameso, kapa le dieha ho robala, le itjella bohobe boo le bo fumanang ka thata, athe yena o fa baratuwa ba hae ba ntse ba ithobaletse.

Dipesaleme 22:15

Ke jwaloka metsi a tsholohang, masapo a ka a tswenehile; pelo ya ka e jwaloka tshotso, e qhibidiha ka sefubeng sa ka;

Dipesaleme 22:29

hobane puso ke ya Morena, mme o rena hodima ditjhaba.

Dipesaleme 90:3

O kgutlisetsa motho leroleng, o re: “Kgutlang, bana ba batho.”

Diproverbia 21:16

Ya kgelohang tsela ya kutlwisiso pheletso ya hae ke ho phomola hara bafu.

Moeklesia 1:13

Ka ineela ka pelo ya ka yohle ho batla le ho fuputsa ka bohlale, dintho tsohle tse etswang mona lefatsheng. Modimo o neile batho mosebetsi ona o boima hore ba o sebetse ka thata.

Moeklesia 1:3

Motho o boellwa keng mosebetsing wohle wa hae, oo a o sebetsang ka thata lefatsheng?

Moeklesia 12:7

lerole le eso busetswe leroleng, moya o kgutlela ho Modimo, Mofani wa wona.

Moeklesia 3:20

Ntho tsohle di fella nqa e le nngwe; tsohle di tswa leroleng, mme tsohle di kgutlela leroleng.

Moeklesia 5:15

Jwalokaha motho eo a tswetswe a le feela, o tla ya lebitleng a ntsa le feela. Hara tsohle tseo a di sebeditseng, a ke ke a nka le e nngwe ka letsoho la hae.

Daniele 12:2

Ba bangata ba seng ba shwele ba tla boela ba tsoha: Ba bang ba tsohele bophelo ba kamehla yohle, ba bang ba tsohele hore ba hlajwe ke dihlong, ba nyedisehe kamehla yohle.

1 Bakorinthe 15:47

Motho wa pele o tswa mobung, ke wa lefatshe; motho wa bobedi yena o tswa lehodimong.

Baefese 4:28

Ya utswang a se hlole a utswa, a mpe a tshware ka thata, a sebeletse tse molemo ka matsoho a hae, a tle a tsebe ho fa ya hlokang.

1 BaThesalonika 2:9

Bana beso, le tla hopola kamoo re neng re sebetse ka thata kateng, ra fufulelwa! Ra na ra sebetsa motsheare le bosiu, hore ha re ntse re le bolella molaetsa o molemo wa Modimo, re se ke ra kgoka mang kapa mang wa lona.

2 BaThesalonika 3:10

Ha re ne re sa na le lona, re nnile ra le laela hore haeba e mong a sa rate ho sebetsa, le ho ja a se ke a ja.

BaHebheru 9:27

Batho ba abetswe ho shwa hanngwe, ba nto ahlolwa.